Galesia 4:19 - Iatmul: God Waa Nyaangɨt

¹⁹ Ngwuk wuna nyangu vla lɨgangwuk. Wun nyan tɨga taagwa kangɨt waa lɨga vla wupma lɨgowun ngwuk kat. Kraist yeta vak ngwula maawupmba lɨndeyan kangɨt yila vak vla ngɨlɨgiyandɨ. Wunai kwukna nɨmba vla lɨgiyangwuk.

Galesia 4:19 ပူးပေါင်းရင်းမြစ်များ

Luk pɨlɨwutna 22:44

Jisas nɨma vak yelavɨka lɨga God kat nɨmamba wagalalɨndɨ. Wagalalɨga ndɨna mbangɨ kangan wandɨ, nɨma waangɨt sawndɨ.)

Pol pɨlɨwutna pas 13:14

Nɨna njambwi nyan Jisas Kraist yeta vak vla yetɨlɨganɨn. Nɨna mbangɨ waiga vapmba ana yetɨgiyanɨn.

Pol pɨlɨwutna pas 8:29

Tamba God wuna yelangɨ yagwa waa wavat tɨnda nɨmba tat tamba vɨndɨ. Vɨga yelavɨtndɨ. Wan nɨmba wuna nyangu vla lɨgiyandi waa yelavɨtndɨ. Wuna ngɨma nyan ndina njambwi nyan tɨgiyandɨ waa yelavɨtndɨ.

2 Korin 12:14

Kuvut wan njambɨ ngwuk kat vɨvat ya mɨna lɨgowun. Ngwutna kɨgɨnda sanya klavak kat ana yaigowun. Ngi vat nda klavak kat kai wowun. Ngwuk kat mɨna kwutaa Godna mbaapmamba taagavak kat wowun. Kɨgɨnda sanya yisoga nyaek nyɨme kat kwivat mat nyanguna njɨvwa ana ndɨ. Nyaek nyime kɨgɨnda sanya yisoga kwilɨgandi mat nyangu kat. Ngwuk wuna nyangu vla lɨgangwuk. Ngwutnamba manda kat kɨgɨnda sanya klaigowun.

Efesas 4:13

Kwunatndi maa kɨta vak yelavɨka Godna nyana angwa vak yelavɨka vɨga lɨgiyanɨn. Ndɨna nagwa vak vɨlaa mat nyangu vla ana tɨgiyanɨn. Nɨno nɨma nyangu vla lɨgiyanɨn. Kraist tɨnda vla tɨgiyanɨn. Kraist tɨnda vla tɨga woseka waiga nɨmbana kwundi ana wuka tɨgiyanɨn. Nat nɨmbana maawut kavle yivak kat ngambunjeyan ana wuk kiyanɨn. tagula maawutno tɨgiyanɨn. Mwuk pali viyandɨ, yi ya lɨga vaala vla nɨna maawut ana wupma tɨgiyandɨ.

Efesas 4:24

Kan wawa kupi maawut Godnana maawut tɨga vla tɨgandɨ. Kan kupi maawupmba yelavɨkngweyan apma njɨvwa mɨna kwuka apma vat yelavɨka yetɨgiyangwuk.

Filipai 1:8

Ngwuk kat wuna maawupmba yelavɨka tuwa vat Kraist Jisas ndɨno ngwuk kat yelavɨka lɨnda vat kɨta vakna. Ngwuk kat woseka ana wowun. God vɨga lɨgandɨ.

Filipai 2:17

Tak ngwuk kat wan apma nyaangɨt mbukwun. Mbukwun mala wutaa kwutaa lɨgangwuk. Kwutaa lɨngwa vak God vɨlaa apma vatna waa walɨgandɨ. Ngwuk kat kwunatuwa njɨvwa ana kwagala lɨgowun. Kwutaa lɨgowun. Kan njɨvwa kwuka lɨga kiyaweyan apma vala. Ngwuk kat kwunakwun, ngwula maawut tagula vat tndeyan wun vɨlaa solat sɨgiyowun. Solat sɨweya vat ngwuk kat mbupmat wowun.

Filipai 2:5

Tat Kraist Jisas yelavɨtnda vak vla mbambala ngwulo wupma yelavɨk ngwula.

Kolosi 1:27

God wan pagwuga la nyaangɨt ndinyangu kat aywaa sɨmogwiga mbupmat walɨgandɨ. Wan nyaangɨt apma nyaangɨtna. Tagula vat tɨga nyaangɨtna. Wan nyaangɨt aywaa ndɨ kambu nɨmbana nyaangɨtna. Wan nyaangɨt kupma lɨga nyaangɨtna. Kraist ndɨ ngwula maawupmba yetɨlɨgandɨ. Tɨga lɨga ngɨni Kraist kat God apma vat yinda vat ngwulo ngwuk kat wupma apma vat yigiyandɨ.

Kolosi 2:1

Ngwuk kat kwunapmak kat nɨma njɨvwa kwutɨwun. Kwutuwa vat vɨngwangat wowun. Ngwutna kapma kai. Leodisia walɨnja ngepmamba lɨga nɨmba kat ndino ndi kat nɨma njɨvwa kwutɨwun. Nɨma sakwat Godna mbaapma nɨmba ndina mɨndama vɨlapman yuwa nɨmba ndi kat kwunapmak njɨvwa kwutɨwun.

Kolosi 3:10

Mbambala kupi maawut klalaa mandɨp vapmba yetɨgiyangwuk. Wan kupi maawut God kwukna maawutna. Nandinya nandinya kwunatɨgandɨ wungi kupi maawuk kat. God ndɨnai yeta vapmba yetɨngwangat ngwutna kupi maawut kwunatɨgandɨ. Wungi kupi maawupmba God kat yelavɨka yetɨngwangat kwunatɨgandɨ.

