Matyu 6:27 - Iatmul: God Waa Nyaangɨt

²⁷ Nɨma vak yelavɨka yetɨngwa vak nɨma njɨvwa kwutɨga vak ana ndɨ. Kɨta nyan wundumbu yivak kat vaaka nɨma maawut yelavɨka lɨndeyan ndɨna lɨvɨ nɨmba kat ana kwulakiyandɨ. Wundumbu yivak kat vaatapman tɨgiya nyan kat ana kwulala kwo yetɨgiyandɨ. Ndɨ kiyaigandɨ.

Matyu 6:27 ပူးပေါင်းရင်းမြစ်များ

Matyu 5:36

Nɨma njɨvwa kwukiyanɨn. Woseka ana wanɨn. Wundi nɨma njɨvwa kwutapman yineyan nɨna nambumba lɨga yuwi kavle yigiyandɨ waa ke waa. Ngwutna nambu tɨga vak ana vɨga lɨgangwuk. Wangwut maa ngwula nambuna nɨmba sawun mbangɨ tɨga ngɨk mbangɨ tɨgiyandɨ? kai.

Matyu 6:25

Ngi vak kat ngwuk kat wowun. Kɨngweya nao kɨgɨnda ngu kat nɨmamba ke yelavɨtɨngwa. Kwusongweya waavwi kat ke nɨmbamba yelavɨtɨngwa. Wan kɨgɨnda nɨma vat ana ndɨ. Waavwi nɨma vat ana ndɨ. God waa nyaangɨt wuka apma vat mɨna yiga yetɨneyan wan nɨma vatna.

Matyu 6:28

Kwusoga yetɨngweya waavwi kat manda kat nɨmbamba yelavɨka lɨgangwuk. Kɨpmamba avla waataa lɨlɨga mwe ndi kwuso waavwi kat ana yelavɨka lɨlɨgandi. Mwe ana njɨvwa kwuka waavwi klalaa tavaga yelaga lɨgandi.

Matyu 6:31

Kɨweya nao kɨgɨnda ngu andamba lɨndɨ, klaigowun kwusoga yetɨweya waavwi andamba lɨndɨ, klaigowun waa ke nɨmamba yelavɨtɨngwa.

Matyu 6:34

Ngɨni yaiga vak kat ke ngwuk nɨma maawut yelavɨka lɨngwa. Yaiga vak ngɨni yaigandɨ. Nandinya nandinya nɨma vat tɨgiyandɨ. Ngwuk mand kat yaiga vak kat nɨma maawut yelavɨka lɨgiyangwuk. Ana nglaatndɨ.

Luk pɨlɨwutna 10:41

Walɨ maa Jisas wandɨ. Mata nɨma sakwat mandɨp mandɨp nda kat yelavɨka lɨganyɨn.

Luk pɨlɨwutna 12:11

Ngɨni ngwuk kat kavle vat yivat Juda yisola lɨnja ngay kaligyandi. Ngwuk kat kotmak jas kat kaligiyandi. Nat njambwi nɨmba ngwutna nyaangɨt wutnjangat kaligiyandi. Anda nyaangɨt waigowun waa nɨmamba ke yelavɨkngwa.

Luk pɨlɨwutna 12:22

ndɨna mbaapma nɨmba kat wandɨ. Ngwuk kɨpmana nda kat nɨmamba ke yelavɨkngwa. Anda kɨgɨnda kɨgiywoun. Anda waavwi kwusogiyowun waa nɨmamba ke yelavɨkngwa.

1 Korin 12:18

God wupma ana mbangɨ kwutndɨ. God ndɨna maawupmba yelavɨtaa mbangɨna mandɨt mandɨt nda kwutaa taagandɨ.

Filipai 4:6

Nɨma vat ke yelavɨkngwa. God kat mɨna wagala ngwula. Nɨn kat apma vat yilɨgamɨn waa wagala ngwula.

1 Pita 5:7

Nɨma maawut yelavɨka tɨngwa vak God kat ambuk ngwula. Wutaa ngwuk kat kwunakiyandɨ. God ngwuk kat nɨmamba yelavɨka tɨgandɨ.