Revelesen 1:8 - Iatmul: God Waa Nyaangɨt

⁸ Njambwi nyan God wun kupma lɨgowun wandɨ. Wun tata lɨga nyan wun. Wun ngɨni la lɨga nyan wun waa wandɨ. Ndɨ ngiyambak wandɨ. Kwondu mbundɨ nyana. Tamba lɨndɨ. Mbambala tɨgandɨ. Ngɨni at tɨgiyandɨ. Njɨmbla njɨmbla tɨgiyandɨ.

Revelesen 1:8 ပူးပေါင်းရင်းမြစ်များ

Revelesen 1:11

Wan kwuni kupma walɨndɨ. Vɨga wupma vak lavu nyingamba pɨlɨwutaa ngepma sɨla vɨlimba Godna mbaapmamba lɨga nɨmba kat agwi. Kwimɨn, vɨgandi. Wan sɨla vɨli ngepmana sɨ kɨngian. Efesas, Leodisia waa walɨndɨ.

Revelesen 1:17

Ndɨ kat vɨlaa kɨpmamba ndalaa tɨwun. Kiyalaa Ndɨna nambuna yuwi sawun mɨna lɨndɨ. Sip sipna yuwi vla lɨndɨ. Sawun mbangɨ tɨmbu vla lɨndɨ. Ndɨna mɨni ya vla vɨtɨndɨ, vɨwun.

Revelesen 1:4

Wun Jon wun. Esiamba lɨga ngepma sɨla vɨlimba lɨga Godna mbaapma nɨmba ngwuk kat kan nyaangɨt pɨlɨwutɨgowun. God ndinyangu kat awagapma kwilɨnda apma vat klangwangat walɨgowun. God ndɨ tamba tɨndɨ. Mbambala tɨgandɨ. Ngɨni at tɨgiyandɨ. Njɨmbla njɨmbla tɨgiyandɨ. Njamwi king ndaa la tɨgɨt ta kavamba Godna waagana njɨvwa kwutɨga ensel sɨla vɨli ndɨna mɨndama sambɨmba tɨgandi. Ndinyangu kat apma vat yilɨnja vak klangwangat wowun.

Revelesen 11:17

Katsoga wandi. Njambwi nyan God mɨn kat sɨvu kɨlɨganɨn. Mɨn kwonduo lɨga nyan mɨn. Tamba lɨmɨn. Mbambala lɨgamɨn. Mɨna nɨma kwondumba wundi nɨmba kat mbambala vɨga lɨgamɨn. Vɨga lɨma vat apma vatna.

Revelesen 15:3

Tamba la nyan Moses Godna njɨvwa nyan pɨlɨwukna mbangu kwundi vɨga walɨndi. Mat sip sip kat yelavɨka walɨndi. Mɨn apma nɨma njɨvwa kwutɨmɨn. Mɨn njambwi nyan mɨn. Mɨn God mɨn. Mɨn kwonduo lɨga nyan mɨn. Njɨmbla njɨmbla njambwi kingat tɨgiyamɨn. Mɨn kat aywaa vaaka lɨgandi. Aywaa mɨna sɨ kwutaa katsogiyandi. Mɨn njambwi nyan mɨn. Mɨn apma vat mɨn yiga yetɨ lɨgamɨn. yetɨma vak vla nat nyan wupma ana yetɨgiyandɨ.

Revelesen 16:14

Ndi kavle nglei waagan ndi. Setena mbaapma nɨmba ndi. Ndi yi ya nɨma njɨvwa kwuka lɨlɨndi. Kwutɨnja njɨvwa kat vɨlaa nat nɨmba ndi kat nɨma nɨmba ndi waa walɨndi. Kan kɨpmana njambwi king kat aywaa yiga wandi. Kwonduo lɨga nyan God ngɨni yandeya nandinya ngwuk kɨta kavamba yisolaa ndɨ kat kao yiga sɨgiyangwuk waa njambwi king kat wandi.

Revelesen 16:7

Wandɨ maa god kat kwunatɨnja njambɨ pulumba la kwundiwandɨ, wukwun. Ngiyamba wama. God mɨn njambwi nyan mɨn. Nɨma kwonduo lɨga nyan mɨn. Ndinyangu kat awat yima kavle vat wovun yimɨn waa wandɨ.

Revelesen 19:15

Wan njambwi nyan ndɨna ngaangamba way mbundɨ yaak wogwela lɨndɨ. Wan yaapmba kɨpmamba lɨga nɨmba kat sɨga vatnyagiyandɨ. Ndi kat tagula vat vɨga lɨgiyandɨ. Njambwi nyan God ndinyangu kat maawut nyingi yiga tɨinda vak wutaa ndi kat nɨmamba ndɨna lak sɨgiyandɨ. Glep walɨnja mi sɨk ndɨna ngu klavak veinja vak vla wupma ndi kat nɨma vak yigiyandɨ.

Revelesen 19:6

Nɨma sakwat nɨmba yisolaa lɨga ngambulɨnja kɨndeɨgɨn vla yalɨndɨ, wukwun. Mwuk kwutndɨ pali viyala kɨndɨngɨn vla viyalɨndɨ, wukwun. Vlap vlap wandɨ maa nyinangwut wakala lɨga kwundi vla yalɨndɨ, wukwun. Wan kwundi kupma wandɨ. God apma vakna yinda. Nɨna njambwi nyan God kwonduo lɨga nyana. Ndɨ ndinyangu kat aywaa vɨga lɨgandɨ.

Revelesen 2:8

Smena walɨnja ngepma nɨmba, Godna mbaapmamba ta nɨmba na ensel kat kan nyaangɨt pɨlɨwutaa agwi ndi kat. Vɨga wukandi.

Revelesen 21:22

God kat yelavɨpmak kat wuleilɨnja ngay wan ngepma ana lɨndɨ. Njambwi kwondumbundɨ nyan Godno ndɨna nyan mat sip sipma kava kavamba lɨlɨmbɨt.

Revelesen 22:13

Tamba kwanda kwanda nda ana lɨndɨ, wun kapma njambwi nyanat tɨwun. Ngɨni kwanda kwanda tɨgiyowun waa wandɨ njambwi nyan waa wandɨ ensel.

Revelesen 4:8

Wundi aynat nda Godna sɨ kwutaa katsoga God kat sɨvbu kɨga mɨn nɨma nyan mɨn waa walɨndi. Njɨmbla njɨmbla tɨgiyaa tɨgɨtmba ndaa lɨga nyan kat yelavɨtaa walɨndi.