Revelesen 4:9 - Iatmul: God Waa Nyaangɨt

^9-10 Walɨnja njɨmbla kɨta ndumi kiyeli aynat njambwi nɨmba tɨnja tɨgɨt kwagalalaa kwali manmba sɨlaa nɨndɨmba la tɨgɨtmba la nyan kat yelavɨtaa ndina nambumba la hat ngay yapmba yaagilaa walɨndi.

Revelesen 4:9 ပူးပေါင်းရင်းမြစ်များ

Hibru 7:25

Wun kat tɨga Jisas Godna nyingi maawut tamba kwunatndɨ waa yelavɨka God kat yaneyan nɨn kat ana kai waigandɨ. Nɨn kat tɨga Jisas Godna nyingi maawut ana kwunatambɨndɨ. Aywaa tamba kwunatnyagindɨ. Ndɨ njɨmbla njɨmbla lɨga kwunatɨgandɨ. Ana kiyagandɨ.

Hibru 7:8

Mbambala taamba vɨli mbaapmamba la nda kɨta mbaapma klalɨga nɨmba kiyalɨgandi. Tamba kla nyan Melkisedek ndɨnai kiya vak ana vɨga wuka lɨganɨn.

Revelesen 1:18

Mbambala wun kwo lɨgowun. Tamba wun kiyawun. Avɨ mɨla. Wun kiyalaa lɨga tamba laakwun. Ndinyangu kiya lɨga vak kat kwulakwun. Kiya nɨmba tɨga kava wuleinjeya ava yambɨ kat vɨga lɨgowun. Wogwenjeya yambɨ vɨga lɨgowun.

Revelesen 10:6

Njɨmbla njɨmbla tɨlɨga nyan, nyinangwutno nyinangwupmba lɨga kwanda kwanda kwukna nyan, kan kɨpma kɨpmana kwanda kwanda kwukna nyan, nyingi nguo ngua kwanda kwanda kwukna nyan God ndɨna sɨ waga wandɨ. Yaiga vak ya mɨna lɨgandɨ, waa wandɨ.

Revelesen 21:5

Wan kwundi wandɨ maa nɨma tɨgɨtmba ndaa la nyan wun kat wandɨ. Avɨ mɨla. Tamba nda avla wowun maa ngɨlɨndɨ. Mbambala mandɨp kupi nda kwukwa waa wandɨ. Walaa nat njambɨ wandɨ. Waweya nyaangɨt pɨlɨwup mɨla waweya nyaangɨt woseka ana waigowun. Wawa nyaangɨt ngɨni waweya vat tɨgiyandɨ. Wungi kat tɨga wupma pɨlɨwup mɨla waa walaa pɨlɨwukweya nyaangɨt mbutndɨ. Kan kwupmat tuwa njɨvwa tamba kak kiyandɨ. Tamba kwanda kwanda kan kɨpma nyinagnwut ana tɨndɨ, wun tɨwun. Wupma ngɨni wan kwanda kwanda ngɨlɨndɨ maa wun kapma tat tuwa vla tɨgiyowun. Ngu kat kwaka mbanjɨge pundɨ maa tɨgiya nɨmba kat apma ngu kwo kwigiyowun. Sanya ana klaigowun. Kwiweya ngu kɨlaa njɨmbla njɨmbla apma vat yetɨgiyandi.

Revelesen 4:2

Wandɨ maa Godna waagan wun kat kwutaa klawak kalindɨ. Nginangwut wuleilaa njambwi nyana tɨgɨt tɨndɨ, vɨwun. Njambwi nyan kɨta tɨgɨtmba ndaa lɨndɨ, vɨwun.

Revelesen 4:8

Wundi aynat nda Godna sɨ kwutaa katsoga God kat sɨvbu kɨga mɨn nɨma nyan mɨn waa walɨndi. Njɨmbla njɨmbla tɨgiyaa tɨgɨtmba ndaa lɨga nyan kat yelavɨtaa walɨndi.

Revelesen 5:1

Nɨma tɨgɨtmba ndaa la nyan ndɨna yaagindan taambamba buk kɨta kwutaa lɨndɨ, vɨwun. Alagu vando lɨndɨ, awlak vando lɨndɨ. Wan buk sɨla vɨli mɨna njaambiya lɨgiga taagandi, lɨndi.

Revelesen 6:16

Pagwulaa lɨga nduwi la kambak kat wandi. Ndai ngwula nɨna lak. Ndailaa nɨn kat pagwungwuk mala njambwi nyan nɨn kat ana vɨgiyandɨ. Ndɨna nɨma tɨgɨtmba ndaa lɨga nɨn kat kwatɨgandɨ. Mat sip sip mɨn kat maawut nyingi yiga lɨga sɨvat tɨgandɨ.

Revelesen 7:15

Njangi lɨndi maa God ndaa la tɨgɨtna mɨndama sambɨmba laataa lɨga ngan nandinya Godna ngaymba lɨga laataa lɨga Godna njɨvwa kwupmat tɨgandi. Nɨma tɨgɨtmba ndaa lɨga nyan ndi kat pagwundɨ maa nat nɨmba ana ndi kat kavle vat yigiyandi.