Matyu 11:27 - Iatmul: God Waa Nyaangɨt

²⁷ Wuna nyaek wun kat mɨna kwondu mɨnai yelavɨka lɨga vat aywaa wuna lak kwimɨn. Wunai yelavɨka lɨga vat nat nɨmba ana vɨlɨgandi. Mɨn kɨta nyan mɨna vɨlɨgamɨn. Mɨnai yelavɨka lɨga vat nat nɨmba ana vɨlɨgandi. Wun kɨta nyan vɨga lɨgowun. Yagwa walaa wunai sɨmogwia nɨmba wundi nɨmba ndino vɨga lɨgandi waa nyaek kat wasɨmblalaa wumba kɨta vat tɨnda nɨmba kat wandɨ.

Matyu 11:27 ပူးပေါင်းရင်းမြစ်များ

Matyu 28:18

Jisas ndi kat yalaa ngwaymba lɨga wandɨ. Nyinangwutna kwondu kɨpmana kwondu aywaa tamba klalaa lɨgowun.

Luk pɨlɨwutna 10:22

Nyaek, kwutuwa njɨvwamɨnamba aywaa klawun. Wuna angwa vat kan kɨpmana nɨmba ana vɨga lɨgandi. Mɨn mɨna nyana angwa vak vɨga lɨgamɨn. Kan kɨpmana nɨmba mɨna angwa vak ana vɨga lɨgandi. Wun kɨt nyan mɨna wuna nyaekna angwa vak vɨga lɨgowun. Mɨna angwa vak sɨmogwi luwa nɨmba ndino vɨga lɨgandi waa nyaek kat walaa

Jon pɨlɨwutna 1:18

Godna mbangɨ vɨga la nyan kai. Ndɨna nyan ndɨnogwionala kɨta vat vɨga lɨndɨ. Vɨlaa nɨn kat ngaga yalaa Godna vak nɨn kat mbutɨndɨ.

Jon pɨlɨwutna 10:15

Wuno wuna nyaek Godno awat sowat vɨga lɨgali. Wuna sip sip kat tɨga wun kiyaigowun.

Jon pɨlɨwutna 13:3

Jisas vɨga lɨndɨ. Ndɨna nyaek God ndɨ kat kwanda kwanda aywaa vɨga lɨndangat kwindɨ. God wandɨ maa valaa lɨgowun waa vɨga lɨndɨ Jisas. Ngɨni God tɨga kavat lungwamataa yigiyowun waa vɨga lɨndɨ Jisas.

Jon pɨlɨwutna 17:6

Kan kɨpmamba lɨga wamɨn maa wun kat yaa nɨmba ndi kat mɨnai lɨga vat sɨmogwiwun. Tak ndi mɨna nyanguat tɨndi. Ndi kat wuna lak kwimɨn. Mɨnai kwiya nyaangɨt maawupmba yelavɨka kwutaa yi ya yetɨlɨgandi.

Jon pɨlɨwutna 3:35

God ndɨna nyan kat vɨlaa woviyaguga lɨgandɨ. God ndɨna vak ndɨna nyan kat aywaa kwindɨ, lɨgandɨ.

Jon pɨlɨwutna 6:46

Ngwut ngwutna kɨta nyan wuna nyaek tɨga vat ndɨna mɨndama ana vɨga lɨgangwuk. God tɨga kavamba lɨga yaa nyan wun. Wun vɨga lɨgowun.

Jon pɨlɨwutna 7:29

Ndɨna mɨndama vɨga lɨgowun. Ndɨnai lɨga kavamba lɨga yawun. Ay wandɨ maa yawun waa wandɨ Jisas.

1 Pita 3:22

Jisas Kraist nyinangwut wokelaa Godnana yaagindan naangɨmba ndaa lɨgandɨ. Ndaa lɨga enselogwi nyinangwupmba lɨga bnjambwi nɨmba kat vɨga tɨgandɨ.

1 Jon 2:23

Jisas God waa nyan ana ndɨ waa kɨta nyan wandeyanwan nyan Godnonala kɨta vak ana yetɨlɨgandɨ. Jisas God waa nyana waa kɨta nyan wandeyan wan nyan Godnonala kɨta vat yetɨlɨgandɨ.

2 Jon 1:9

Kɨta nyan Kraist waa nyaangɨk kat kai walaa yetɨndeyan ndɨ God kat kwutaa lɨga nyan ana ndɨ. Kɨta nyan Kraist waa nyaangɨt maawupmba yelavɨka yetɨndeyan Godagwi ndɨna nyan kat kwutaa lɨga nyana.