Matyu 10:22 - Iatmul: God Waa Nyaangɨt

²² Wuna sɨ ngwuk tamba kwutaa lɨgangwuk. Ngi kat tɨga nɨma sakwat nɨmba ngwuk kat kai waigandi. Wan kavle njɨmbla ngɨlɨndɨ maa kwo lɨga wuna sɨ kwutaa lɨga nɨmba ndi apma vat tɨigiyandi.

Matyu 10:22 ပူးပေါင်းရင်းမြစ်များ

Matyu 10:39

Kɨta nyan avla ndɨna mbangɨ kat mɨna yelavɨka kwo yetɨndeya vak kat mɨna yelavɨka lɨndyan ndɨ kavle yigiyandɨ. Kita nyan wuna njɨvwa kwuka ndɨna mbangɨ kat yelavɨtapman yindeyan ndɨ apma vat tɨgiyandɨ.

Matyu 24:13

Wan yaiga kavle vak vɨlaa wun kat kwagalalapman kwo lɨgiya nɨmba ndi apma vat tɨgiyandi.

Matyu 24:9

Tɨga lɨga nat nɨmba ngwuk kat kwutaa sɨga viyaga vatnyanjangat kaligiyandi. Wuna mbaapmamba lɨngwa vak kat vɨlaa ngwuk kat aywaa kai waigandi.

Matyu 5:11

Jisas ndi kat nat nyaangɨt ngambundɨ. Ngambuga wandɨ. Wuna kwupmba yalɨngwa vak kat vɨlaa ngwuk kat kavle vat yiga njɨka waga woseka walɨnjeyan ngwuk nɨma vak ke yelavɨkngwa. Ngwuk apma maawuk sɨka solat sɨga yetɨ ngwula. Ngwuk kat yilɨnja kavle vak vla tamba la profet kat wupma yilɨndi.

Mak pɨlɨwutna 13:13

Wuna mbaapmba lɨngwangat tɨga ngwuk kak aywaa kai waigandi. Wan kavle njɨmbla kat kwulatɨga nyan tɨndeyan kwo lɨgiyandɨ.

Luk pɨlɨwutna 21:17

Wuna njɨvwa kwutɨngwangat nat nɨma sakwat nɨmba ngwuk kat kai waigandi.

Luk pɨlɨwutna 21:19

Ngɨni yaiga njɨmbla wun kat kwagalalapman yingweyan njɨmbla njɨmbla apma vat yetɨngweya vat klaigangwuk waa wandɨ Jisas.

Luk pɨlɨwutna 6:22

Wun God wandɨ, yaa nyan wun. Wuna nyaangɨt mbukngwuk mala wukna nɨmba ngwuk kat kai waalaa njɨka ngwutna sɨ viyesendalaa kɨklinjeyan apma vatna.

Luk pɨlɨwutna 8:15

Apma kɨpma ndinyangu vla lɨgandɨ. Ndi apma maawutno lɨga nɨmba. Ndi wutaa maawupmba yelavɨka lɨga God waa vapmba njɨmbla njɨmbla apma vapmba yiga yetɨlɨgandi waa wandɨ Jisas.

Jon pɨlɨwutna 17:14

Mɨna nyaangɨt ndi kat mbukwun. Ndi kɨpmamba la kwo nɨmbagwi kɨta vat ta nɨmba ana ndi. Kapma nyan tuwa vla ndino wuna mbaapmamba la nɨmba kapma nɨmba ndi. Kan kɨpmamba lɨga kwo nɨmba ndi kat kai walɨgandi.

Jon pɨlɨwutna 7:7

Wundi Juda ngwuk kat ana kai walɨgandi. Wun kat kai walɨgandi. Ndi kat vɨlaa ngwuk kavle nɨmba ngwuk waa wowun maa wun kat kai walɨgandi.

Aposel 9:16

Wunai waa nyaangɨt mbutnda kat nɨma sakwat nɨmba ndɨ kat kavle vat yigiyandɨ. Vɨgiyandɨ waa wandɨ God.

Pol pɨlɨwutna pas 2:7

Apma vat klavat tɨga, sɨmbɨ kɨvu nda klavat tɨga, God waa nyaangɨt wutɨga nɨmba kat God ndɨnai lɨga vla lɨgiyaa vat kwigiyandɨ.

2 Korin 4:11

Nɨn Jisas njɨvwa kwuka lɨga nɨmba kiya vat tɨvla lɨnɨn. Jisas kiyaala laatnda vak vla kiyalaa laakiyanɨn.

Galesia 6:9

Nɨn apma vat yivak kat kɨlɨpangɨ yilanɨn. Apma njɨvwa mɨna kwuka yilɨneyan wan apma vak nɨna lak yaigandɨ God wenga kwindeya njɨmblamba.

