Aposel 27:23 - Iatmul: God Waa Nyaangɨt

^23-24 Nak ngan Godna ensel yalaa wun kat wandɨ. God wuna nyaekna. Ndɨ kat yelavɨka lɨgowun. Ensel wandɨ wun kat. Pol ke vaaka. Romba lɨga njambwi nyan kat mbukiyamɨn. God ngwuk kat apma vat yindɨ. Mɨnogwinala lɨga nɨmba ana kiyagandi waa wandɨ ensel.

Aposel 27:23 ပူးပေါင်းရင်းမြစ်များ

Jon pɨlɨwutna 12:26

Kɨta nyan wunogwinala njɨvwa kwupmat wandeyan wunai yetɨga vak vla yetɨgiyandɨ. Kɨta nyan wunogwinala njɨvwa kwutndeyan wuna nyaek ndɨna sɨ kwutaa katsogiyandɨ.

Aposel 12:23

Ndinai waa kavle nyaangɨk kat wutaa ana kai wandɨ. Wun God ana wun waa ana wandɨ. Wungi kat tɨga wan kavle nyaangɨt ngambundi maa Godna ensel Herot kat sɨndɨ. Sɨndɨ, Herotna yaat tɨgɨmbimba ngwaambɨ ngwaambɨ kɨlɨndi maa kiyandɨ.

Aposel 16:17

Polagwi nɨnagwi yelɨnɨn. Nɨna kwupmba yalaa nɨn kat walega walɨlɨ. Wan nɨmba njambwi nyan Godna njɨvwa kwutɨgaa nɨmba ndi. Apma vat yetɨngweya vat ndinamba klaiyangwuk waa walega walɨ.

Aposel 18:9

Ngan kɨta Pol sɨmat vɨndɨ. Wan sɨmapmba God waa kwundi wutndɨ. God wandɨ. Ke vaaka. Wuna apma nyaangɨt mbupma vak ke kwagalaga. Wan apma njɨvwa ke kwagalaga. mɨna lak kwawun. Mɨn kat kavle vat yigiyaa nyan kai. Kan ngepmamba lɨga wuna mbaapma nɨmba nɨma sakwat tɨgandi waa God wandɨ sɨmapmba.

Aposel 23:11

Ngan njambwi nyan Jisas Polna ngaymba laataa lɨga ndɨ kat wandɨ. Ke vapma. Wun kat Jerusalemba lɨga nɨmba kat mbupmɨn. Wun kat Romba lɨga nɨmba kat mbukiyamɨn waa wandɨ.

Aposel 5:19

Kalambusmba taagandi mala Godna ensel yalaa kalabusna ndaamangena ndua lavwindɨ, wogwendi. Wogwendi mala ndi kat ensel wandi. Ngwut Godna ngayat ay. Apma vat kwo yetɨnjeya vak kat ndi kat ambuk ngwula waa wandɨ ensel.

Aposel 8:26

Wan njɨmbla Godna ensel kɨta Filip kat yalaa wandɨ. Kambangwat naangat ay mɨla. Nɨma ava yambɨ Jerusalemba laapta gesat yilaa lɨga avayambat ay mɨla. Wan kava kwo nɨndɨ kava waa wandɨ ensel.

Pol pɨlɨwutna pas 1:1

Rom walɨnja ngepmamba lɨga nɨmba ngwuk kat wan nyaangɨt pɨlɨwutɨgowun. Wun Pol wun. Wunayɨ God waa apma nyaangɨt yiga mbukwangat God wun kat klalaa yiga ambuk wandɨ.

Pol pɨlɨwutna pas 1:9

Ngwuk kat tɨga nandinya nandinya ngan ngan God kat ngambulɨgowun. Ngambulɨwa vat God vɨga lɨgandɨ. Godna njɨvwa nɨmamba kwutɨgowun. Godna nyan njɨvwa kwutnda vat yiga mbutɨgowun.

