Revelesen 22:6 - Iatmul: God Waa Nyaangɨt

⁶ Ensel wun kat wandɨ. Mɨn kat mbutuwa nyaangɨt apma nyaangɨtna. Woseka ana walɨwun. Njambwi nyan God tamba profet kat wandɨ maa yalaa ndɨna nyaangɨt tamba mbutndi. Mbambala ensel kat wandɨ maa Godna njɨvwa kwutɨga nɨmba kat ngɨni yaiga vat sɨmogwivat yawun.

Revelesen 22:6 ပူးပေါင်းရင်းမြစ်များ

Matyu 13:41

Ngɨni wun Godna vak sɨmogwi lɨga nyan wun ensel kat wowun maa ndi God vɨga lɨga kava kava yiga kavle nɨmba kat kwutaa man taamba sangilaa

Luk pɨlɨwutna 1:70

Tamba la profet ndi God waa nyaangɨt mbutndi. God ngɨni nɨn kat kwunakiyandɨ waa mbutndi.

Luk pɨlɨwutna 16:16

Moses kwiya nyaangɨt profet waa nyaangɨt God nɨn kat tak kwindɨ. Ngɨni ngu yagula Jon laataa God nɨn kat kwunataa vɨga lɨndeya vak mbutɨndɨ. mbutɨndɨ mala ngepma ngepmamba la nɨmba kan vak klavat sɨmblan nɨma njɨvwa kwutɨndi.

Aposel 12:11

Pita lɨga yelavɨtndɨ. Njambwi nyan ensel kat wandɨ mala wun kat yandɨ. Wun kat kwutaa alaguat kloga kalindan Herot wun kat ana sɨgiyandɨ. Sɨmat ana ndɨ mɨnimba vɨgowun waa yelavɨtndɨ Pita.

Aposel 3:18

Kraist God waa nyan kiyagiyandɨ. Nat nɨma sakwat njɨvwa kwukiyandɨ waa tamba pɨlɨwutndi profet. God wandɨ maa pɨlɨwutndi. Pɨlɨwutnja nyaangɨtmba God wandɨ, Kraist njɨvwa kwutndɨ.

Pol pɨlɨwutna pas 1:2

Tamba God wandɨ. wan apma nyaangɨt tɨgiyandɨ tamba God waa nyaangɨt kwundimba mbuka pɨlɨwuta nɨmbandi, ndi kat God wandɨ maa luvungamba pɨlɨwutndi.

1 Korin 14:32

God kɨta nyan kat nyaangɨt mbutndeyanndɨ wan nyan maawupmba yelavɨtaa wan nyaangɨt nat nɨmba kat mbukiyandɨ.

1 Korin 7:29

Wuna kɨta mbaapma nɨmba, kupma walɨgowun. Kan kɨpmamba yetɨneya njɨmbla sɨvla kai. Kan yetɨna njɨmbla taagwa klaa nyan ke taagwa kat mɨna nɨmamba yelavɨka yetɨga. Taagwa klalapman nyan yelavɨka yelavɨka yetɨga vapmba yetɨgiya njambwi nyana njɨvwa mɨna kwukiyandɨ.

2 Tesalonaika 1:7

Njambwi nyan Jisas yaiga njɨmblamba ndɨna njambwi enselonala yaigandɨ. Ya vla vɨka yaigandɨ. God kat kai walɨga nɨmba kat yandeya njɨmbla awat ndi kat kai waga sɨgiyandɨ. Nɨna njambwi nyan Jisas kat wanja apma nyaangɨk kat kai walɨga nɨmba kat yandeya njɨmbla awat ndi kat kai waga sɨgiyandɨ. Mbambala ngwuk kat nɨma vapmba yilɨgandi. yandeya njɨmbla ngwuk kat yat njawiya ngwula waa waigandɨ. Nɨno nɨn kat wupma waigandɨ.

Hibru 12:9

Nɨna kɨpmamba lɨga yaek nɨn kat kwunapmat viyalɨndi maa ana kai walɨnɨn. Ndina kwundi wutɨnɨn. Nɨna nyinangwupmba lɨga nyaek nɨn kat kwunapmak viyandeyan wukiyanɨn. Wutneyan apma vat tɨgiyanɨn.

2 Pita 1:21

Ndi ndina maawupmba ana pɨlɨwutndi. Ndina maawupmba Godna waagan ngwandɨndɨ maa God waa nyaangɨt lavu nyingamba pɨlɨwutndi.

2 Pita 3:2

Tamba la God waa nyaangɨt lavu nyingamba pɨlɨwuta nɨmba pɨlɨwukna nyaangɨt kat yelavɨk ngwula. Nɨn kat kwunakwa njambwi nyan wandɨ maa aposel ngwk kat yiga mbutnja nyaangɨk kat yelavɨk ngwula.

Revelesen 1:1

Kan nyaangɨt Jisas Kraist wun kat sɨmogwiya nyaangɨtna. Godna njɨvwa kwutɨga nɨmba kat sɨmogwivat kat Jisas Kraist kat God mbutndɨ kan nyaangɨt. Kan nyaangɨt ngɨni yaiga vak kat mbutɨgandɨ. Wun Jon. Wun Kraistna njɨvwa kwutɨga nyan wun. Kraist wandɨ maa ensel yalaa wun kat kan nyaangɨt sɨmogwindɨ.

