3 Jon 1:4 - Iatmul: God Waa Nyaangɨt

⁴ Mɨna wuna nyan vla lɨgamɨn. Wungi kat tɨga God wa nyaangɨtmba yiga yetɨmangat wutaa nolin ngwandɨga solat sɨlɨgowun. Nat nda ana wuna maawut kwukiyandɨ. kwutndɨ, solat sɨga nolin ngwandɨgiyowun.

3 Jon 1:4 ပူးပေါင်းရင်းမြစ်များ

2 Korin 6:13

Ngwuk kat mbutɨwa vak wuna nyaangu kat mbutɨwa vla mbutɨgowun. Ngwuk kat woviyaguga lɨganɨn. Nɨn kat woviyaguga alɨ ngwula. Nɨn kat kai ke wangweya.

Galesia 2:14

Ndi Kraistna apma nyaangɨpmba ana yetɨndi. Ngi kat tɨga yetɨnja kavle vak kat vɨlaa ndi kat kai wowun. Pita kat ndina mɨndama sambɨmba wowun. Mɨn Juda mɨn. Mɨn tat Juda ana ndi nat nɨmbonala tɨga nao kɨga lɨmɨn. Juda yeta vak ana ndɨ. Mɨn Juda yeta vak kat kai walaa yetɨmɨn. Mbambala yaa Juda yetɨna vapmba Juda ana ndi nat nɨmba kat yetɨgiyandi waa wandi. Mɨn manda kat ndina kwundi wutaa ndina lak yimɨn waa wowun Pita kat.

Galesia 4:19

Ngwuk wuna nyangu vla lɨgangwuk. Wun nyan tɨga taagwa kangɨt waa lɨga vla wupma lɨgowun ngwuk kat. Kraist yeta vak ngwula maawupmba lɨndeyan kangɨt yila vak vla ngɨlɨgiyandɨ. Wunai kwukna nɨmba vla lɨgiyangwuk.

1 Tesalonaika 2:11

Kɨta nyan ndɨna nyan kat kwunatɨnda vak vla ngwuk kat kwunatɨnɨn. Ngwuk kat kɨta kɨta apma nyaangɨt mbutɨnɨn. Ngwutna maawut kwunatɨnɨn. Wan vapmba yetɨ ngwula waa ngwuk kat mbutɨnɨn.

1 Timoti 1:2

Kan pas Timoti kat pɨlɨwutɨgowun. Jisasna mbaapma wuleimangat wuna nyan vla lɨgamɨn. Mɨn kat tamba kandi kwutaa kaliwun. Nɨna nyaek Godnogwi nɨna njambwi nyan Kraist Jisaso mɨn kat woviyaguga lɨga sɨka lɨmeya vat kwimbangat wowun.

2 Timoti 1:2

Wan pas Timoti mɨn kat pɨlɨwutaa kwiwun. Wuna apma nyan vla lɨgamɨn. Nɨna nyaek Godnogwi nɨna njambwi apma vat yimbangat wowun. Yimbɨt mala apma vat tɨgiyamɨn waa wowun.

Filimon 1:10

Wuna nyan vla lɨga nyan kat tɨga mɨn kat wagalagiyowun. Ndɨna sɨ Onisimas. Kalabusmba lɨga ndɨ kat Godna nyaangɨt mbukwun, wutaa Godna mbaapma wuleindɨ. Ngi kat tɨga Onisimas wuna nyan vla lɨgandɨ.

1 Jon 2:1

Ngwuk wuna apma nyangu ngwuk. Kavle vat yilɨngwangat kai waa ngwuk kat wan nyaangɨt pɨlɨwutɨgowun. Ngwutna kɨta nyan kavle vat yindeyan nɨmamba ke yelavɨka lɨlɨngweya. Nɨn kat tɨga God kat ngambulɨga nyan Jisas Kraist ngilɨga. Ndɨ apma vat mɨna yiga yetɨliga nyana.

2 Jon 1:4

Ngwula nat nɨmba God waa apma vapmba yetɨlɨngɨtma yetɨlɨgandi.