Taitas 1:11 - Iatmul: God Waa Nyaangɨt

¹¹ Mɨn wamɨn mala wan ngambulɨnja kavle nyaangɨt kiyak waa kwagalagandi. Nɨma sakwat nsmba ndina maawupmba yelavɨka yetɨlɨnja vak kat ndi ndina maawuk kat kavle yilɨgandi. Ndinamba sanya klavat wan kavle nyaangɨt woseka waga mbutɨgandi. Wan kavle nyaangɨt mbutɨnja vat ana nglaatndɨ. Kavle vatna.

Taitas 1:11 ပူးပေါင်းရင်းမြစ်များ

Matyu 23:13

Ngwuk Moses kwiya lo sɨmogwi lɨga nɨmbo Ferisio ngwuk kavle glei yigiyangwuk. Apma vak ana lɨgiyangwuk. Ngwuk woseka walɨga nɨmba lɨgangwuk. nyinangwut wuleinjeya yambɨ kat ngwuk tɨvɨlɨgangwuk. Ngwuk wuleivak kat kai walɨgangwuk. Nat nɨmba wuleivak kat kai valɨgangwuk.

Luk pɨlɨwutna 20:40

Wandi maa nat nɨmba ndɨ kat wagalavak kat vaaka lɨndi.

Jon pɨlɨwutna 10:12

Nat kɨta nyan sanya klavat sip sip kat vɨga lɨgiyandɨ. Vɨga lɨnda sip sip kat valɨvat yandeyan ndɨ vaakaa pɨlɨndɨ maa sip si pkat vatnyandɨ maa vɨlaa nat sip sip kava kavat vaaka pɨlɨgiyandi.

Pol pɨlɨwutna pas 3:19

Wungi kat tɨga God ngepma ngepmamba lɨga nɨmba kat nɨma vat yigiyandɨ. God waa lo wuka lɨga nɨmba vɨlɨgandi. O! Nɨn kavle vat mɨna yetɨlɨganɨn waa vɨlɨgandi aywaa. Wutndi maa God walɨgandɨ. Wunai waa nyaangɨpmba ana yetɨlɨgangwuk. God waa nyaangɨt wuka yetɨlɨnangat God nɨn kat wunai lɨga vla lɨgangwuk ana waigandɨ. Manda kat. Nɨn ndɨnai waa nyaangɨpmba ana inaka yetɨlɨganɨn. Ndɨnai waa nyaangɨt kavle vat yetɨlɨnangat nɨn kat sɨmagalɨgandɨ.

2 Korin 11:10

Ngwutnamba ana klawun apma vat yiwun waa walɨwa vat wutaa Akaiamba lɨga kɨta nyan Pol woseka wandɨ waa ana waigandɨ. Woseka ana walɨwun. Ndi vɨga lɨgandi. Kraist woseka walapman yilɨnda vak vla wuno woseka ana walɨgowun.

1 Timoti 5:13

Mat nyan tolagwa njɨvwa kwutapman kwo tɨnjeyan ana nglaatndɨ. Ndi ngay ngay yilaa mandɨp mandɨp nyaangɨt ngambugiyandi. Nɨma sakwat nyaangɨt ngambugiyandi. Nat nyan tolagwa nat ndu klaigandi wowun ndi kat. Ndu klalaa nyan kwutaa nyan kat vɨga lɨgiyandi. Wupma yilɨnjeyan nat nɨmba ndi kat vɨlaa Godna mbaapmamba la nɨmba kavle vat yetɨlɨgandi waa ana ndi kat waigandi.

1 Timoti 5:4

Wat tolagwa nyan yanano lɨleyan lɨla nyangu lɨ kat kwanda kwanda kat vɨga klaga kwigiyandi. Ndɨ kat tat ndi kat kɨgɨnda nɨma sakwat kwilɨlɨ. Lɨ kat lɨgɨmda awat lwinjeya wovuna. Awat kwinjeyan God ndi kat apma vatna yingwa waa waigandɨ.

1 Timoti 6:5

Wundi nɨmba apma maawut ana yelavɨka yetɨlɨgandi. Wan apma nyaangɨk kat kai walaa ndi ndina maawupmba yelavɨka waleavat mɨna kwutaa lɨgandi. Wupma yelavɨtɨgandi. God waiga vapmba yetɨneyan kan kɨpmana kwanda kwanda nda aywaa klaiganɨn waa yelavɨtɨgandi. Wupma yelavɨtɨnja nyaangɨt ana nglaatndɨ.

2 Timoti 2:18

Wumbɨt vɨlɨlɨk palɨ apma nyaangɨk kat kai waa kwagalalaa mandɨt nyaangɨpmba ngambulɨmbɨt. Wumbɨt nyan kupma wambɨt. Kiya nɨmba tamba laatndi waa wambɨt. Nat nɨmba wan nyaangɨt wutaa ndina maawut nyɨm nyɨm walɨndɨ, wan apma nyaangɨt kwagalavat nat nɨmba wandi.

2 Timoti 3:6

Wundi kavle vapmba yeta nɨmbana nat nɨmba kavle nyaangɨt yi ya mbuka yetɨlɨgandi nat nɨmba kat. Ndi ngay wuleilaa maawut sɨtapma ta taagwa kat wan kavle nyaangɨt wuleiga ndi kat mbutɨgandi. Ndi kat mbutɨnja nyaangɨt ndina maawupmba lamba ngwandɨlaa tɨgandi. Ndi woviyaguga wan nyaangɨk kat tɨgandi. Wundi taagwa kɨta nyaangɨt mɨna wutɨga tsaagwa ana ndi. Mandɨt mandɨt nyaangɨt wutɨga taawa ndi. Ndi tagula maawutno ana lɨgandi. Ndi kavle maawut sɨka lɨga tagwa ndi. Wan kavle vapmba yetɨnjeyan apma nyaangɨtna angwa ndina maawut ana ngwandɨndɨ, yelavɨkiyandi.

Taitas 1:7

Kɨta nyan Godna njɨvwa kwuka nat nɨmba kat vɨga lɨvat wandeyan ndɨ wupma lɨgiyandɨ. Ndɨ kavle vat yiga ana yetɨgiyandɨ. Wun njambwi nyan wun waa ana yelavɨka lɨgiyandɨ. Nyingi maawut tɨgiyaa nyan ana lɨgiyandɨ wan njsvwamba. nɨma sakwat nɨma ngu kɨga nɨma vat tungwengwan yilɨga nyanwan njsvwamba ana lɨgiyandɨ. Sanya kat klavak kat nɨma vat yelavɨka lɨga nyan wan njɨvwamba ana lɨgiyandɨ.

Taitas 1:9

Wan apma nyaangɨt wutaa maawupmba yelavɨka kwutaa lɨgiyaa nyan wan apma njɨvwa kwukiyandɨ. Wan apma nyaangɨk kat kaiwalɨga nɨmbana maawut kwunakiyandɨ kɨngi vat tɨga nyan.

Taitas 3:10

Ngwula kɨta nyan kwundimba waliavat njɨmbla njɨmbla ngambulɨndeyan ndɨ kat mɨn ndɨna maawut kwunapmak ndɨ kat awamba. Wan vak ke ngambuma waa ndɨ kat awa. Njamba vɨli wan vat ndɨ kat wamɨn mala wupmak kat kai wandeyan ngɨni ke ndɨ kat ngambuga. Ndɨ kat kwagala. Dɨnogwinala mɨn ke kɨta vat yetɨga.