Taitas 1:15 - Iatmul: God Waa Nyaangɨt

¹⁵ Kɨta nyan ndɨna maawupmba Godna apma vak kat yelavɨka lɨndeyan wan kɨpmana nda ndɨna maawuk kat nglambi ana kwukiyandɨ. Ndɨna maawupmba Godna apma vak kat yelavɨtapman tɨga kɨpmana nda kat mɨna yelavɨka lɨndeyan wan kɨpmana nda ndɨna maawuk kat nglambi kwukiyandɨ. Kɨpmana nda ndɨna maawuk kat gwandɨndɨ maa ndɨna maawut kavle sɨka lɨgandɨ. Tɨndangat tɨga ndɨna maawut nglambio lɨgandɨ.

Taitas 1:15 ပူးပေါင်းရင်းမြစ်များ

Matyu 15:18

Ndinyangu kwundimba ngambugiya nyaangɨt maawupmba yelavɨtaa ngambugiyandi. Wan ngambunjeya vak ndinyangu kat kavle yigiyandɨ.

Aposel 10:15

Pita wandɨ maa waa kwundi ndɨ kat nat njamba wandɨ. God wandɨ. Wan nda kavle nda ana ndɨ. Kavle nda waa ke waa waa wandɨ God.

Pol pɨlɨwutna pas 14:14

Kan wimbu waagan kat kwinjan kavle ana ndɨ. Apmana. Wuna maawupmba ana wowun. Ngwuk ngwutna maawupmba wan nda kavle nda waa yelavɨkngweyan kwagala.

Pol pɨlɨwutna pas 14:20

God ndina maawut apma vat kwunatndɨ. Manda kat wimbu kɨga ndina maawut kavle yigiyangwuk. Vɨga yelavɨk ngwula. Wimbu kɨgɨnda kavle ana ndɨ. Wɨmbu kɨga nat nyana maawut kavle ymeyan kavle vatna.

Pol pɨlɨwutna pas 14:23

Wimbu anagowun kɨgiyaa. E? Ana kɨgiyowun? Waa yelavɨtndeyan kavle vatna. Yetɨnda vak kat ndɨna mbangɨ ana wiyo waavi taagalɨgandɨ. Mbangɨ kɨlɨpangɨ yindɨ, yetɨnda vat kavle vatna.

1 Korin 10:23

Nat nɨmba wwalɨgandi. Yetɨneya vak njambiya kai waa walɨgandi. Ndinai waa vak kɨta vat ana nglaatndɨ. Nat vak yetɨneya vak nat nɨmba kat ana kwunatɨgandɨ. Nat vak yetɨneya vak nat nɨmba kat kavle vak yelɨgandɨ.

1 Korin 10:25

Stuamba klanjeya wɨmbu kɨgɨnda kɨgiyangwuk. Wan nda kat yanda kava kat maawupmba ke yelavɨka. Wan nda kwowa, kɨgiyangwuk.

1 Korin 8:7

Nɨma sakwat nɨmba wan nda kat ana vɨga lɨgandi. Nat nɨmba tat waagan kaik kat kwunaka yetɨlɨndi. Waagan kat kwinja mbak kat waagana kɨgiyaa waa yelavɨtɨgandi. Kɨneyan nɨn nlambio lɨgiyanɨn waa yelavɨtɨgandi. Kɨnjeyan ndina maawut kavle yigiyandɨ.

1 Timoti 6:5

Wundi nɨmba apma maawut ana yelavɨka yetɨlɨgandi. Wan apma nyaangɨk kat kai walaa ndi ndina maawupmba yelavɨka waleavat mɨna kwutaa lɨgandi. Wupma yelavɨtɨgandi. God waiga vapmba yetɨneyan kan kɨpmana kwanda kwanda nda aywaa klaiganɨn waa yelavɨtɨgandi. Wupma yelavɨtɨnja nyaangɨt ana nglaatndɨ.

Hibru 10:22

Ngi kat tɨga God tɨga kava wuleivak kat ana vaakiyanɨn. Nɨn kat tɨga Godna nyingi maawut Kraist kwunakna vat vɨlɨganɨn. Kraist nɨn kat apma kupi maawut tamba kwindɨ. Kwindɨ maa kupi maawupmba yelavɨka yetɨganɨn. God nɨn kat yilɨna kavle vak kat ana sɨgiyandɨ waa yelavɨka yetɨganɨn. Nɨnamba lɨga nglambi tamba ndɨna apma ngumba njangindɨ, wan nglambi ngɨlɨndɨ. Ngi kat tɨga God tɨga kava wuleivak kat ana vaakiyanɨn.

Hibru 12:15

Ngwut avɨ ngwula. Ngwula kɨta nyan God awagapma kwilɨga apma vak mbaa kwagalandɨ. Kavle vat ngwutnamba mbaa tɨlandɨ. Kavle vat tɨndeyan ngwutna nɨma sakwat nɨmbana maawut kavle yigyandɨ.

Hibru 9:14

Kraist wupma ana yindɨ. Ndɨ nɨna maawut nɨmbun kwunatndɨ. Nɨna tamba la maawut kavle vapmba yelavɨka lɨndɨ. kwunatndɨ maa God waa nyaangɨt wuka yelavɨka Godna njɨvwa kwukiyanɨn. Kriast kat Godna waagan ava kwindɨ maa avla ndɨna mbangɨ Godnat kwindɨ. Ndɨ Kraist kavle vat ana yilɨndɨ. Apma vat mɨna yiga yetɨlɨndɨ.