Galesia 6:1 - Iatmul: God Waa Nyaangɨt

¹ Wuna kɨta mbaapma nɨmba, ngwula kɨta nyan kavle vat yindeyan vɨlaa ndɨna maawuk kat kwunak ngwula. Ngwuk Godna waagan walɨga nyaangɨtmba yetɨga nɨmba ngwuk ndɨna maawuk kat kwunak ngwula. Yigumba kwunak ngwula. Ngwulo ngwukkat yigumba vɨga lɨgiyangwuk. Seten ngwuk kat kavle maawut kwilandɨ.

Galesia 6:1 ပူးပေါင်းရင်းမြစ်များ

Matyu 11:29

Kwutuwa njɨvwa agwuk ngwula. Wun kao mbundɨ nyan ana wun. Ngwuk kat ana njɨka waigowun. Kwutuwa apma nɨma njɨvwa kɨta vat kwukngweyan apma vak yat njawiaga apma maawut yelavɨka lɨngweya vat klaigangwuk.

Matyu 26:69

Pita alagu ndaamangemba ndaa lɨndɨ, God kat kwunata njambwi nyana njɨvwa kwutat taagwa yalaa Pita kat vɨlaa walɨ. Mɨn Galilimba lan Jisasonala tɨmɨn, vɨwun walɨ.

Matyu 26:75

Viyandɨ maa wutaa Pita yelavɨtndɨ. Tak Jisaswun kat wandɨ. Wun kat njambɨ kuvut pagwuga kai walɨmɨn, ava nyaaga viyaigandɨ wanda vak kat ndɨna maawupmba yelavɨtaa Pita laataa yiga nɨmamba nglalɨndɨ.

Matyu 9:13

Ngwuk tamba God wandɨ, pɨlɨwutnja nyaangɨtna angwa vak ana vɨga lɨgangwuk. Kupma pɨlɨwutndi. Kwanda kwanda vatnyalaa wun kat ke kwiga. Nat nɨmba kat nɨma vak yelavɨka ndi kat kwunak ngwula waa wandɨ God waa tamba pɨlɨwutndi. Wun apma vat yetɨlɨga nɨmba kat kwunapmak ana yawun. Kavle savle yetɨlɨga nɨmba kat mɨna kwunapmak yawun waa wandɨ Jisas.

Pol pɨlɨwutna pas 14:1

Kɨta nyan ngwutna lotu yavat tɨndɨ, ndɨ kat ke kai waa. ndɨ kat kiyalaa kavle vat yetɨlɨgamɨn waa ke waa.

Pol pɨlɨwutna pas 15:1

Ngwuk wimbu kɨlɨga nɨmba kɨlapman nɨmba yetɨlɨga vapmba yetɨngweyan wovuna. Ngwutna yelavɨk vapmba ke yetɨga.

Pol pɨlɨwutna pas 8:6

Kɨpmana nda kat mɨna yelavɨka yetɨneyan kavle vat yetɨgiyanɨn. Kiyalɨnja vla kiyaa yetɨgiyanɨn. Godna waagana nda kat mɨna yelavɨka yetɨneyan apma vat yetɨgiyanɨn. Godna ava nɨmba tɨga yetɨgiyanɨn.

1 Korin 10:12

Ngwutna kɨta nyan wun apma vat mɨna yiga yetɨlɨgowun. Wun ana kavle yigiyowun waa yelavɨtndeyan ana nglaatndɨ. Samat tɨga ndɨ anagandɨ kavle yigiyaa.

1 Korin 14:37

Ngwula nat nɨmba Godna waagan nɨn kat kwondu kwindɨ maa Godna nyaangɨt mbutɨganɨn waa yelavɨtɨgandi. Ndi kat wowun. Wan pɨlɨwutuwa nyaangɨt wuna nyaangɨt ana ndɨ. Godna nyaagnɨtna wowun ngwuk kat. Ngwuk aywaa awuk ngwula.

1 Korin 2:15

Kɨta nyan Godna waagano lɨgiyaa nyan ndɨ sɨga naguga waigandɨ. Kan vak kavle vat. Kan vat apma vatna waa waigandɨ. Apma vat savagu sɨga vat apma vatna waa waigandɨ. Apma vat savagu sɨga naguga waigandɨ. Nat nyan wandɨ mala ana waigandɨ. Kan vat kavle vat. Kan vat apma vatna waa ana waigandɨ. Ndɨna maawupmba yelavɨtaa ndɨ avla waigandɨ.

1 Korin 3:1

Kɨta mbaapma nɨmba, ngwutnogwinala lɨwa njɨmbal Godna waagan maawupmba tɨndɨ, ta nɨmba kat kbutɨwa nyaangɨt ngwuk kat ana mbutɨwun. Tamba la maawupmba yetɨla nɨmba kaat mbutɨwa nyaangɨt ngwuk kat mbutɨwun. Ngwuk God waa nyaangɨk kat kwutambɨlaa lɨgangwuk.

1 Korin 4:21

Ngwuk kat yaweya njɨmbla nyangu kat nyaek viyavat ya vla yalu? Yigumba ngwuk kat woviyaguga kwunaka lɨvat yalu? Ngwutna sɨpana. Wun kat kai wangweyan viyaigowun. Mandɨt kupi maawut sɨka lingweyan ngwuk kat woviyaguga kwunakiyowun.

1 Korin 7:5

Ndu taagwa awat sowat ana kai walaa kwuk ngilaa lɨgiyambɨt. Mbɨla mbangɨ waigaa vak kat kai walaa God kat wagalavat tɨmbeyan wovuna. God kat ngambusɨmblalaa nat njambɨ mbɨla mbangɨ waiga vak kat ana kai waigambɨt. Njɨmbla njɨmbla mbɨila mbangɨ waigaa vak kat kai wambeyan Seten mbɨk kat wandɨ maa kavle vat yigiyandɨ.

