Matyu 10:20 - Iatmul: God Waa Nyaangɨt

²⁰ Mbukngweya nyaangɨt ngwutna nyaangɨt ana ndɨ. Nɨna nyaek kwigiya waagan ngwutna mbangɨmba tavindɨ maa mbukiyangwuk.

Matyu 10:20 ပူးပေါင်းရင်းမြစ်များ

Matyu 6:32

Godna sɨ wutapman ta nɨmba ndino wupma nɨma maawut yelavɨka lɨndi. Ngwuk Godna nyangu ngwuk. Ndɨ ngwuk kat vɨga lɨga miwa yiga kwigiyandɨ.

Mak pɨlɨwutna 12:36

Godna waagan Devitna maawut ngwandɨndɨ maa wupma pɨlɨwutndɨ. Njambwi nyan God wuna njambwi nyan Kraist kat wandɨ. Wuna yaagindan naangamba ndaalɨ. Mɨn kat kao lɨga nɨmba kat sɨwun maa ngɨni mɨn kat ana kao yigiyandi waa wandɨ God waa pɨlɨwutndɨ Devit.

Luk pɨlɨwutna 11:13

Nɨn kɨpma lɨga nɨmba apma maawut yelavɨka lɨga nɨmba ana nɨn. Nɨna nyangu nɨn kat wagalanjeyan ndi kat sɨmblan ana kwilɨganɨn. Apma vat kwilɨganɨn. Ngwutna nyɨnangwupmba lɨga nyaek ndɨ apma maawut yelavɨka tɨga nyana. Ndɨ kat wagalangweyan ngwuk kat apma nglei vat kwigiyandɨ. Ngwuk kat ndɨna waagan kwigiyandɨ.

Luk pɨlɨwutna 12:12

Wan njsmbla Godna waagan mbukngweya nyaangɨt ngwuk kat vɨsɨmogwigiyandɨ waa wandɨ Jisas.

Luk pɨlɨwutna 21:15

Awat wangweya nyaangɨt wuna lak kwigiyowun. Ngwuk kat mbukweya nyaangɨt waigangwuk. Wangwuk, wutaa ngwuk kat kai walɨga nɨmba ana ngwuk kat kwulakiyandi.

Aposel 13:9

Solna nat sɨ Pol. Godna waagan ndɨ kat tavindɨ maa lɨmbaga yeno kwuta nyanat vɨndɨ.

Aposel 2:4

Godna waagan yaa ndinamba tavindɨ maa ndi kapma kwundi ngambundi. Godna waagan ndina maawut ngwandɨndɨ maa ndɨnai waa nyaangɨt kapma kapma kwundimba ngambundi.

Aposel 28:25

Pol ndi kat wandɨ. Tamba Godna waagan wandɨ maa God waa nyaangɨt mbutɨga nyan ngwutna ngwak walanga kat mbutndɨ. Godna waagan Aisaia kat woseka ana wandɨ. Kupma wandɨ, pɨlɨwutndɨ. Wan nɨmba kat yiga ambuk. Ndi kat ambuk. Ngwutna waan tamba wukangwuk ngwutna maawut ana velavɨka lɨgangwuk. Ngwutno mɨni tamba vɨngwuk ngwutna maawut ana yelavɨka lɨgangwuk waa ambuk. Wan nɨmbo wan nyaangɨt wutaa yelavɨti ndina mbangɨ vali yilɨgandɨ. Ndina waan tɨvla lɨgandɨ. Ndina mɨni kwitnja vla lɨgandi. Mɨni laa vɨnjeyan vɨgiyandi. Waan taaganjeyan wukiyandi. Maawupmba yelavɨtnjeyan vɨgiyandi. Vɨlaa wutyaa wun kat yaga yinjan ndi kat kwunakwun waa wandɨ Godna waagan waa pɨlɨwutndɨ Aisaia. Pol ndi kat nat samat nyaangɨt mbutndɨ. Nat nyaangɨt wukwangat wowun. Wan apma nyaangɨt God ndinyangu kat kwutaa kwunata nyaangɨt yiga Juda ana ndi nat nɨmba kat mbutnɨn. Wan nyaangɨt wuka kwutaa lɨgiyandi. Pol wan nyaangɨt mbutndɨ, wogwendɨ. wan vak kat yelavɨtaa wogwelaa nat nɨmba apma nyaangɨt ngambundi. Nat nɨmba kavle nyaangɨt ngambundi. Awat sowat ngambundi.