Kolosi 4:12

Ngwula ngepmana nat nyan Epafras ngwuk kat apma nandinya walɨgandɨ. Ndɨ Kraist Jisasna njɨvwa kwutɨga nyana. Nɨma sakwat njɨmbla God kat nɨmamba wagalalɨgandɨ ngwuk kat kwunatndangat. Apma maawut yelavɨka God kat kwutaa lɨngwangat God kat wagalalɨgandɨ. Mandɨt maawupmba mbaak yelavɨtandi walaa ngwuk kat God kat wagalalɨgandɨ. God waa nyaangɨpmba yetɨmba ngwuk walaa wagalalɨgandɨ.

1 Tesalonaika 2:7

Tamba ngwutnonala lɨnan apma lagwa mat nyangukat vɨga kwunaka lɨlat takwa vla ngwuk kat yigumba vɨga lɨnɨn.

1 Timoti 1:2

Kan pas Timoti kat pɨlɨwutɨgowun. Jisasna mbaapma wuleimangat wuna nyan vla lɨgamɨn. Mɨn kat tamba kandi kwutaa kaliwun. Nɨna nyaek Godnogwi nɨna njambwi nyan Kraist Jisaso mɨn kat woviyaguga lɨga sɨka lɨmeya vat kwimbangat wowun.

Taitas 1:4

Wan pas Taitas mɨn kat pɨlɨwutaa kwiwa pasa. Ngi kat tɨga mɨn wuna nyan vla lɨgamɨn. Tat mɨn kat kwutaa Godna mbaapmamba taagawun. God kat kɨtamba yelavɨka nɨma sakwat nɨmbonala ndɨna mbaapmamba kɨtamba tɨgali. Nɨna nyaek God nɨn kat kwunatɨga nyan Jisas Kraist awagapma kwilɨmba vak klamangat wowun. Apma maawut sɨka yetɨngweya vak klangwangat wowun.

Filimon 1:10

Wuna nyan vla lɨga nyan kat tɨga mɨn kat wagalagiyowun. Ndɨna sɨ Onisimas. Kalabusmba lɨga ndɨ kat Godna nyaangɨt mbukwun, wutaa Godna mbaapma wuleindɨ. Ngi kat tɨga Onisimas wuna nyan vla lɨgandɨ.

Filimon 1:19

Kan nyaangɨt wuna taamba pɨlɨwuka mɨn kat kwigowun. Wuna lak mɨn kat kwigiyowun waa mɨn kat pɨlɨwukowun. Mɨn awat wun kat apma vat ana yimɨn. yilapman yima vak kat ana waigowun.

Hibru 5:7

Kraist Hetpris miwa yiga lɨnja vak vla alɨpsɨga nɨn kat miwa yiga lɨgandɨ. Nɨn kat yalɨga nɨma kavle vat tak ndɨ kat yalɨndɨ. Kan kɨpmamba lɨga God kat nglaga yawiga wagalandɨ. Kiyavak kat nɨma vat yelavɨka lɨga wagalandɨ God kat. God wanda nyaangɨt wutndɨ, ndɨ kat ava kwindɨ.

Jems 1:18

God ndɨna maawupmba yelavɨtaa nɨn kat ndɨna apma nyaangɨt mbutɨndɨ. Ndɨna nyaangɨt wutaa ndɨna mbaapmamba wuleinɨn. Nɨn tak wuleiya nɨmba nɨn. Ngɨni nat nɨma sakwat nɨmba wulei kiyandi.

1 Jon 2:1

Ngwuk wuna apma nyangu ngwuk. Kavle vat yilɨngwangat kai waa ngwuk kat wan nyaangɨt pɨlɨwutɨgowun. Ngwutna kɨta nyan kavle vat yindeyan nɨmamba ke yelavɨka lɨlɨngweya. Nɨn kat tɨga God kat ngambulɨga nyan Jisas Kraist ngilɨga. Ndɨ apma vat mɨna yiga yetɨliga nyana.

1 Jon 2:12

Ngwutna nat nɨmba mat nyangu vla lɨgangwuk. God Jisas kwutna njɨvwa vɨlaa ngwula kavle vat yilɨngwa vat yilɨngwa vat sɨlɨmbwindɨ. Gwuk God kat vɨga lɨgangwuk. Mbambala nglei ngwula maawupmba wan vak klangwuk. Ngwuk kat pɨlɨwutɨgowun. Ngwutna nat nɨmba nɨma nɨmba vla lɨgangwuk. Tamba la nyan God ndɨna sɨ wuka ndɨna mɨndama vɨga lɨgangwuk. Ngwutno ngwuk kat pɨlɨwutɨgowun. Ngwutna nat nɨmba kwandɨ nyangu vla lɨgangwuk. Ngwuk Seten kat kwulakngwuk. Ngwuk kwonduo lɨga nɨmba ngwuk. God waa nyaangɨt ngwula maawupmba lɨgandɨ.

1 Jon 5:21

Mat nyangu, waagan kait kwunatɨnja vak kwagala ngwula.

3 Jon 1:4

Mɨna wuna nyan vla lɨgamɨn. Wungi kat tɨga God wa nyaangɨtmba yiga yetɨmangat wutaa nolin ngwandɨga solat sɨlɨgowun. Nat nda ana wuna maawut kwukiyandɨ. kwutndɨ, solat sɨga nolin ngwandɨgiyowun.