Taitas 3:7 - Iatmul: God Waa Nyaangɨt

⁷ Tavilaa lɨndɨ maa God nɨn kat awagapma kwunaka walɨgandɨ. Ngwuk wunai lɨga vla lɨgangwuk waa walɨgandɨ. Wandɨ maa ndɨna nyangu vla tɨganɨn. Tɨga lɨga njɨmbla njɨmbla apma vat yetɨneya vak kat klavak kat yelavɨka kawiga lɨganɨn.

Taitas 3:7 ပူးပေါင်းရင်းမြစ်များ

Matyu 25:34

Taagalaa yaagindan naangamba lɨga nɨmba kat wun njambwi king wun waigowun. Ngwuk apma nɨmba ngwuk. Wuna nyaek ngwuk kat apma vat yindɨ. Yagwa ngwula. God ngwuk kat kwindeya nda yaa kla ngwula. Tamba kɨpma kwuta njɨmblamba ngwuk kat kwindeya nda kwundaka taagandɨ.

Mak pɨlɨwutna 10:17

Wan kava kwagalavat yilɨndɨ maa kɨta nyan ndɨ kat yalaa kwalimamba vaselaa ndɨ kat wagalandɨ. Apma sɨmaga lɨga nyan, ngɨlɨlapman apma vat yetɨweya vak klavak kak angamak kwuikiyowun waa wagalandɨ.

Pol pɨlɨwutna pas 11:6

God ndɨna maawupmba awagapma ndi kat kwutaa kiyandɨ. God ndi kat ana wandɨ. Ngwuk apma njɨvwa kwutɨngwuk maa apma wenga ngwuk kat kwigiyowun waa ana wandɨ God. Ndɨ awagapma ana kwindɨ waa waigenɨn.

Pol pɨlɨwutna pas 3:24

Wungi kat tɨga God ndinyangu kat aywaa awagapma wandɨ. Wuna nyan ngwuk kat tɨga wun kat wenga kwindɨ. Wun kat wenga kwindangat ngwuk kat wunai lɨga vla lɨgangwuk waigowun waa wandɨ God.

Pol pɨlɨwutna pas 3:28

Jisas kwutaa njɨvwa kat nɨna mbangɨ wiyo waavi taagandeyan God nɨn kat waigandɨ. Wunai lɨga vla lɨgangwuk waa waigandɨ. Nɨna apma njɨvwa vɨlaga nan kwunakiyandɨ. Vɨlɨganɨn.

Pol pɨlɨwutna pas 4:16

Wupma kɨta nyan God waa nyaangɨt nɨmamba kwutaa lɨndeyan God kwigiyaa nbda klagiyandɨ. God awagapma mɨna kwilɨgandɨ. Awagapma mɨna kwilɨndangat Ebrahamna yelangɨ nɨmba kat kwilɨnda vat ana ngɨlɨgiyandɨ. Tak God Ebraham kat wandɨ maa pɨlɨwutndi. Yelangɨ yelangɨna nɨmba mɨn kat ngwat waigandi waa wandɨ God waa pɨlɨwutndi. Wungi kat tɨga Ebraham nɨna ngwatna nɨn aywaa God kwilɨnda vat nat yelangɨ nɨmba kat lomba yetɨlɨga nɨmba kat ana ngɨlɨgiyandɨ. Nat yelangɨ nɨmba kat God waa nyaangɨt nɨmamba kwutaa lɨga nɨmba kat nɨmbun ana ngɨlɨgiyandɨ. God kiyaa palɨ kat laak wandeyan laakiyandɨ. God ngɨni yaiga vak mbambala vɨlaa walɨgandɨ. Ndɨ kwondu namwiya lɨndangat kwigiyowun wandangat nɨna mbangɨ manda kat kɨlɨpangɨ yigiyandɨ.

Pol pɨlɨwutna pas 4:4

Kɨta nyan njɨvwa kwutindeyan ndɨ kat sanya ana kwo kwigiyandɨ. Njɨvwa kwutndangat vɨlaa kwigiyandɨ. God nɨnai kavle jwutaa njɨvwa vɨlapman wunai lɨga vla lɨgangwuk walɨgandɨ. Awagapma mɨna walɨgandɨ. Ndɨnai waa nyaangɨt nɨmamba kwutaa lɨneyan wunai lɨga vla lɨgangwuk waigandɨ.

Pol pɨlɨwutna pas 8:17

Ndɨna nyangu tɨnangat ndɨna sɨmbɨ kɨvu ngena nda aywa nɨn kat kwigiyandɨ. Ndɨna nyan Kraist kat kwindeya nda nɨn kat kɨtamba kwigiyandɨ. Kraist kat nɨma vat yinja vat nɨn kat yɨneyan ngɨni nɨn kat ndɨ God apma vat Kraist klaa vat kwigiyandɨ.

1 Korin 6:11

Ngwula nat nɨmba tat wupma lɨndi. mbambala kavle vat yetɨngwa nɨna njambwi nyan Jisas Kraistno Godna waagano tamba sɨlɨmbwimbɨt. Ngwuk kat kwunatɨmbɨt maa God ngwuk kat vɨlaa ngwuk wuna nyangu vat yetɨgiyangwuk waa walɨgandɨ.

