2 Timoti 3:16 - Iatmul: God Waa Nyaangɨt

¹⁶ God wandɨ, tamba pɨlɨwutnja nyaangɨt ndina yelavɨk vapmba ana pɨlɨwutnji. God ndina maawupmba ngwandɨlaa wandɨ mala wan nyaangɨt pɨlɨwutndi. Wan tamba pɨlɨwutnja apma nyaangɨt apma vatna angwa vɨsɨmogwilɨgandɨ. Kavle vat yiga yetɨnjeyan wan apma nyaangɨt nɨn kat kai walaa kwunatɨgandɨ. Apma vat tɨneya vat nɨn kat vɨsɨmogwilɨgandɨ.

2 Timoti 3:16 ပူးပေါင်းရင်းမြစ်များ

Matyu 13:52

Jisas ndi kat wandɨ. Kɨta nyan Moses kwiya lo sɨmogwiga lɨga nyan nyinangwut tɨga nɨma nyana mbaapma wuleindyan wan nyan kɨngi vat tɨgiyandɨ. Kɨta nyan ndɨna ngayna kwanda kwanda taagalɨnda ngay wuleilaa tamba la nda kupi nda klalaa ndɨna ngay alagu ngemba taagandɨ waa wandɨ Jisas.

Matyu 21:42

Kan mbutuwa wapuseput tamba God wandɨ, pɨlɨwutnja nyaangɨt vla lɨgandɨ. Ngwuk vɨlɨngwuk? E? Ana vɨlɨngwuk? Kan nyaangɨt. Kupma pɨlɨwutndi. Kambapmba ngay kwuta nɨmba tat yaagibnja kambak ngɨni kwutaa ngay tagumba taagandi, lɨndɨ. Taagandi tɨga wan ngayna njambwi kambanknat tɨndɨ. God sɨmogwindɨ, wan kambak kwutaa tagumba taagandi. God apma vat ndi kat sɨmogwindɨ. waa tamba pɨlɨwutndi.

Matyu 22:43

Jisas ndi kat wandɨ. Devit kat Godna waagan wuleindɨ maa Kraist wuna njambwi nyana wandɨ. Tamba la nyan Devit kupma walaa pɨlɨwutndɨ.

Matyu 26:54

Wun kat kwutaa kalilaa vatnyanjeya vak kat tamb la nɨmba lavu nyinangmba pɨlɨwutndi. Nyaek kat ndɨnogwi lɨga ensel kat wagalaweyan tamba pɨlɨwutnja vak ana kak kiyaigandɨ. Wungi kat tɨga kai wowun. Ana wagalgiyowun waa walaa

Matyu 26:56

Wun kat yilɨngwa vak kwo ana yilɨgangwuk. Tamba la profet pɨlɨwutnja vak vla wun kat wupma yilɨgangwuk waa wandɨ maa ndɨna mbaapmamba la nɨmba aywaa ndɨ kat kwagalalaa vaaka pɨlɨga yindi.

Mak pɨlɨwutna 12:24

Jisas ndi kat wandɨ. Ngwuk apma vak ana yelavɨtɨgangwuk. God waa nyaangɨt kat ana apma vat yelavɨtɨgangwuk. Ndɨna kwondu kat ana apma vat yelavɨtɨgangwuk.

Mak pɨlɨwutna 12:36

Godna waagan Devitna maawut ngwandɨndɨ maa wupma pɨlɨwutndɨ. Njambwi nyan God wuna njambwi nyan Kraist kat wandɨ. Wuna yaagindan naangamba ndaalɨ. Mɨn kat kao lɨga nɨmba kat sɨwun maa ngɨni mɨn kat ana kao yigiyandi waa wandɨ God waa pɨlɨwutndɨ Devit.

Jon pɨlɨwutna 10:35

Wan tamb la nyan pɨlɨwukna nyan ndinyangu kat ndi God ndi waa pɨlɨwutndɨ. Wan pɨlɨwukna nyan Godna nyaangɨt wutaa God kwiya njɨvwa kwuta nyan ndɨ. Wan pɨlɨwuknda nyaangɨt woseka waa ana pɨlɨwutndɨ.

Jon pɨlɨwutna 3:20

Kavle vat yiga yetɨlɨga nɨmba apma vat yiga yetɨlɨga nɨmba kat waigandi. Apma vat kat vɨlaa yetɨlɨna vak kavle vatna waa yelavɨkiyandi. Ngi kat tɨga wan apma vak kat kai walɨngandi.

