Taitas 2:12 - Iatmul: God Waa Nyaangɨt

¹² Wan vak nɨn kat apma nyaangɨt mbutɨgandɨ. Kɨpmana nda kat yelavɨkngwa vak kwagala ngwula waa mbutɨgandɨ. God yeta vat vla yetɨ ngwula waa mbutɨgandɨ. Wan kɨpma yetɨngwa njɨmbla apma vat yelavɨka apma maawut sɨka wan God yeta vak vla yetɨ ngwula waa mbutɨgandɨ.

Taitas 2:12 ပူးပေါင်းရင်းမြစ်များ

Matyu 12:32

Wun Godna vak sɨmogwi lɨga nyan wun. Kɨta nyan wun kat kavle nyaangɨt ngambundeyan God ndɨ kat alɨpsɨga sɨlɨmbigiyandɨ. Godna waagan kat kavle nyaangɨt ngambundeyan wupma ana sɨlɨmbwigiyandɨ. Ngɨni nɨmbun ana sɨlɨmbwigiyandɨ.

Matyu 16:24

Kɨta nyan wuna mbaapma wuleivat wandeyan avla ndɨna mbangɨ kwunapmak kat kai walaa kwutuwa njɨvwa ndɨno kwukiyandɨ.

Matyu 28:20

Ngwuk kat mbutuwun, wutaa yetɨngwa nyaangɨt ndi kat mbukngwuk maa kwutaa yetɨgiyandi. Ngwuk kɨta nda kat wana yelavɨtapman yilɨngweya. Ngwuk kat ana kwagalagiyowun. Ngwutnogwinala njɨmbla njɨmbla tɨgiyowun. Ngwulogwi tɨlɨwun, kɨpma nyinangwut ngɨlɨgiyandi ngɨni la lɨga nandinya waa wandɨ Jisas.

Luk pɨlɨwutna 1:6

Mbɨk God waa vak apma vapmba yetɨmbɨk. God waa nyaangɨt wuka ndɨnai taaga njambiyamba yetɨmbɨk.

Luk pɨlɨwutna 1:75

Apma vat yiga God yeta vla apma vak yetɨgiyanɨn njɨmbla njɨmbla.

Jon pɨlɨwutna 14:30

At nat njamba ngwutnogwinala nɨma sakwat nyaangɨt ana ngambugiyowun. Kan kɨpmamba lɨga kwo nɨmbana njambwi nyan Seten nat nyamba wuleilaa yaigandɨ. Wan yaiga nyan wun kat ana alɨpsɨga kwulakiyandɨ. Yalaa wun kat kwutndi maa vɨlaa nɨma maawut wana yelavɨkngweya. Ndɨ ana kwulakiyandɨ.

Jon pɨlɨwutna 6:25

Yiga lɨga sak tɨvagawimba lɨndɨ, vɨlaa wagalandi. Njambwi nyan anda sɨva kupma yamɨn waa wagalandi.

Aposel 24:16

Wun apma vat yetɨlɨgowun. Nat nɨmba wun kat ana waigandi. Ndɨ kavle nyana waa ana waigandi. God wun kat ana waigandɨ. Ndɨ kavle nyana waa ana waigandɨ.

Aposel 24:25

Apma vat yetɨmbangat mbutndɨ. Kavle maawut kwagalalaa apma maawupmba yelavɨpmbangat mbutndɨ. God ndinyanguna njɨvwa sɨga nagundeya yaigaa nandinya kat mbutndɨ. Wan nyaangɨt Pol mbutɨndɨ mala wutaa vaka lɨga Filiks wandɨ. Ay mɨla. Ngɨni mɨn kat anagowun yagwa waigaa waa wandɨ.

Pol pɨlɨwutna pas 12:2

Wan kɨpmana vapmba ke yetɨlɨngweya. Kupi maawut klalaa mandɨp nɨmba tɨgiyangwuk. Ngwutna kupi maawupmba Godna maawupmba apma vat vɨga wuka yetɨgiyangwuk.

Pol pɨlɨwutna pas 6:12

Ngwuk kat kavle vapmba ngwutna mbangɨ kat lɨlandɨ. Tamba maawutmba yetɨga kavle vatna yambɨmba ke yiga.

Pol pɨlɨwutna pas 6:19

Walɨwa nyaangɨt sɨmagalɨga nyaangɨt. Apma vat wukngwangat sɨmagalɨga nyaangɨt walɨgowun. Kavle nyanan njɨvwa kwutnja vla ngwut kavle vatna njɨvwa kwukngwuk. Apma vat kwagalalaa kavle njɨvwa kwukiyangwuk. Kavle vat kwagalaa Godna apma njɨvwa mɨna kwukngweyan apma vala.

Pol pɨlɨwutna pas 8:13

Tamba la maawutmba yetɨngweyan kiyalɨnja vapmba kiyagiyangwuk. Godna waagan waa nyaangɨtmba yetɨngweyan apma vat tɨgiyangwuk.

