Galesia 3:16 - Iatmul: God Waa Nyaangɨt

¹⁶ Tamba Ebrahamgwi Godno paak awat sowat kwiga klambɨt. Ebrahamogwi ndɨna yelangɨmba lɨgiyaa nyano mbɨk kat God paak kwindɨ. Wan paakmba lɨga God waa nyaangɨt Ebrahamna yelagɨmba lɨgiyaa nɨma sakwat nɨmba kat ana wandɨ. Ndɨna yelangɨmba lɨgiyaa kɨta nyan kat wandɨ. Wan kɨta nyan Kraist Jisasa.

Galesia 3:16 ပူးပေါင်းရင်းမြစ်များ

Matyu 1:1

Jisas Kraistna yelangɨmba la nɨmba kɨndɨ kiyandi. Jisasna yelangɨna njambwi nyan Devit. Devitna ngwak tamba la nyan Ebraham.

Luk pɨlɨwutna 1:55

Tamba nɨna ngwat walanga kat kwunakiyowun waa wandɨ God. Tamba la nyan ebraham kat kupma wandɨ. Mɨno mɨna nyangu ngwak walanga kat kwunakiyowun waa God wandɨ Ebraham kat waa walɨ Maria.

Aposel 3:25

Ngwutna walanga Ebraham kat God wandɨ. Mɨna yelangɨna kɨta nyan ngepma ngepmamba lɨgiyaa nɨmba kat kwunakiyandɨ waa wandɨ God. Ngwuk tamba la profetna walanga. Wungi kat tɨga wan apma vat ngwutno klaigangwuk yandɨ. God wandɨ, Jisas yalaa ngwuk kat kwunapmat tɨgandɨ. Ngwuk kat kwunatndɨ maa kavle vak yilɨngwa vak kwagalagiyangwuk.

Pol pɨlɨwutna pas 4:13

Ebrahamagwi ndɨna yelangɨ nɨmba kat ngwuk kat kɨpma aywaa ksigiyowun God wanda nyaangɨt Ebraham lomba njɨvwa kwutndangat god ana wandɨ. God waa nyaangɨt nɨmamba kwutaa lɨndangat kwigiyowun wandɨ. Ebraham God lɨga vla lɨndangat kɨpma kwigiyowun waa God wandɨ.

Pol pɨlɨwutna pas 4:16

Wupma kɨta nyan God waa nyaangɨt nɨmamba kwutaa lɨndeyan God kwigiyaa nbda klagiyandɨ. God awagapma mɨna kwilɨgandɨ. Awagapma mɨna kwilɨndangat Ebrahamna yelangɨ nɨmba kat kwilɨnda vat ana ngɨlɨgiyandɨ. Tak God Ebraham kat wandɨ maa pɨlɨwutndi. Yelangɨ yelangɨna nɨmba mɨn kat ngwat waigandi waa wandɨ God waa pɨlɨwutndi. Wungi kat tɨga Ebraham nɨna ngwatna nɨn aywaa God kwilɨnda vat nat yelangɨ nɨmba kat lomba yetɨlɨga nɨmba kat ana ngɨlɨgiyandɨ. Nat yelangɨ nɨmba kat God waa nyaangɨt nɨmamba kwutaa lɨga nɨmba kat nɨmbun ana ngɨlɨgiyandɨ. God kiyaa palɨ kat laak wandeyan laakiyandɨ. God ngɨni yaiga vak mbambala vɨlaa walɨgandɨ. Ndɨ kwondu namwiya lɨndangat kwigiyowun wandangat nɨna mbangɨ manda kat kɨlɨpangɨ yigiyandɨ.

Pol pɨlɨwutna pas 9:4

God Juda waa Isrel walɨnja nɨmba ndi kat apma vat yɨndɨ. Ndi kat kwutaa ngwuk wuna nɨmba ngwuk wandɨ. Ndinanala yetɨneɨ. Apma vat yigiyowun ndi kat waa walɨndɨ. Ndi kat lotunjeya vat yigiyowun ndi kat waa walɨndɨ. Ndi kat lotunjeya vat sɨmagandɨ. Apma apma nda kwigiyowun waa God wandɨ ndi kat.