Aposel 1:16

Jisasna mbaapma nɨmba ngwuk, tak Judas Jisas kat kwupmak ta nɨmba kat ndɨnai la kava yiga sɨmogwindɨ. Tak Judas kɨta vat tɨna nyana. God wandɨ, kɨtamba Godna njɨvwa kwutɨna nyana. Tamba Godna waagan Devitna maawut ngwandɨndɨ maa Devit Sam walɨnja kwundi pɨlɨwutndɨ. Ndɨna ngay kwo lɨgiyandɨ. Nat nyan ana lɨgiyandɨ. Ndɨna njɨvwa klalaa nat nyan kwukiyandɨ waa pɨlɨwutndɨ Devit. Devit pɨlɨwutna vapmba tɨndɨ. Judas ndɨ avla vatnyandɨ ndɨna mbangɨ. Wan njɨmbla avla vasaselilaa ndaiga kɨpmamba viyandɨ maa ndɨna yaap mbɨlɨndɨ. Mbɨlɨndɨ maa ndɨna tɨgɨmbi kɨpmamba yindɨ. Jerusalemba lɨga nɨmba aywaa vɨga lɨndi. Ndina kwundimba wan kɨpmana sɨ Akeldama wandi. Yelogwen nda kɨpma.

Aposel 18:25

Jisas kwutaa njɨvwa samat vɨga lɨndɨ. Jisas kwutaa vak kat nat nɨmba kat nɨmamba mbutɨndɨ. Kavle vat ana mbutɨndɨ. Apma vat mbutɨndɨ. Tat ta nyan Jon waa nyaangɨt mbutɨndɨ. Mbuka walɨndɨ. Kupi maawut asɨk ngwula. Kupi maawut sɨtaa ngu yagu waa wandɨ. Jisas kiyalaa laatnda vak kat aywaa ana wuka lɨndɨ.

Aposel 20:20

Ngwuk kat kwunatndan kat nyaangɨt mbukwun. Nat nyaangɨt samat ana pagwuwun. Yisongwuk mala wan apma nyaangɨt mbutɨwun. Ngwutna ngay ngaymba wan apma nyaangɨt vɨsɨmogwilɨwun ngwuk kat.

Aposel 20:27

Godna vat ngwuk kat aywaa mbukwun. Kan nyaangɨtnana samat vat ana pagwuwun.

Aposel 28:25

Pol ndi kat wandɨ. Tamba Godna waagan wandɨ maa God waa nyaangɨt mbutɨga nyan ngwutna ngwak walanga kat mbutndɨ. Godna waagan Aisaia kat woseka ana wandɨ. Kupma wandɨ, pɨlɨwutndɨ. Wan nɨmba kat yiga ambuk. Ndi kat ambuk. Ngwutna waan tamba wukangwuk ngwutna maawut ana velavɨka lɨgangwuk. Ngwutno mɨni tamba vɨngwuk ngwutna maawut ana yelavɨka lɨgangwuk waa ambuk. Wan nɨmbo wan nyaangɨt wutaa yelavɨti ndina mbangɨ vali yilɨgandɨ. Ndina waan tɨvla lɨgandɨ. Ndina mɨni kwitnja vla lɨgandi. Mɨni laa vɨnjeyan vɨgiyandi. Waan taaganjeyan wukiyandi. Maawupmba yelavɨtnjeyan vɨgiyandi. Vɨlaa wutyaa wun kat yaga yinjan ndi kat kwunakwun waa wandɨ Godna waagan waa pɨlɨwutndɨ Aisaia. Pol ndi kat nat samat nyaangɨt mbutndɨ. Nat nyaangɨt wukwangat wowun. Wan apma nyaangɨt God ndinyangu kat kwutaa kwunata nyaangɨt yiga Juda ana ndi nat nɨmba kat mbutnɨn. Wan nyaangɨt wuka kwutaa lɨgiyandi. Pol wan nyaangɨt mbutndɨ, wogwendɨ. wan vak kat yelavɨtaa wogwelaa nat nɨmba apma nyaangɨt ngambundi. Nat nɨmba kavle nyaangɨt ngambundi. Awat sowat ngambundi.

Pol pɨlɨwutna pas 15:4

God tamba pɨlɨwuta nyaangɨt kwo ana pɨlɨwutndɨ. Nɨn kat sɨmagavat pɨlɨwutndɨ. Tamba la nɨmba God ndina lak kwandɨ vɨlɨganɨn. Ngi kat tɨga nɨna lak kwaigandɨ vɨlɨganɨn.