2 Korin 1:12

Kɨpmamba yetɨlɨna vak kɨpmana maawupmba ana yetɨlɨnɨn. God kwiya maawupmba yetɨlɨganɨn. Ngwuk kat yalaa yetɨlɨna vak God kwiya maawupmba yetɨlɨnɨn. Ana ngwuk kat tɨga nyaangɨt pagwuga woseka walɨnɨn. Tak ngwuk kat yina vak maawupmba yelavɨka apma vat ndi kat yinɨn waa yelavɨtɨganɨn.

2 Korin 7:1

God tamba wanda nyaangɨt kwo ana wandɨ. Nɨn kat wutnangat wandɨ. Wuna mbaapmamba lɨga nɨmba, nɨna mbangɨ kat kavle yilɨga nda, nɨna maawuk kat kavle yilɨga nda kai waa kwagala ngwula. God nɨn kat apma vat mɨna yiga yetɨnangat wandɨ. Ngi kat tɨga apma vat mɨna yiga yetɨ ngwula.

Galesia 1:4

Kraist yalaa ndɨna mbangɨ nɨn kat tɨga avla kwo kwindɨ. Mbambala lɨga kavle vat tat nɨn kat ngilaa lɨndɨ. Wungi kavel vak kat njalapmat Krasit yandɨ. Nɨna nyaek God wandɨ mala yandɨ.

Galesia 5:24

Kraist Jisasna mbaapmamba lɨga nɨmba tamba yetɨnja ndina kavle maawuk kat kai waga kwagalanɨn. Wan tamba maawut Kraist kiya vla kiyandɨ. Ngi kat tɨga wan tambana maawut walɨga vak kat ana wutɨganɨn. Tamba kiyandɨ.

Efesas 1:4

Tamba God kɨpma ana kwuka lɨndɨ. kwutapman tɨga yelavɨtndɨ. Wundi nɨmba ngɨni Kraistna mbaapma wuleigiyandi waa yelavɨtndɨ. Wuleilaa kavle wak yilapman apma vat mɨna yiga yetɨnan kat God nɨn kat wandɨ. nɨn kat nɨma maawut yelavɨka ndi kat kwutaa Kraistna mbaapmamba taagagiyowun waa yelavɨka tɨndɨ.

Efesas 2:2

Ngwuk tamba njɨmbla kɨpmana kavle vak kwuka kavle vat yeta waagana njambwi nyana kwundimba yetɨngwuk. Mbambala wan kavle nyan God kat kai walɨga nɨmbana njambwi nyana.

Kolosi 1:22

Mbambala Godna nyan nɨna mbangɨ nyana tɨga kiyalaa Godnogwi kɨpma lɨga nɨmba kat kɨmbɨt kwutndɨ. Mbambala Godna alɨ nɨmba ngwuk. Ngɨni Godna nyan ngwuk kat kwutaa Godna mɨndama sambɨmba kalindɨ, tɨgiyangwuk. Apma vat mɨna yetɨlɨgiyangwuk. Kavle nɨmba waa ana waigandɨ.

1 Tesalonaika 4:7

Kavle vak yetɨga yambɨsɨk kwuka yetɨvak kat God nɨn kat ana wandɨ. Apma vat yetɨvak kat God nɨn kat wandɨ.

1 Tesalonaika 4:9

Ngwulagwi kɨta mbaapma nɨmba kat woviyaguga alɨ waa ana ngwuk kat pɨlɨwukiyanɨn. Wan vak tamba God ngwuk kat sɨmogwindɨ. Awat sowat woviyaguga alɨ ngwula waa God ngwuk kat sɨmogwindɨ.

1 Timoti 4:12

Mɨn kwandɨ nyan mɨn. Mɨn apma vapmba yetɨ mɨla. Kavle vapmba yetɨmeyan nat nɨmba mɨn kat waigandi. Ndɨ kan mat nyana. Ndɨna maawut yigumba ana sɨka yelavɨka lɨgandɨ. Ngi kat tɨga apma nyaangɨt mɨna ambuk. Apma vat mɨna yiga yetɨ. Nat nɨmba kat vɨga woviyaguga alɨ. God kat nɨmamba yelavɨka kwutaa alɨ. God walɨga vapmba yetɨ mɨla. Wungi yetɨma apma vapmba yetɨmeyan Godna mbaapmamba la nat nɨmba vɨga mɨnai yetɨga vapmba yetɨgiyandi.

1 Timoti 6:17

Wan nɨma sakwat ndo lɨga nɨmba kat awa mɨla. Nɨn nɨma nɨmba nɨn waa ke yelavɨkngwa waa ndi kat awa mɨla. Ngwutna kwanda kwanda kat nɨmamba ke yelavɨka lɨngwa waa awa mɨla. Kwanda kwanda nda ngɨni ngɨlɨgiyandɨ. God kat nɨmamba yelavɨka tɨgiyangwuk waa awa mɨla. God nɨn kat apma nda mɨna tɨgiyangwuk waa awa mɨla. God nɨn kat apma nda mɨna aywaa kwindɨ. Ndɨ kat solat sɨga nolin ngwandɨga lɨneya nda nɨn kat kwindɨ.