Aposel 4:8

Wagalandi maa Godna waagan Pitana mbangɨ tavindɨ maa Pita wandɨ ndi kat. Njambwi nɨmba, nɨma nɨmba, wawa vak awuk ngwula. Ngwuk nɨmba, nɨma nɨmba, wawa vak awuk ngwula. Ngwuk wan man kavle ya nyan kat kwunatiya vak kat angat wagalalɨgangwuk? Wan vak kat ngwuk kat mbukiyowun. Jisas Kraist Nasaretmba la nyana sɨmba ndɨ kat kwunati maa apma vat tɨgandɨ. Ndɨ kat vɨngwuk. Ngwut Jisas kat diwai krosmba kaalangwuk. God wandɨ maa kiyalaa laatndɨ.

Aposel 6:10

Stiven kat yisolaa lɨga kaawa viyaa ngambulɨndi. Godna waagan Stivena maawut ngwandɨndɨ maa ndɨ apma nyaangɨt ngambulɨndɨ mala ndɨ kat ana inaka kwulakiyandi.

2 Korin 13:3

Ngwuk Korin tɨga nɨmba wun kat yelavɨtɨgangwuk. Pol Kraistna nyaangɨt nɨn kat mbutɨndɨ? E? Ana mbutɨndɨ? Waa yelavɨtɨgangwuk. Ngwuk kat yalaa Kraistna nyaangɨt mbutɨwa vat ngwula mɨnimba vɨgiyangwuk. Ngwuk kat yalaa Kraistna vapmba kavle vapmba yetɨlɨga nɨmba kat nɨmba vat yigiyowun, vɨgiyangwuk. Yigumba ana ndi kat waigowun. Nɨmamba ndi kat mbuka waigowun.

1 Tesalonaika 2:13

Tat God waa apma nyaangɨt ngwuk kat mbutnɨn, yelavɨkngwuk. Ndinyanguna nyaangɨt ana ndɨ. God waa nyaangɨtna waa yelavɨkngwuk. Ngwuk wan apma nyaangɨt kwutaa la nɨmba ngwuk. Wan apma nyaangɨt ngwutna maawut kat kwunatɨgandɨ. Wan apma nyaangɨt kwuta lɨngwangat God kat njɨmbla njɨmbla sɨvu kɨlɨganɨn.

1 Pita 1:12

Kan tamba la profet God ndi kat yindeya vak kat ana pɨlɨwutndi. God ngwuk kat yindeya vak kat tamba pɨlɨwutndi. God ndi kat mbutnda nyaangɨt ana kak kiyaigandɨ. Tɨlɨna njɨmbla kan nyaangɨt pɨlɨwutɨna nyaangɨt ana kak kiyaigandɨ. Ana vɨgiyanɨn maa maawupmba yelavɨtɨndi. Tamba pɨlɨwutɨnja nyaangɨt mbambala wuka lɨgangwuk. God wandɨ maa Godna waagan nyinangwupmba lɨga ngega yalaa nat nɨmbana maawupmba ngwandɨndɨ maa ndi ngwuk kat wupma wan apma nyaangɨt mbutɨndi. Wan nyaangɨtnana angwa nat ensel ndino vɨvat yelavɨka tɨgandi. Ana vɨga lɨgandi.

2 Pita 1:21

Ndi ndina maawupmba ana pɨlɨwutndi. Ndina maawupmba Godna waagan ngwandɨndɨ maa God waa nyaangɨt lavu nyingamba pɨlɨwutndi.