2 Korin 10:1

Wan maawupmba yelavɨtɨngwas kavle vat kwagala ngwula waa wagalalɨgowun. Nɨna njambwi nyan Kraist ndɨna mbaapmamba la nɨmba kat ana nɨma vat yilindɨ. Ndi kat yilɨnda vak vla ngwuk kat ngi vat wowun. Ngi kat tɨga wan kavle vak kwagala ngwula waa wagalalɨgowun. Tak ngwutnaila kavamba lɨga ngwuk kat nɨma vat ana yilɨwun. Mbambala sɨvla kavamba lɨga wan pɨlɨwukwa pasmba nɨma vat yigiyowun ngwuk kat.

2 Korin 2:7

Nat njamba mbambala ndɨ kat kai waa ke waa. Yilɨnda kavle vak kat yelavɨka lɨngwa maawut kwagala ngwula. Ndɨna maawuk kat kwunak ngwula. Wan nyan nɨma vak yelavɨka wun ana apma vapmba alɨpsɨga yetɨgiyowun waa wandeyanana nglaatndɨ. Ngi kat tɨga ndɨna maawuk kat kwunak ngwula.

2 Korin 2:8

Ndɨ kat woviyaguga lɨlɨngwa vak sɨmaga ngwula ndɨ kat.

Galesia 5:23

Nat nɨmba kat yelavɨka yetɨlɨgandi. Ndina maawut waiga kavle vak kat kwulatɨgandi. Ngi vapmba yetɨlɨga nɨmba kat lo ana ndi kat kai walɨgandɨ.

Galesia 6:18

Wuna kɨta mbaapma nɨmba, nɨna njambwi nyan Jisas Kraist awagapma kwilɨnda vat klambangwut walaa ngwuk kat wowun. Ngiyambak.

1 Tesalonaika 4:1

Mbambala nɨna kɨta mbaapma nɨmba, ngwuk kat njambwi nyan Jisasna sɨmba nɨma kwundimba mbupmat tɨganɨn. Wukngwangat wanɨn. God yelavɨka lɨga maawupmba yetɨ ngwula. Tak ngwuk kat wupma mbutnɨn. Mbambala Godna maawupmba samat yetɨlɨgangwuk. Godna maawupmba aywaa yetɨngwangat wanɨn.

2 Tesalonaika 3:15

Maama nɨmba kat yinja vak vla ndɨ kat wupma ke yingwa. Ndɨ kat ambupmbangwuk.

2 Timoti 2:25

Mbutɨma nyaangɨk kat wupmak kat kai walɨgiya nɨmba ke ndi kat njɨka waga. Ndi kat yigumba tangaka ndina maawut kwunakiyamɨn. Kupi maawut yelavɨtaa wama apma nyaangɨpmba kwutaa lɨnjangat God anagandɨ ndi kat waigaa.

Hibru 12:13

Yiga yetɨngweya vak ngwuk avla kwunak ngwula. Kavle vat kɨta lɨndeyan tagula maawut tapma nɨmba kavle yigiyandi. Ngi kat tɨga wan kavle vat kwagala ngwula.

Hibru 13:3

Kalabusma lɨga ngwula mbaapma nɨmba kat nɨma maawut yelavɨka alɨ ngwula. Kallabusmba lɨga yelavɨka lɨngwa vak vla yelavɨk ngwula. Vatno lɨga nɨmba ndi kat nɨma maawut yelavɨka alɨ ngwula. Vatno lɨga yelavɨka lɨngwa vak vla yelavɨk ngwula.

Jems 3:13

Ngwutna kɨta nyan apma maawut yelavɨka lɨndeyan apma vat ndɨ yiga yetɨ kiyandɨ. Yiga yetɨnda apma vak vɨgiyangwuk. Wun apma nyan wun waa ana waigandɨ. Kwo apma vak yetɨ kiyandɨ.

Jems 3:2

Nɨn aywaa nat njɨmbla kavle vat yilɨganɨn. Kɨta nyan nat njɨmbla kavle nyaangɨt ngambu lapman yindeyan ndɨ apma nglei nyana. Kavle nyaangɨt ngambu lapman tɨga nyan ndɨna mbangɨ waiga kwundi ana wuka lɨgiyandɨ. Ndɨna mbangɨ ndɨ kat ana kwulak kiyandɨ.

1 Pita 3:15

Kraist kat mɨna maawupmba yelavɨka alɨ ngwula. Ngwuk kat vɨga lɨgiyandɨ. Kraist nɨna njambwi nyan vla lɨgandɨ waa awa ngwula. God ngɨni nɨn kat apma vat yigiyandɨ waa yelavɨkngwa vak kat kavle nyan ngwuk kat wagalandeyan ndɨ kat ambuk ngwula.

1 Jon 5:16

Kɨta nyan ndɨna kɨta mbaapma nyan kwo kavle vat yetɨndeyan wan nyan God kat wagalgiyandɨ. Wuna kɨta mbaapma nyan kat kwunak waa wagalgiyandɨ. Wagalandeyan God ndɨ kat kwunatndɨ, apma vat tɨgiyandɨ. Nat nɨmba ana kwo kavle vat yetɨlɨgandi. Ndi God kat kai walaa kavle vat yiga yetɨlɨgandi. God kat ndi kat manda kat wagalgiyangwuk. Ndi kat ana alɨpsɨga kwunakiyandɨ.