Revelesen 18:20

Nat nyan vɨlaa wandɨ. Ngwuk nyinangwupmba lɨga nɨmba wan ngepma kat kavle vat yinda vak vɨlaa solat sɨgiyangwuk. Ngwuk Godna apma nɨmba, ngwuk aposel, ngwuk profet ngwuk solat sɨgiyangwuk. Ngwuk kat kavle vat yilɨnjangat tɨga God ndi kat awat kavle vat yinda vat tamba vɨngwuk. Vɨlaa solat sɨgiyangwuk waa kɨta nyan wandɨ.

Revelesen 19:9

Nat ensel kɨta laataa wun kat wandɨ. Kupma pɨlɨwut mɨla wandɨ. Mat sip sip taagwa klandɨ maa kwutnjeya nɨma kɨgɨnda kɨvak kat yagwa wandeya nɨmba ndi apma vat tɨlɨgiya nɨmba ndi waa pɨlɨwup mɨla waa wun kat wandɨ. Pɨlɨwup mɨla walaa ak wun kat wandɨ. Mɨn kat wawa nyaangɨt kavle nyaangɨt ana ndɨ. Godna apma nyaangɨtna. Savagu lɨga nyaangɨtna waa wandɨ ensel.

Revelesen 21:5

Wan kwundi wandɨ maa nɨma tɨgɨtmba ndaa la nyan wun kat wandɨ. Avɨ mɨla. Tamba nda avla wowun maa ngɨlɨndɨ. Mbambala mandɨp kupi nda kwukwa waa wandɨ. Walaa nat njambɨ wandɨ. Waweya nyaangɨt pɨlɨwup mɨla waweya nyaangɨt woseka ana waigowun. Wawa nyaangɨt ngɨni waweya vat tɨgiyandɨ. Wungi kat tɨga wupma pɨlɨwup mɨla waa walaa pɨlɨwukweya nyaangɨt mbutndɨ. Kan kwupmat tuwa njɨvwa tamba kak kiyandɨ. Tamba kwanda kwanda kan kɨpma nyinagnwut ana tɨndɨ, wun tɨwun. Wupma ngɨni wan kwanda kwanda ngɨlɨndɨ maa wun kapma tat tuwa vla tɨgiyowun. Ngu kat kwaka mbanjɨge pundɨ maa tɨgiya nɨmba kat apma ngu kwo kwigiyowun. Sanya ana klaigowun. Kwiweya ngu kɨlaa njɨmbla njɨmbla apma vat yetɨgiyandi.

Revelesen 21:9

Tak ensel sɨla vɨli ndu lagwa kat vatnya lɨga nda awmba salɨtaa kwutaa lɨndi. Wundi sɨla vɨli enselna kɨta nyan wun kat yaa wandɨ. Yagwa mɨla. Mat sip sip klaiga taagwa mɨn kat sɨmogwigiyowun waa wandɨ.

Revelesen 22:1

Tat wun kat ngepma sɨmogwia ensel wungi ngepmba la kwanda kwanda nda wun kat vɨsɨmogwindɨ. Apma vat kwilɨga ndandangɨ vɨsɨmogwindɨ. Wan ngu kɨsɨk nglambi kai. Apma ngua. Glas vla lɨga ngua. Godno mat sip sipmo tɨmba tɨgɨt pulumba wogwelaa ngepmana ava yambɨ la nɨndɨmba mbɨlɨlaa ngumbi yindɨ. Ndandangɨ tɨngu nɨmbu angangɨmba apma vat kwilɨga mi waata lɨndɨ. Wan mi tamba vlɨi kiyeli vɨlɨlɨk mandɨk mandɨk sɨk wogwulaa lɨndɨ. Nat mbak nat mina sɨk vla wogwulaa lɨndɨ. Wan mina ngangamba ngepma ngepma tɨga nɨmba kat kwunatɨndɨ.

Revelesen 22:16

Jisas wun kat wundɨ. Wun Jisas wun. Wun wowun maa wuna ensel mɨn kat nyaangɨt mbutndɨ. Wuna ndɨna sɨmba ndɨna yelangɨmba yawun. Wun ngambi ngan sɨlɨgan awangɨn vla lɨgowun waa wandɨ Jisas.

Revelesen 22:7

Njambwi nyan wandɨ. Avɨmba ngwuk. Ya mɨna lɨgowun. Kɨta nyan kan pɨlɨwutnda nyaangɨt vɨlaa wuka yetɨndeyan apma vatna waa wandɨ njambwi nyan waa wandɨ ensel.

Revelesen 4:1

Tɨga lɨga nat kɨta sɨmapvlawɨwun. Nyinangwut wuleinja yambɨna mbapma lavwindi, vɨwun. Tak wukwa kwupvla walɨnja kwundi nat njambɨ wutwun. Wun kat wandɨ. Mɨn wokela ngaga ya. Ngɨni tɨgiya vak mɨn kat vɨsɨmogwi kiyowun waa wandɨ.