Hibru 3:14

Tat Kraistna mbaapma wuleingwa njɨmbla ndɨna nyaangɨt maawu0pmba yelavɨka kwutaa lɨngwa vat kwagalapman yingweya apma vat tɨgiyangwuk. Ndɨnogwinala kɨta mbaapmamba lɨgiyangwuk. Kwagalangweyan kai.

Hibru 6:11

Nɨmamba njɨvwa kwuka God waa nyaangɨt maawupmba yelavɨka nɨmamba kwutaa lɨngwangat ngwuk kat woviyaguga lɨgowun. Apma vat mɨna yiga yetɨngweyan ngwutna maawut tagula vat tɨgiyandɨ.

Jems 1:12

Kavle vak aygwula waa wanda vak ngwuk kat yandeyan nɨma maawut ke yelavɨkngwa. Wan vak kat kwulakngweyan God ngwuk kat apma wenga kwigiyandɨ. Tak God wandɨ. Wun kat yelavɨka lɨgiya nɨmba ngwuk kat nɨma wenga kwigiyowun waa tak God wandɨ. Kan wenga ndɨnamba klalaa njɨmbla njɨmbla apma vat tɨgiyangwuk.

1 Jon 3:13

Mbambala kɨpmamba lɨga kwo lɨga nɨmba kwutɨngwa njɨvwa kat kai waa tɨpmwigula yiga lɨgandi. Ngwuk nɨma sakwat vak ke yelaɨtɨga. Wan vak ndinai ya vatna.

Revelesen 2:10

Ngwuk kat yaiga nɨma kavle vat ngwuk vɨlaa ke vaaka. Ngwuk awuk ngwula. Seten ngwuk kat yalaa nɨma vat yigiyandɨ. Ngwula nat nɨmba kat kwutaa kalabusmba taagagiyandi. Kan ngwuk kat yaiga kavle vat nandinya tamba vɨli tɨga ngɨlɨgiyandɨ. Ngwuk ke vaaka. Ngwuk kat sɨga viyanjeyan wun kat kwutaa lɨngwa vak ke kwagalaga. Kwagalalapman yingweyan njɨmbla njɨmbla apma vat yetɨngweya vat kwigiyowun ngwuk kat.

Revelesen 2:17

Kan wuna nyaangɨt ngwuk awuk ngwula. Godna waagan ngwuk kat mbutɨga nyaangɨtna. Godna mbaapmamba lɨga nɨmba kat ndɨ mbutɨgandɨ. Kavle vak kat kwulatɨga nɨmba kat nyinangwupmba pagwula lɨga kɨgɨnda ndi kat kwigiyowun. Kɨta kɨta ndi kat sawun mbangɨ kambak kwigiyowun. Kɨta kɨta kambapmba kupi sɨ pɨlɨwutaa ndi kat kwigiyowun. Kapma kapma kambapmba lɨga sɨ nat nyan ana vɨgiyandɨ. Klagiga nya mɨna vɨga lɨgiyandɨ waa pɨlɨwuk wandɨ.

Revelesen 2:26

Wuna nyaangɨt wutaa kavle vak kat kwulaka yetɨga yiga nɨmba ngɨni la lɨga nandinya yaweya njɨmbla ndi kat nat nɨmba kat vɨga lɨnjeya kwondu kwindɨ. Wuna nyaek wun kat kwiya vat awat ndi kat kwiweya nat nɨmba kat vɨga lɨnjan kat. Nat kwutaa kɨpmamba kwutnja aw vulatɨga nyan vla lɨgiyandi. Kavle nɨmba kat wupma viyaigandi.

Revelesen 2:3

Ngwuk tagula maawutno tɨga nɨmba ngwuk. Wuna sɨ waga nat nɨmba kat mbuka yetɨlɨngwan kat ngwuk kat kwutaa nɨma vat ngilɨndi. Nɨma vat yilɨnja vak kat vaaka wun kat ana kwagala lɨngwuk.

Revelesen 2:7

Ngwuk awuk ngwula kan nyaangɨt. Godna waagan mbuta nyaangɨtna. Ndɨ Godna mbaapmamba tɨga nɨmba kat mbutɨgandɨ. Wan nyaangɨt yigumba awuk ngwula. Kwondu mbundɨ lɨga kavle vak kat kwulatɨga nyan kat vɨlaa waigowun. Mɨn God kwukna ambukapmba lɨga mi sɨk agɨ mba mɨn. Wan mina sɨk kɨlaa njɨmbla njɨmbla mɨn apma vat yetɨgiyamɨn waa pɨlɨwuk waa wun kat wandɨ.

Revelesen 3:21

Kavle vak kat kwulatɨga nɨmba ndi kat wowun maa wuna ngwaymba daa lɨgiyandi. Nat nɨmba kat vɨga lɨvat wuna nɨma tɨgɨtmba daa lɨweyan ndi wuna ngwaymba yaa daa lɨgiyandi. Tak yuwa vak vla yigiyandi. Tak kavle vat kat kwulataa lɨga wuna nyaek daa lɨnda tɨgɨtmba ndaa lɨwun.