Matyu 10:24 - Iatmul: God Waa Nyaangɨt

²⁴ Kwupmba lɨga nyan ndɨ kat vɨga lɨga sɨmogwi lɨga nyana njambwi nyan ana ndɨ. Sɨmogwi lɨga nyan ndɨ njambwi nyana. Njɨvwa kwutɨga nyan wan njɨvwa kat vɨga lɨgiya njambwi nyana njambwi ana ndɨ. Njɨvwa kat vɨga lɨgiya nyan ndɨ njambwi nyana.

Matyu 10:24 ပူးပေါင်းရင်းမြစ်များ

Matyu 10:25

Kwupmba lɨga nyan ndɨ kat vɨga lɨga sɨmogwi lɨga nyan lɨnda vla lɨndeyan wovuna. Njɨvwa kwutɨga nyan wan njɨvwa kat vɨga lɨgiya njambwi nyan lɨnda vla lɨndeyan wovuna. Wun ngwutna njambwi nyan wun. Nat nɨmba wun kat wandi. Mɨn waagana njambwi nyan mɨn. Mɨn Bielsebul mɨn waa wun kat wandi. Ngwuk wuna kwupmba lɨga mbaapma nɨmba ngwuk. Ngwutno ngwuk kat kavle nglei sɨ waigandi.

Luk pɨlɨwutna 6:40

Skul boi ndɨna tisa kat ana kwulatɨgandɨ. Wan skul boi skul kwulataa ndɨna nambu tisana nambu lɨga vla wupma lɨgiyandɨ.

Jon pɨlɨwutna 13:16

Ngwuk kat kɨta nyaangɨt waigowun. Ngwuk awuk ngwula. Njɨvwa kwutɨga nyan ndɨ kat njɨvwa kwilɨga nyana njambwi nyan ana ndɨ. Ya nyan ndɨ kat ay waa nyana njambwi nyan ana ndɨ.

Jon pɨlɨwutna 15:20

Tak ngwuk kat mbutuwa nyaangɨt yelavɨk ngwula. Tak wowun ngwuk kat. Njɨvwa kwutɨga nyan ndɨna njambwi nyan kat ana kwulatɨgandɨ waa tak ngwuk kat wowun. Wun kat nɨma vat kavle vat yilɨgandi. Ngwulo ngwuk kat wupma nɨma vat kavle vat yigiyandi. Wuna nyaangɨt wupmak kat ndi kai wandi. Ngwulo ngutnai mbutɨgiya nyaangɨt wupmak kat ndi kai waigandi.