Galesia 4:24 - Iatmul: God Waa Nyaangɨt

^24-25 God ndinyangu kat kwiya vɨlɨlɨk ndana aveyambɨ vla lɨga taagwa mbɨt. Nat taagwana sɨ Hega. God Moses kat lo kwiya njɨmbla Moses Sainai walɨnja nduwimba wokelaa klandɨ. Sainai walɨnja nduwi Hega walɨnja taagwana kɨpma. Hegagwi lɨla nyanondi kat nat nɨmba vɨga lɨndi. Ndina maawupmba ana yetɨndi. Wan lo klala nɨmbana angwa ngepma Jerusalema. Ndi Juda ndi. Wundi Juda ndi lona njɨvwa kwutɨga nɨmba ndi. Nat nɨmba Hegana nyangu kat vɨga lɨnja vak vla lo Juda kat vɨga lɨndɨ. Ndi ndina maawupmba ana yetɨndi.

Galesia 4:24 ပူးပေါင်းရင်းမြစ်များ

Matyu 13:35

Wupma kwo ana mbutɨndɨ. Tamba Jisas kat kupma pɨlɨwutndɨ. Ndi kat pagwuga mandɨt mandɨt nyaangɨtmba mbukɨyowun. Tamba kɨpma kwutndɨ mala lɨndɨ, vɨlapman yilɨnja vak ndi kat vɨsɨmogwi kiyowun waa tamba pɨlɨwutndɨ tamba la profet.

Pol pɨlɨwutna pas 8:15

Godna waagan ngwuk kat kwutaa God kat vaaka ndɨna njɨvwa kwupmat Godna yelangɨmba ana taagandɨ. Ngwuk kat kwilaa ndɨna nyangu tɨngwangat Godna yelangɨmba taagandɨ. Yelagɨmba lɨga God kat s4ese waa nyaet walɨgiyanɨn.

1 Korin 10:11

Ndi kat kavle vat ya vak ndi kat mandɨp kupi maawut kwivat yandɨ. Nat nɨmba yɨlaa pɨlɨwutndi. Nɨn ngɨni la lɨga nɨmba vɨlaaa apma maawut sɨtnangat walaa pɨlɨwutndi.

1 Korin 10:4

Moses kambat viyandɨ, mbɨlɨndɨ, wogweya ngu ndi aywaa kɨndi. Ndinogwinala yila nyan kambak vla lɨndɨ. Ndɨ Kraistna. Ndi kat vɨga lɨndɨ.

Galesia 4:3

Nɨno wungi vat sɨgɨt. Tat mat nyan vla lɨnɨn. Kɨpmana vat nɨn kat vɨga lɨndɨ. Nɨna maawut yigumba ana yelavɨka lɨnɨn.

Galesia 5:1

Lo nɨn kat ngilaa lɨndangat Kraist njalapmat yandɨ. Ngwuk wupma kwo lɨgiyangwuk. Judana loat nat njamba wana wuleingweya.

Hibru 11:19

Ebraham ndɨna nyan kat vatnyavat tɨga ndɨna maawupmba yelavɨtɨndɨ. Vatnyawun maa God wandɨ, alɨpsɨga laapkiyandɨ waa yelavɨtɨndɨ. Tak God wandɨ maa wun kiya mɨna lɨga nyan njangwun. Ngi kat tɨga God wandɨ maa vatnyawun maa alɨpsɨga laapkiyandɨ waa yelavɨtɨndɨ Ebraham.

Hibru 12:24

Jisas ndɨno wungi lɨga. Ndɨ God nɨn kat mbuta apma kupi nyaangɨt kiya nyana. Nɨn kat tɨga kiyandɨ maa ndɨna yelogwen salatndɨ. Tamba Ebel God kat kwunapmat vatnya ndana yelogwen Godna nyingi maawut samat kwunatndɨ. Jisas kwiya yelogwen ndɨna nyingi maawut aywaa kwunatndɨ.

Hibru 13:20

God nɨn kat apma tagula maawut kwilɨgandɨ. Tak wandɨ maa nɨna njambwi nyan Jisas kiyalaa lɨga laatndɨ. God nɨn kat kwiya nyaangɨt ndɨnai nɨn kat kiya. Wan nyaangɨt njɨmbla njɨmbla tɨlɨgiyandɨ. Kiyaga yaa nyaangɨt nɨn kat mbuka lɨga wundumbu yindɨ maa ndɨna yelogwen nɨn kat njangindɨ. Ngi kat tɨga Jisas nɨna mbaapma kat njambwi lɨga vɨga la nyana.

Hibru 7:22

God avla ndɨna sɨ sɨge yiga wandɨ maa Jisas yalaa God waa apma njɨvwa kwutndɨ. Wan njɨvwa kwuka Godna nyingi maawut kwunatndɨ maa God tɨga kava wuleigiyanɨn. Jisas kwutɨga njɨvwa ana kwovalak yigiyandɨ. Vɨlɨganɨn. God ndɨ kat taagandɨ maa kwutɨgandɨ. Mbambala wan kupi yambɨ God tɨga kava wuleineya yambɨ wan tamba Godna nyingi maawut kat kwunatɨnja vak kat kwulatɨgandɨ.