Revelesen 2:16 - Iatmul: God Waa Nyaangɨt

¹⁶ Ndinai yiga yetɨga kavle vat wangwuk maa kwagalagiyandi. Mbambala kavle vak kwagala ngwula waa ana ndi kat walɨgangwuk. Ndi kat awa ngwula. Kavle vak kat kwagalalapman yingweyan wuna ngaangamba lɨga wogwegiya yamba ndi kat sɨgiyowun.

Revelesen 2:16 ပူးပေါင်းရင်းမြစ်များ

Efesas 6:17

God nɨn kat kwunatnda vak kumbula lɨngwa kapa hat vla lɨgiyandɨ. Godna waagan Godna nyaangɨt ngwuk kat mbutɨga vak waleavat kwutaa yingwa yak vla tɨgiyandɨ. Wan walea nda Godnanamba klalaa kavle vak kat waleagiyangwuk.

2 Tesalonaika 2:8

Wan kavle nyan kat kematapman yindeya ngɨni laataa kapmba lɨgiyandɨ. Nɨna njambwi nyan Jisas Kraist ngaga yalaa wan kavle nyan kat kai waa ndɨ kat vatnyagiyandɨ. Njambwi nyan nɨma ya vɨtɨga vak vla yandeya vak wan kavle nyan vɨgiyandɨ. Vɨndɨ maa kwundi mwupmba ya vɨlɨk puvwinda vak vla wan kavle nyan kat Jisas vatnyagiyandɨ.

Revelesen 1:16

Ndɨna yaagindan taamba sɨngwut sɨla vɨli kwutaa lɨndɨ. Angangɨ way lɨga yak ndɨna ngangamba wogwela lɨndɨ, vɨwun. Ndɨna mɨndama nɨma nandinya sɨlɨga nya vla sɨlɨndɨ, vɨwun.

Revelesen 16:9

Ndina mbangɨ ya vla vɨtɨndɨ maa ndi God kat kai wasa ndɨna sɨ kwutaa viyaisandandi. God ndi kat kavle vat yilɨnda vak kat vɨlaa wan yilɨnja kavle vat ana kwagala lɨndi. God ndɨ njambwi nyan. Ndɨna nyaangɨt wuka lɨgiyanɨn waa ana walɨndi.

Revelesen 19:15

Wan njambwi nyan ndɨna ngaangamba way mbundɨ yaak wogwela lɨndɨ. Wan yaapmba kɨpmamba lɨga nɨmba kat sɨga vatnyagiyandɨ. Ndi kat tagula vat vɨga lɨgiyandɨ. Njambwi nyan God ndinyangu kat maawut nyingi yiga tɨinda vak wutaa ndi kat nɨmamba ndɨna lak sɨgiyandɨ. Glep walɨnja mi sɨk ndɨna ngu klavak veinja vak vla wupma ndi kat nɨma vak yigiyandɨ.

Revelesen 19:21

Sawun mbangɨ hosna mbunimba nda la nyan ndɨna ngaangamba wogwela la yaapmba mbɨtna kwupmba ya nɨmba kat aywaa sɨga vatnyandɨ. Vatyandɨ maa nyinangwupmba wiyaka yeta ndi waavi yalaa ndina wimbu aywaa kɨndi. Kuvuk ana kɨndi. Nɨma sakwatmba kɨndi.

Revelesen 2:12

Wan nyan wun kat wandɨ. Pegamam walɨnja ngepma nɨmba, Godna mbaapmamba ta nɨmbana ensel kat kan nyaangɨt lavu nyingamba pɨlɨwutaa agwi mɨla. Vɨga wuka yelavɨka yetɨgandi. Wan pɨlɨwupmeya nyaangɨt wuna nyaangɨtna. Wun angangɨ way kwutɨga yak kwuta lɨga nyan wun.

Revelesen 2:5

Kwagalangwa vak kat yelavɨk ngwula. Mbambala yilɨngwa kavle vat kwagalalaa tamba yilɨngwa apma vapmba yetɨ ngwula. Wupma yilapman yilɨngweyan ngwuk kat yalaa ngwuk kat taagawa lam klalaa yaagigiyowun. Ngwula lam mbambala tɨnda kavamba ana lɨgiyandɨ ngɨni.

Revelesen 22:20

Pɨlɨwuka nyaangɨt woseka waa nyinangat kwuka ana pɨlɨwutɨgowun. Njambwi nyan Jisas vɨga lɨgandɨ. Ndɨ walɨgandɨ. Samat tamba ya mɨna lɨgowun. Woseka ana wowun waa walɨgandɨ. Ndɨ apma vat wanda. Njambwi nyan Jisas mɨn kwiyatapman yagwa mɨla.

Revelesen 22:7

Njambwi nyan wandɨ. Avɨmba ngwuk. Ya mɨna lɨgowun. Kɨta nyan kan pɨlɨwutnda nyaangɨt vɨlaa wuka yetɨndeyan apma vatna waa wandɨ njambwi nyan waa wandɨ ensel.

Revelesen 3:19

Nɨma maawut yelavɨka luwa nɨmba ndina kavle vat vɨlaa ndi kat kai walaa viyalɨgowun. Ngi kat tɨga ngwuk yilɨngwa kavle vat kwagala ngwula. Kwagalagiyanɨn waa woseka wun kat ke wangwa.