1 Timoti 6:9

Kɨta nyan nɨma sakwat nda klavat ndɨna maawupmba yelavɨka yetɨlɨndeyan wan nyan ndɨ mbak waangu veigɨtɨka ndaiya vap vla kavle yilaa tɨgandɨ. Ndinyangu ndino wupma. Kɨpmana kwanda kwanda nda kat klavak yelavɨka yiga kavle yilaa lɨgandi. Kɨpmana nda kat klavat yelavɨka lɨnjeyan kavle vat yelavɨka kavle savle yetɨgiyandi.

2 Timoti 3:12

Kɨta nyan Kraist Jisasnogwinala kɨta vat apma vat yetɨvat wandeyan nat nɨmba wan nyan kat kai waa nɨma vat yigyandi.

2 Timoti 4:10

Wan Dimas ndɨ kɨpmana nda kat woviyaguga lɨga wun kat tamba kai waa kwagalandɨ. Ndɨ Tesalonaika walɨnja ngepmat yindɨ. Kresens Galesia walɨnja ngepmat yindɨ. Taitas Dalmesia walɨnja ngepmat yindɨ.

Taitas 3:3

Nɨnagwi nɨno tak kavle maawupmba yelavɨka yetɨnɨn. Nɨn God kat kaiwaa nat nɨmba kat kaiwaa yetɨla nɨmba nɨn. Nɨna mbangɨ waiga vat mɨna wuka yetɨnɨn. Nat nɨmba kat njɨka waga ndi kat tɨpmwigwula yiga yetɨlɨnɨn. Nat nɨmba nɨn kat kai walɨndi. Nɨn awat sowat kai walɨnɨn.

Hibru 8:11

Ndi njambwi nyan walɨga vapmba yetɨ ngwula waa awat sowat ana walɨgandi. Ndi aywaa nɨma nɨmba mat nyangu wunai walɨga vapmba yetɨgiyandi.

Jems 1:27

Nɨna nyaek God apma vat yiga yetɨnangat wandɨ. Nɨn kat kupma wandɨ. Kwo yetɨgiya tolagwa nyaek nyime tapman tɨga mat nyangu kat kwunak kiyangwuk waa God wandɨ. Kan kɨpmana kavle vak ke yiga yetɨngwa waa God wandɨ.

2 Pita 2:9

God ndɨ kat yelavɨka lɨga nɨmba kat ndi kat kwutaa kalindɨ maa kavle vak kat kwagalagiyandi. Ndi kat Godna maawut ana tɨvɨlɨgandɨ. Kavle nɨmba ndi kavle vak kat ana kwagalgiyandi. God ndi kat kai wandɨ. Ngɨni ndi kat sɨga nagundeya nandinya God ndi kat sɨgiyandɨ. Ndɨna maawut ana tɨvɨlɨgandɨ.

2 Pita 3:11

Kan vɨlɨngwa nda ngɨni aywaa ngɨlɨgiyandɨ. Wungi kat tɨga wan nda kat nɨmamba ke yelavɨkngwa. Wan nda kwagalalaa God kat mɨna yelavɨka alɨ ngwula.

1 Jon 2:27

God dɨna waagan gwuk kat kwindɨ, tavilaa ngwula maawupmba lɨgandɨ. Wun manda kat ngwula maawuk kat kwunapmak pɨlɨwutɨgowun. Godna waagan ngwula maawuk kat kwunaka gwuk kat apmavat aywaa sɨmagalɨgandɨ. Ngwuk kat sɨmagalɨnda vak woseka wa vak ana ndɨ. Savagu lɨga vatna. Ngwuk kat sɨmaganda vapmba ndɨnogwinala kɨta vat yetɨ. Kɨta vat yetɨngweyan yaiga njɨmblamba ngwutna mbangɨ wup ana yigiyandɨ. Ndɨ kat vɨga an vakiyangwuk.

1 Jon 2:6

Kɨta nya Godnonala kɨta vapmba yetɨgowun waa walaa Jisas yeta vap vla yetɨndeyan nglaatndɨ.

1 Jon 5:19

Nɨn god njana nɨmba nɨn. Wan kɨpmamba lɨga kwo nɨmba kat wan kavle nyan Seten ndi kat kwutaa lɨgandɨ.

Jut pɨlɨwuta pas 1:18

Tak ngwuk kat aposel wandi. “Ngɨniyaiga nandinya nat nɨmba yalaa ngwuk kat kwusɨsɨlɨga kasegiyandi. Kavle maawupmba yetɨga nɨmba ndi” waa tak ngwuk kat wandi.

Revelesen 14:12

Wun Jon wun ngwuk kat wowun. Ngwuk Godna apma nɨmba wan nyaangɨt wutaa yelavɨk ngwula. God kat nɨna maawupmba yelavɨka lɨna vak ana kwagala kiyanɨn waa yelavɨk ngwula. Ngwuk God waa nyaangɨt wuka lɨgangwuk. Jisas nɨna njambwi nyana waa yelavɨka lɨngagwuk. Apma vatna yelavɨkngweya.