Matyu 6:30 - Iatmul: God Waa Nyaangɨt

³⁰ Avla waatɨga nda kat God ndi kat apma yelaga nda kwilɨgandɨ. Avla waatɨga nda nɨma nda ana ndɨ. Sɨvla mbundɨ ana lɨlɨgandɨ. Ndinyangu kalɨka kɨta lɨvwimba yisolaa ya sagalandɨ, vɨka ngɨlɨlɨgandi. Nɨn ndinyangu wupma lɨga nda ana nɨn. Nɨn nɨma nda nɨn. God nɨn kat vɨga lɨga kwusoneya waavwi kwigiyandɨ. Ngwuk nɨma maawut ke yelavɨka lɨngweya. Ngwuk God kat wagala ngwula.

Matyu 6:30 ပူးပေါင်းရင်းမြစ်များ

Matyu 14:31

Jisas yalaa ndɨ kat taambamba kwutaa katsolaa wandɨ. Mɨnai yelavɨka lɨga vat nɨma ana ndɨ. manda kat vapmɨn. Vapmangat tɨga lumaka ndaivat yimɨn waa wandɨ maa

Matyu 16:8

Jisas ngambulɨnja vak kat wutaa wandɨ. Kɨgɨnda klalapman yangwa vak kat manda kat ngambulɨgangwuk. Kɨgɨnda kat manda kat nɨmamba yelavɨka lɨgangwuk.

Matyu 17:17

Jisas ndɨna mbaapmamba la nɨmba kat vɨlaa wandɨ. Ngwuk nɨmamba ana yelavɨtɨgangwuk. Ngwuk kavle vat yelavɨtɨgangwuk. Anda sakwat nandinya tɨga ngwuk kat sɨmagaga mbutɨwun mala nɨmamba yelavɨkiyangwuk. Nɨmamba yelavɨtapman yilɨngwa vak kat wupmak kat kai wowun. Wan nyan kat yiga kwutaa wuna lak agiya ngwula waa wandɨ Jisas.

Matyu 8:26

Jisas laataa ndi kat wandɨ. Ngwuk manda kat vaatɨgangwuk. Njambwi nyanat tuwa vat ana ngwuk nɨmamba yelavɨtɨgangwuk waa walaa mwukagwi pali kat wandɨ, kiyak wandɨ. Mwuk kiyak wandɨ, pali ndɨno kiyak wandɨ. Ngu yuvut tapman tɨndɨ.

Mak pɨlɨwutna 4:40

Mwuk kat walaa ndi kat wandɨ. Ngwuk manda kat vaaka lɨgangwuk. njambwi nyanat tuwa vak ana yelavɨka lɨgangwuk? waa ndi kat wandɨ.

Mak pɨlɨwutna 9:19

Anda sakwat nandinya tɨga ngwuk kat sɨmagaga mbutiwun mala ngwula mbangɨ wiyo waavi taagagiyandɨ. Angambala nandinya wun tɨga ngwula mbangɨ kɨlɨpangɨ yinda vak kat mbukiyowun. Wan nyan kat kwutaa wun kat agiya wandɨ.

Luk pɨlɨwutna 12:28

Kɨpmamba avla watɨga nda sɨvla lɨlɨga nda ana ndɨ. Nat nandinya tɨndɨ, nat nandinya nat nɨmba kalɨtaa ya sagalandɨ, vɨka ngɨlɨndɨ. Avla watɨga ndana mbangɨ apma nglei mbangɨ. God nd kat apma vak vɨga lɨga apma mbangɨ kwindɨ. Ngwuk kɨgɨnda waavwi kat ke nɨma vak yelavɨka kwaka lɨngwa.

Luk pɨlɨwutna 9:41

Wandɨ mala Jisas wandɨ. Godna kwondu kat ana yelavɨka lɨgangwuk. Godna kwondu alɨpsɨga kwunakiyandɨ waa maawupmba yelavɨpmak kat kai wangwuk. Ngwuk kat nɨma sakwat njɨmbla sɨmogwivat tɨlɨwun. Sɨmogwiwa vak ana yelavɨka lɨgangwuk waa ndi kat walaa wan nyan kat wandɨ. Mɨna nyan kwutaa agiya waa wandɨ Jisas.

Jon pɨlɨwutna 20:27

Tomas kat wandɨ. Mɨn laataa yagwa mɨla. Wuna taambamba lɨga paw mɨna taamba sɨga avɨ. Kiyalaa lɨga ana laatndɨ waa yelavɨka lɨma vak mɨn kwagala. Kiyalaa laatndɨ waa yelavɨka alɨ mɨla waa wandɨ Jisas.

Hibru 3:12

Yakwa nɨmba wan nyaangɨt wutaa maawupmba yelavɨk ngwula. God nɨn kat apma vak yetɨneya vak kwivat wandɨ. Ndɨna nyaangɨt kat kai walaa maawut tɨvɨga mbaa yetɨlangwuk. Ndɨ kat mbaa kwagalalangwuk. Kwagalaneyan nɨn kat vɨga nɨma vat yigiyandɨ. Mbambala ndɨnai waa vapmba yetɨnangat God walɨgandɨ.

1 Pita 1:24

Wan nyaangɨt kat tambala nɨmba ndino lavu nyingamba pɨlɨwutndi. Ndinyangu avla watɨga yuwi vla tɨgandi. Kɨpmamba lɨga ndinai kwukwa njɨvwa mwe vla tɨgandɨ. Tɨga lɨga yuwi kiyandɨ, mwe kiyalaa ndaigandɨ. Njambwi nyana nyaangɨt wupma ana lɨgandɨ. Wan nyaangɨt njɨmbla njɨmbla tɨgiya nyaangɨtna. waa tamba pɨlɨwutndi.