Pol pɨlɨwutna pas 6:22

Kavle vat ngwuk kat ngindɨ maa God ngwuk kat njalataa ndɨna njɨvwa kwukngwangat ndindɨ. Ndɨna njɨvwa kwukngweyan apma nɨmbun klagiyangwuk. Apma vak yetɨlɨngweya vak klagiyangwuk. Wan vak ana ngɨlɨgiyandɨ.

1 Korin 6:20

God ngwuk kat klavak nɨma wenga kwindɨ. Ngikat tɨga ndɨna sɨ katsovak yetɨ ngwula.

2 Timoti 1:3

Wunogwio wuna ngwat nyaetno God kat maawupmba yelavɨka lɨnɨn. Kavle savle maawut ana ndɨ kat yelavɨka lɨnɨn. Sɨva sɨva mɨn kat yelavɨtaa mɨn kat tɨga walaa God kat sɨvu kɨlɨgowun.

2 Timoti 2:24

Njambwi nyana njɨvwa kwutɨga nyan waliaga viyavak kat mɨn mɨna maawupmba ana yelavɨka lɨgiyamɨn. Mɨn kwo yetɨgiyamɨn. Mɨn apma vat mɨna nɨma sakwat nɨmba kat kwunaka yetɨ. Ndi kat wan apma nyaangɨt vɨsɨmogwiga yetɨlɨgiyamɨn. Wan kavle vat yetɨnjeya vak kat mɨna maawupmba wana ndi kat kɨmbut ygia yelavɨtɨmeya.

2 Timoti 4:17

Kotmat yiga wuleilaa laataa lɨwa njambla njambwi nyan wunogwinala lɨndɨ. Wun kat kwunaka wun kat ava kwindɨ mala man nyaangɨt apma vak ngambuwun kotmba. Yisola la Juda na ndi nat nɨmba ndi aywaa ngambulɨwa nyaangɨt wutndi. Wan kotmat laataa lɨwa nandinya wun kat ana vatnyaga kavle yindi. Kwo lɨwun.

Taitas 1:1

Wun Pol wun. Wan pas wunayɨ pɨlɨwutaa kwiya. Wan Godna njɨvwa kwutɨga nyan wun. Jisas Kraist wan apma nyaangɨt yiga ambuk wun kat wandɨ maa yiga mbutɨgowun. Jisasnana nyaaangɨt klalaa Jisasnana kwondumba yiga mbutɨgowun. Wunai kwutɨga njɨvwa kɨngiyan. God waa nɨmba ndi God kat maawupmba yelavɨtnja vak kat wun kwunatɨgowun. Wan apma nyaangɨk kat ndina maawupmba yelavɨpmbandi walaa ndi kat mbutɨgowun. Wan apma vak kat yelavɨtnjeyan God yeta vak vla yetɨgiyandi.

Taitas 2:14

Ndɨ Jisas Kraist yalaa nɨn kat tɨga kiyandɨ. Kavle vat yetɨna vak kat Jisas Kraist kiyalaa God kat nɨn kat tɨga wenga kwindɨ. Ndɨnai kiwya apma maawupmba yetɨnan aywaa ndɨna nyangu nɨn. Apma vapmba yetɨvak yelavɨka woviyaguga lɨnangat Jisas nɨn kat kiyalaa kwunatndɨ.

Hibru 1:14

Ensel ndi Godna njɨvwa kwutɨga nɨmba ndi. God ndi kat aywandɨ maa ndɨna mbbapma wuleigiya nɨmba kat ndi kat kwunatɨgandi.

Revelesen 22:16

Jisas wun kat wundɨ. Wun Jisas wun. Wun wowun maa wuna ensel mɨn kat nyaangɨt mbutndɨ. Wuna ndɨna sɨmba ndɨna yelangɨmba yawun. Wun ngambi ngan sɨlɨgan awangɨn vla lɨgowun waa wandɨ Jisas.