Matyu 22:32 - Iatmul: God Waa Nyaangɨt

³² God Moses kat wandɨ. Wun Ebrahamna njambwi, Aisakna njambwi, Jekopna njambwi nyan wun waa wandɨ God waa tamba pɨlɨwutndi. God kiya nɨmbana njambwi nyan ana ndɨ. Kwo lɨga nɨmbana njambwi nyana God waa wandɨ Jisas.

Matyu 22:32 ပူးပေါင်းရင်းမြစ်များ

Matyu 22:31

Kiya lɨga nɨmba laatnjeya vak kat ngwuk kat nat nyaangɨt mbukiyowun. tamba God ngwuk kat yelavɨka wandɨ, pɨlɨwutnja nyaangɨt tamba vɨngwuk? E? Ana vɨngwuk? Kupma pɨlɨwutndi.

Aposel 3:13

Jisasna kwondumba wali maa laataa veindɨ. Tamba Ebraham, Aisak, Jekop God kat yelavɨtndi. Mbambala God Jisasna sɨ kwusondɨ. Ngwuk Jisas kwutaa kwingwuk mala Pailat kat Jisas kat ke kwagalaga. Barabas kat kwagalagiyamɨn waa wangwuk. Barabas nat nɨmba kat sɨlaa nyana.

Aposel 7:32

God ndɨ kat wandɨ. Wan nɨna walanga wun kat nɨna njambwi nyan mɨn waa walɨndi Ebrahma, Aisak, Jekop wun kat nɨna njambwi nyan mɨn waa walɨndi waa God ngambulɨndɨ maa Moses ava plaa lɨndɨ. Moses vɨlaa vaaka sɨlandalaa tɨndɨ. Ana taambɨka vɨndɨ.

Hibru 11:16

Kɨpmamba lɨga ngepma kat yivak kat kai wandi. Apma ngepma nyinangwupmba lɨga ngepma kat yivat yelavɨka lɨndi. God ndi kat wandɨ. Ndi kat kwukwa ngepma yavak kat yelavɨka lɨnjan wuna nyangu vla tɨgandi waa wandɨ God. Wun ndina nyaek vla lɨgowun. Ndi kat wuna mbangɨ ana wup yigandɨ waa wandɨ God.