Galesia 4:7 - Iatmul: God Waa Nyaangɨt

⁷ Mbambala ngwut kwo nɨmba ana ngwuk. Tamba Godna nyangu ngwuk. Ngwuk Godna nyangu kat kwindeya kwanda kwanda klalaa vɨga lɨgiyangwuk.

Galesia 4:7 ပူးပေါင်းရင်းမြစ်များ

Matyu 6:24

Ndu nyan kɨta nɨma nyan vɨlɨlɨkmba ana njɨvwa kwukiyandɨ. Nat nɨma nyan kat kai walaa nat nɨma nyan kat mɨna yelavɨka lɨgiyandɨ. Nat nɨma nyana kwundi wupmak kat kai walaa nat nɨma nyana kwundi mɨna wuka lɨgiyandɨ. Ngwutno wungi vat tɨga nɨmba ngwuk. Godna njwvwa kwukawi sanya njɨvwa kwukawi ana kwukiyangwuk.

Galesia 3:26

Nɨn Kraist Jisas kwuta njɨvwa kat vɨlaa nɨn kat tɨga kwutndɨ waa yelavɨtɨganɨn. Maawupmba yelavɨtna vak kat vɨlaa God ngwut wuna nyangu ngwuk walɨgandɨ.

Galesia 3:29

Kraistna mbaapmamba lɨngweyan ngwuk Ebrahamna nyangu ngwuk. God Ebraham kat kwivat wanda nda ngwulo ngwuk kat kwigiyandɨ.

Galesia 4:31

Wuna kɨta mbaapma nɨmba, nɨn Hegana nyangu vla ana lɨganɨn. Juda yetɨlɨga lo nɨn kat ana kwutaa vɨga lɨgandɨ. Serana nyangu vla lɨganɨn.

Revelesen 21:7

Kavle vat kat kwulatɨga nɨmba ndi kat tamba wowun. Wuna nyanguat tɨgiyangwuk. Wun ngwyutna njambwi nyanat tɨgiyowun waa ndi kat wowun.