Revelesen 12:2 - Iatmul: God Waa Nyaangɨt

² Wat taagwa nyan tɨlɨ. Nyan kwupmat tɨga lɨla yak nɨma vat kangɨt yilɨndɨ maa walega ngla lɨlɨ.

Revelesen 12:2 ပူးပေါင်းရင်းမြစ်များ

Matyu 24:8

Wan nɨma vak taagwa nyan kwupmak yipma sɨndɨ tɨleya vak vla tɨgiyandɨ.

Jon pɨlɨwutna 16:21

Kan vak taagwa nyan kwupmat tɨga tɨla vak kɨta vatna. Nyan kwupmak tɨla njɨmbla ana solat sɨlɨgalɨ. Kavle vat tɨlɨgalɨ. Ngɨni nyan kwutaa nɨma vak solat sɨga tak tɨla kavle vak maawut tɨvɨgiyalɨ. Wun nyan tamba kwukwun, kwo lɨgandɨ waa yelavɨka solat sɨga lɨgiyalɨ.

Galesia 4:19

Ngwuk wuna nyangu vla lɨgangwuk. Wun nyan tɨga taagwa kangɨt waa lɨga vla wupma lɨgowun ngwuk kat. Kraist yeta vak ngwula maawupmba lɨndeyan kangɨt yila vak vla ngɨlɨgiyandɨ. Wunai kwukna nɨmba vla lɨgiyangwuk.

Galesia 4:27

Tamba Aisaia God waa nyaangɨt pɨlɨwutndɨ. Nyɨn taagwa nyɨn nyan kwutapman tɨnya vak kat nyɨn ke kɨlɨmalɨ yelavɨka laga. Nyan kwutapman tɨga nyɨn solat sɨga yetɨ. Ngɨni nyangu nɨma sakwat kwukiyanyɨn. Nyan kwutɨga taagwa kat kwulakka nyan kwukiyanyɨn waa wandɨ God waa tamba Aisaia pɨlɨwutndɨ.

Revelesen 12:4

Ndɨna ngɨni nyinangwupmba la mbaapma sɨngwut kɨta pwivugakalindɨ maa sɨngwut kɨpmat ndaindɨ. Nat mbaapma sɨngwut vɨlɨlɨk kwo lɨndɨ nyinangwupmba. Nyan kwupmat ta taagwana mɨndama sambɨmbawan mbalu kawiga lɨndɨ. Nyan kwutɨ maa kɨgiyowun waa yelavɨka lɨndɨ.