1 Korin 12:12

Ndinyanguna mbangɨ kɨta. Mbangɨmba lɨga nda nɨma sakwat nda tɨga. Kraistna mbaapmamba lɨga nɨmba ndino wupma lɨgandi. Kɨta mbaapmamba lɨga nɨmba ndi nɨma sakwat nɨmba kapma kapma nɨmba ndi.

1 Korin 12:27

Nɨno aywaa Kraistna mbangɨ vla lɨndɨ, lɨganɨn. Nɨn aywaa kɨta kɨta ndɨna mbangɨna nda vla lɨganɨn. Ndɨna mbaapmamba lɨga kɨta nyana mbangɨ vla lɨganɨn. Ndɨna mbaapmamba lɨga kɨta nyana mbangɨ vla lɨganɨn.

2 Korin 11:22

Nɨn Hibru walɨnja nɨmba nɨn waa mbutɨgandi. Wuno wupma. Nɨn ngwat Ebrahama wa butɨgandi. Wuno wupma.

Galesia 3:19

Lo manda kat God Moses katkwindɨ. Lona vat mɨnda vatna. Wan lona vak kɨngiyan. Ndinyangu aywaa wan lo kat vɨlaa yelavɨkiyandi. Nɨn kavle savle yetɨnɨn waa yelavɨkiyandi. Kavle savle ytɨnja vak kat ndi kat sɨmogwivat God wan lo ngɨni kwindɨ. Ebrahamna yelangɨmba la kɨta nyan Kraist yandɨ maa lona njɨvwa ngɨlɨndɨ. Wan lo God ensel kat kwindɨ, Moses kat kwindi. Kwindi maa ndinyangu kat kwindɨ. Wan nyan Moses nɨndɨmba la nyana.

Galesia 3:8

Tamba God waa nyaangɨt pɨlɨwutaa nɨmba wan vak pɨlɨwutndi. Juda ana ndi nat nɨmba God kat ndina mbangɨ wiyo waavi taaganda vak kat vɨlaa God ndi kat apma nɨmba ngwuk waa wandeya vak kat tamba pɨlɨwutndi. Ngi kat tɨga tat wan apma nyaangɨt Ebraham kat pɨlɨwutndi. God mɨn kat kwunatnda vak vla wan kɨpmana ngepma ngepmamba la nɨmba kat aywaa God ndi kat apma vat yigiyandɨ waa tamba Ebraham kat pɨlɨwutndi.

Efesas 5:32

Wan pɨlɨwuta nyaangɨtna angwa vak ngilɨga. Kraist ndɨna mbapma nɨmba kɨtamba yetɨnja vak kat yelavɨtaa lavu nyingamba pɨlɨwutndɨ.

Kolosi 2:19

Wundi nɨmba Kraist kat maawupmba yelavɨka ana kwutaa lɨgandi. Kraist njambwi nyanat tɨnda vat ana vɨga lɨgandi. Nɨn wungi vat kai. Kraist njambwi nyanat tɨga nɨn ndɨna mbaapma nɨmba ndɨnai waa nyaangɨpmba kɨta vapmba yetɨgiyanɨn. Apma vat yetɨneya vat nɨman yigiyandɨ.

Kolosi 3:11

Kraistnonala kɨta mbaapmamba kɨta vat tɨganɨn. Juda ana ndi Juda ndi waa ana kapma kapma kalɨkiyandi. Mbangɨ pɨtnja nɨmba ndi mbangɨ pɨtapman nɨmba ndi waa ana kapma kapma kalɨkiyandi. Nambuo lɨga nɨmba ndi nambu lapman tɨga nɨmba ndi wa ana kapma kapma kalɨkiyandi. Njɨvwa kwutaa nɨmba ndi kwo nat nɨmba kat vɨga la nɨmba ndi waa ana kapma kapma kalɨkiyandi. Kraistnonala nɨn aywaa kɨta vat tɨganɨn. Wan mbaapma nɨmbana maawupmba aywaa ndina maawupmba Kraist yetɨlɨgandɨ.