Aposel 7:36 - Iatmul: God Waa Nyaangɨt

³⁶ Moses ndi kat kwutaa Isip kwagalalaa walindɨ. Isipmba Moses nɨma sakwat nɨma njɨvwa God waa vapmba kwutndɨ, ndina ngepma kavle yindɨ. Yelogwen walɨnja sak Mosesna vasɨ vasɨmba viyandɨ vlɨi yi ya yetɨlɨndi.

Aposel 7:36 ပူးပေါင်းရင်းမြစ်များ

Jon pɨlɨwutna 4:48

Wandɨ maa Jisas wumba la nɨmba kat wandɨ. Nɨma njɨvwa kwunatɨga njɨvwa kwutapman yiweyan wun kat vɨlaa ndɨ God wandɨ, yaa nyana waa ana yelavɨkiyangwuk waa wandɨ.

Aposel 13:18

naambi ndumi vɨli kwo nɨndi kavamba yetɨndi. Wan yetɨlɨnja njɨmbla ndi God kat kai walɨndi. God kat kai walɨndi maa God ndi kat ana kai walɨndɨ. Ndina lak kwaalɨndɨ.

Aposel 7:42

Ndina kavle vat God vɨlaa wandɨ. Ndɨ kat kwagalawun maa kavle maawut yelavɨkiyandi. ndina kavle vapmba yetɨgiyandi waa wandɨ God. Wungi kat tɨga nyɨnangwupmba lɨga nda kat kwunatndi. Nya, mbak sɨngwut kwunatndi. Tamba yetɨnja vak kat profet pɨlɨwitndɨ. God wandɨ. Ngwuk Isrel wun kat yelavɨtaa kɨta nda vatnyalaa ana wun kat kwilɨngwuk. Naambi ndumi vɨlɨlɨk kwo kavamba tɨngwa njɨmbla wun kat ana kwilɨngwuk. Molok walɨnja waagana kait kwutaa kaliga ndɨ kat mɨna kwunatɨngwuk. Refan walɨnja sɨngwut mɨna kwunakngwuk. Wungi kat tɨga wowun mala nat ngepma nɨmba ngwuk kat kandi kwutaa kaligiyandi ndina ngepmat. Babilon walɨnja ngepmat kaligiyandi waa wandɨ God waa tamba pɨlɨwutndɨ profet.

Hibru 3:8

Mbambala wunai waa nyaangɨt awuk ngwula. Tamba la Juda kwo kavamba lɨga wuna nyaangɨt wupmak kat kai wanja vla ngwuk wupma kai wata wangwega.

Hibru 3:9

Wan tamba la njɨmbla ngwutna walanga ndi kat kwunatɨwa nɨma njɨvwa vɨlɨndi. Naambi ndumi vɨlɨlɨk vɨga lɨndi. God nɨma vak yigiyandɨ? E? Ana yigiyandɨ? Waa yelavɨka vavle vat yilɨndi. Wuna nyaangɨt ana wuka lɨndi.

Hibru 8:9

Ngwula walanga kat tamba mbukwa nyaangɨt ngwuk kat mbukweya nyaangɨt kɨta nyaangɨt ana ndɨ. Kapma kapma nyaangɨtna. Ndi Isipmba lɨndi, ndi kat kwutaa kaliwa njsmbla ndi kat tamba mbukwa nyaangɨt mbukwun. Ndi kat mbukwa nyaangɨt kat kai walaa wan nyaangɨpmba ana yiga yetɨndi. Ngi kat tɨga ndi kat kai wowun.