Galesia 2:16

Nɨn kɨta vak kat vɨga lɨganɨn. Kɨta nyan Juda yeta vapmba yetɨndeyan God ndɨ kat mɨn apma nyan mɨn waa ana waigandɨ. Kɨta nyan Jisas Kraist kwuta njɨvwa kat wuna lak yaandɨ wandeyan God ndɨ kat mɨn apma nyan mɨn waa waigandɨ. Wanja nyaangɨt nɨno tamba wanɨn. Nɨn Juda nɨmbun wan vapmba waneyan God nɨn kat apma nɨmba ngwuk waa waigandɨ. Kɨta nyan Kraist kwuta njɨvwa kat kwagalalaa Judana lomba yetɨndeyan God ndɨ kat apma nyan mɨn waa ana waigandɨ.

Galesia 3:29

Kraistna mbaapmamba lɨngweyan ngwuk Ebrahamna nyangu ngwuk. God Ebraham kat kwivat wanda nda ngwulo ngwuk kat kwigiyandɨ.

Galesia 4:7

Mbambala ngwut kwo nɨmba ana ngwuk. Tamba Godna nyangu ngwuk. Ngwuk Godna nyangu kat kwindeya kwanda kwanda klalaa vɨga lɨgiyangwuk.

2 Tesalonaika 2:16

Nɨna njambwi nyan Jisas Kraistno nɨna nyaek Godno nɨn kat woviyaguga lɨgambɨt. Njɨmbla njɨmbla apma vat tɨneya vat nɨn kat awagapma kwimbɨt. Apma vat nɨn kat yimbeya vak kat yelavɨka kawiga lɨganɨn.

Taitas 1:2

Nyaangɨt mbutɨwa nɨmba njɨmbla njɨmbla apma vat yetɨnjeya vak kat yelavɨka lɨgandi. Tamba nglei God wan vak apma vak yetɨngweya vak ngwuk kat kwigiyowun wandɨ. Ndɨ woseka walɨga nyan ana dɨ.

Taitas 2:11

God nɨn kat awagapma kwunatɨnda vat tamba ndiyangu kat aywaa yandɨ. Tamba vɨga wuka lɨganɨn.

Taitas 2:13

Nɨn maawut viyalɨndɨ, nɨma njambwi nyan yaiga njɨmbla kat kawiga lɨganɨn. Nɨn kat kwunatɨga nyan Jisas Kraist ngɨni apma vapmba yaigandɨ. Ndɨ kat kawiga lɨganɨn.

Hibru 1:14

Ensel ndi Godna njɨvwa kwutɨga nɨmba ndi. God ndi kat aywandɨ maa ndɨna mbbapma wuleigiya nɨmba kat ndi kat kwunatɨgandi.

Hibru 11:7

Tamba la nyan Noa ndɨno God kat maawupba yelavɨtɨndɨ. God ndɨ kat kavle vat yaigandɨ wandɨ maa kwiyatapman njaambɨt kwutndɨ. ngɨni yaiga kavle vat mɨnimba ana vɨndɨ. God waa nyaangɨt mɨna wutaa yelavɨka kwutaa lɨndi. Wan njaambɨtmba ndɨna ngaymba la nɨmba wuleilaa kwo lɨndi. Nat nɨmba wan njambɨt wuleilapman alagumba la nɨmba aywaa ngu kɨga kiyandi. Ngu pɨng waa wokendɨ, vɨlaa Noa apma vat yelavɨtndɨ. Nɨn kavle vat mɨna yelavɨka yetɨnɨn waa yelavɨtndɨ. God Noana maawupmba lɨga vak vɨlaa ndɨ kat wandɨ. Mɨn apma nyan mɨn waa wandɨ.

Hibru 11:9

God kat yelavɨka god ndɨ kat kwinda ngepma haus sel mɨna kwutaa tɨndɨ. Nɨma ngay ana kwutndɨ. Njɨmbla njɨmbla tɨweya kava ana ndɨ waa yelavɨtaa kwo lɨndɨ. ndɨna nyan ngwat Isak, Jekop ngɨni wumba yetɨmbɨk. Ndi aywaa God ndi kat kwideya da kat maawupmba yelavɨka kawiga lɨndi.

Hibru 6:17

God waa nyaangɨt wutaa ndɨ God woseka ana walɨgandɨ waa wanangat wandɨ God. Wungi kat tɨga avla ndɨna sɨ sɨge yindɨ. God nɨn kat kwigiyadɨ luwa. Ana nɨn kat woseka waigandɨ waa yelavɨtɨganɨn.

Jems 2:5

Wuna mbaapma nɨmba, God wupma ana yelavɨka lɨgandɨ. Kan kɨpmana sanya lapman tɨga nɨmba God ndi kat kwutaa ndɨna mbaapmamba taagandɨ. Ndi kat apma maawut kwindɨ. Tak God wandɨ. Wun kat yelavɨka lɨga nɨmba ndi kat apma wenga nda kwilaa ndi kat vɨga lɨgiyowun waa wandɨ. Ndino ndi kat kwigiyandɨ.

1 Pita 3:7

Ngwut ndu ngwula taagwa kat yelavɨk ngwula. Ndi nɨma avo tɨga vla ana lɨgandi. Ngi kat tɨga ndi kat nɨma maawut yelavɨka ndi kat kwunak ngwula. Ndina sɨ ke tasandaga. God kwiya njɨmbala njɨmbla tɨgnweya apma vat ngwuk kapma ana klaigangwuk. Ngwutna taagwa ndino klaigandi. Ndina sɨ tasanda lapman yingweyan God kat wagalangweya nyaangɨt wukiyandɨ.