Matyu 5:43 - Iatmul: God Waa Nyaangɨt

⁴³ Tamba la nɨmba tamba mbutɨnja nyaangɨt tamba wutɨngwuk. Ngwutna alɨ nɨmba kat woviyaguga lɨga ndi kat kwunak ngwula. Ngwutna maama nɨmba kat ndi kat kai awa waa tamba mbutɨndi.

Matyu 5:43 ပူးပေါင်းရင်းမြစ်များ

Matyu 19:19

nyaek nyɨme mɨn kat waiga nyaangɨt awup mɨla. Avla mɨna mbangɨ kwunatɨma vak vla nat nɨmba kat kwunap mɨla waa tamba God wandɨ, pɨlɨwutndi waa wandɨ Jisas.

Matyu 5:21

Tamba mbutnja nyaangɨt tamba wutɨngwuk. Nat nyan kat ke vatnyapga. Vatnyangweyan kotngwangat kaligiyandi waa tamba mbutndi.

Matyu 5:27

Tamba la nɨmba tamba mbutɨnja nyaangɨt tamba wutɨngwuk. Nɨmbana taagwa kat yambɨsɨk yilɨnja vak ke yiga yetɨlɨngweya waa mbutɨndi.

Jems 2:8

God waa angwa nyaangɨt lavu nyingamba tamba pɨlɨwutndi. Avla ngwula kwunatɨngwa vak nat nɨmba kat wupma kwunak kiyangwuk waa tamba pɨlɨwutndi. Wan nyaangɨt wutaa lɨga yetɨ ngwula. Wutaa yetɨngweyan apma vat yetɨgiyangwuk.

1 Jon 4:21

Wawa nyaangɨt kwo ana walɨgowun. God wandɨ, walɨgowun. God wandɨ. Kɨta nyan wun kat mɨna ana woviyaguga lɨgiyandɨ. Ndɨ ndɨna wakwa nɨmba kat ndino aywaa woviyaguga lɨgandɨ. waa wandɨ God.