Pol pɨlɨwutna pas 3:2

God Juda kat apma vat yindɨ. Ndɨnai waa nyaangɨt ndi kat kwilaa mbutndɨ. Ndina nat nɨmba God waa nyaangɨk kat ndina mbangɨ kɨlɨpangɨ yindɨ. Ndɨnai waa nyaangɨtmba ana yetɨndi. Wungi kat tɨga God ndɨnai waa apma vat yigiyowun waa nyaangɨtmba yigiyandɨ? E? Ana yigiyandɨ?

Pol pɨlɨwutna pas 4:23

Wan nyaangɨt Ebraham kat mɨna ana pɨlɨwutndi. Nɨnagwi wungi vat sɨgat. God waa nyaangɨt wutaa nɨmambu mbandɨ wiyo waavi taagandeyan God nɨn kat wunai lɨga vla lɨgangwuk waigandɨ. Nɨna njambwi nyan Jisas kat kiyandɨ maa God ndɨ kat laak wandɨ, laatɨndɨ. Jisas kavle vat yetɨna vat kwutaa lɨndɨ maa God ndɨ kat sɨndɨ. Nɨna wugɨna tɨga laatndangat God nɨn kat wunai lɨga vla lɨgangwuk alɨpsɨga waigandɨ.

1 Korin 12:7

Godna waagan ndɨna vak kɨta kɨta nyangu kat kwilɨgandɨ. Awat sowat kwunaka yetɨnjangat kwilɨgandɨ. Awat sowat kwunatɨna vak kat vɨlaa ndi Godna waagana vak klandi waa wagiyandi.

Galesia 3:8

Tamba God waa nyaangɨt pɨlɨwutaa nɨmba wan vak pɨlɨwutndi. Juda ana ndi nat nɨmba God kat ndina mbangɨ wiyo waavi taaganda vak kat vɨlaa God ndi kat apma nɨmba ngwuk waa wandeya vak kat tamba pɨlɨwutndi. Ngi kat tɨga tat wan apma nyaangɨt Ebraham kat pɨlɨwutndi. God mɨn kat kwunatnda vak vla wan kɨpmana ngepma ngepmamba la nɨmba kat aywaa God ndi kat apma vat yigiyandɨ waa tamba Ebraham kat pɨlɨwutndi.

2 Timoti 2:25

Mbutɨma nyaangɨk kat wupmak kat kai walɨgiya nɨmba ke ndi kat njɨka waga. Ndi kat yigumba tangaka ndina maawut kwunakiyamɨn. Kupi maawut yelavɨtaa wama apma nyaangɨpmba kwutaa lɨnjangat God anagandɨ ndi kat waigaa.

2 Timoti 4:2

Wan apma nyaangɨt nat nɨmba kat ambup mɨla. Nat nɨmba wan nyaangɨk wupmak kat kai waa lɨnjeyan wan kwutaa lɨma nyaangɨt ndi kat ambup mɨla. Nat nɨmba wan nyaangɨt wupmak walɨnjeyan ndi kat ambup mɨla. Mɨn ndi kat ambup mɨla mandɨt maawut klambandi. Kavle vapmba yetɨnjeyan wan vak kwagala ngwula waa ndi kat awa. Ngwuk apma vapmba yetɨ njwula waa awa. Ndi kat asɨk gleimba wana kavle maawut yelavɨtaa njɨka walɨmeya ndi kat. Ndi kat vɨsɨmogwimeya apma vat ke kwagalaga wan vat.

Hibru 11:1

God waa nyaangɨt maawupmba yelavɨka kwutaa lɨna vat kɨngiyan. God nɨn kat ngɨni kwindeya nda kwigiyandɨ waa maawupmba yelavɨka kwutaa lɨganɨn. Mɨni vɨlapman yineya nda ngɨni vɨgiyanɨn waa nɨna maawupmba yelavɨka kwutaa lɨganɨn.

Hibru 3:7

Godna waagan tamba la nyan kat mbutndɨ maa pɨlɨwutnda nyaangɨt kapma nyaangɨt ana ndɨ. Kɨta nyaangɨtna. Awuk. God waa nyaangɨt kupma pɨlɨwutndi.

Hibru 4:12

Godna nyaangɨt nɨma nyaangɨtna. Avo lɨga nyaangɨtna. Ndɨna ava way vɨlɨlɨk ta bainatna way lɨga vla tɨgandɨ. Nɨna maawupmba lɨga vat sɨga nagulɨgandɨ. Yiga yetɨlɨneya vak kat vɨga lɨgandɨ.