2 Timoti 2:8 - Iatmul: God Waa Nyaangɨt

⁸ Jisas Kraist kat ndɨno ndɨ kat nɨma sakwat kavle vak yalɨndɨ. Wan vak kat mɨna maawut ke tɨvɨga. Jisas ndɨ Devitna mbaapmamba la nɨmbana mbaapmamba yalaa tɨndɨ. Ndɨ kat sɨndi, Wundumbu yilaa lɨga laatndɨ. Njɨmbla njɨmbla wan nyaangɨt mbutɨgowun.

2 Timoti 2:8 ပူးပေါင်းရင်းမြစ်များ

Matyu 1:1

Jisas Kraistna yelangɨmba la nɨmba kɨndɨ kiyandi. Jisasna yelangɨna njambwi nyan Devit. Devitna ngwak tamba la nyan Ebraham.

Luk pɨlɨwutna 24:46

Kraist kiyalaa nandinya kuvut tɨga laakiyandɨ waa tamba pɨlɨwutndi. Pɨlɨwutnja vla yiwun.

Aposel 13:23

Tamba God wandɨ. Isrel walɨnja nɨmba kat ngɨni kwunakiya nyan kwigiyowun ngwuk kat waa wandɨ God. Wanda vapmba God Jisas Devitna yelangɨ nyan kwindɨ.

Aposel 2:30

Devit yaiga nat nyan kat pɨlɨwutndɨ. Tamba God Devit kat wandɨ. Mɨna yelangɨ nyan tɨma tɨkɨpmba ndaa mɨna njɨvwa kwupma njɨvwa kwukiyandɨ. Ana woseka wowun maa God wandɨ Devit kat. Devit wuka vɨndɨ.

Pol pɨlɨwutna pas 16:25

Jisas Kraist kat mbukwa apma nyaangɨt wukngwuk maa God ngwuk kat kwondu kwigiyandɨ. Wan apma nyaangɨt tamba la nɨmba pagwuga pɨlɨwutndi. Nɨma sakwatnaambi wan nyaangɨt pagwula lɨndɨ. Mbambala wan nyaangɨt kapmba lɨgandɨ. Wan nyaangɨt wuka yetɨgiyandi. God kapma lɨgandɨ. God apma maawut sɨka lɨgandɨ. Ndɨ kat waigowun. Njɨmbla njɨmbla apma vat tɨɨlgiyamɨn waa waigowun. Jisas Kraistna sɨmba waigowun. Ngiyambak. kavle vat yelavɨtɨgandi.

Pol pɨlɨwutna pas 2:16

God wandɨ maa Jisas Kraist ndinyanguna maawupmba lɨga vak vɨlaa ndi kat kɨta kɨta apma vat yigiyandi? E? Kavle vat yigiyandi? Waa yelavɨkiyandɨ. Wungi vak tamba wowun ngwuk kat. Njɨmbla njɨmbla ngwuk kat wan nyaangɨt walɨgowun.

1 Korin 15:1

Wuna mbaapmamba lɨga nɨmba ngwuk kat tak mbukwa apma nyaangɨt nat njambɨ ak ngwuk kat mbupmat yigowun. Tak wutaa ngwutna maawupmba yelavɨka kwutaa lɨngwuk.

1 Korin 15:4

Ndɨ kat sɨndi, kiyandɨ maa waangumba taagani tɨga nandinya kuvut tɨga God wandɨ maa laatndɨ. Wan nyaangɨt nɨmbun tamba God waa nyaangɨt pɨlɨwuta nɨmba pɨlɨwutndi.

2 Tesalonaika 2:14

God wandɨ, ngwuk kat wan apma nyaangɨt mbutɨnɨn. nɨna njambwi nyan Jisas Kraist apma vak tɨnda vla tɨngwangat God nɨn kat ambuk, waa wandɨ maa ngwuk kat mbutɨganɨn.

1 Timoti 1:11

Wan apma nyaangɨt wuna nyaangɨt ana ndɨ. Apma nyan God wun kat wan apma nyaangɨt yiga ambuk wandɨ mala mbutɨgowun ngwuk kat.

1 Timoti 2:7

Tɨga lɨga wan nyaangɨt yiga ambuk nat nɨmba kat waa God wun kat wandɨ. Juda ana ndi nat nɨmbak wan apma nyaangɨt sɨmogwi lɨga nyan wun. Ndi kat sɨmogwiwun maa wan apma nyaangɨk kat ndina maawupmba yelavɨka kwuta lɨmbandi walaa mbukwun.

2 Timoti 1:8

Nɨna njambwi nyan waa nyaangɨk kat mɨna mbangɨ wup ke yindeya. Wun Godna njɨvwa kwutɨwangat tɨga kalabusmba lɨgowun. Tɨwa vak kat mbupmak kat mɨn mɨna mbangɨ wup ke yindeya. Wan apma nyaangɨt mbupmɨn mala nat nɨmba mɨno mɨn kat kavle vat yinjeya vak kat mɨn ke vaka nɨma vat yelavɨka. God mɨn kat ava kwilɨgandɨ.

2 Timoti 2:7

Mɨn kat mbutɨwa nyaangɨt yelavɨp mɨla. Njambwi nyan mɨn kat apma maawut wawa vak kat yelavɨka yetɨmeya maawut kwigiyandɨ.

Revelesen 5:5

Ngla lɨwun maa kɨta ndumi kiyeli aynat ta ndi njambwi nɨmbana kɨta nyan wun kat wandɨ. Ke ngla. Avɨ mɨla. Juda walɨnja yelangɨmba la tagula nyan ngilɨga. Ndɨ kwapɨmba yetɨlɨga “laion” vla lɨgandɨ. Ndɨ Devitna ngwatna. Kwonduo lɨndangat nɨma sakwat nɨmba kat kwulatndɨ. Sɨla vɨli njaambiya lɨginja buk wan njaambiya lɨginja buk wan njaambiya kla yagilaa ndɨ alɨpsɨga lavwigiyandɨ waa wun kat wandɨ.