2 Korin 7:13 - Iatmul: God Waa Nyaangɨt

¹³ Ngwuk kat kai wawa nyaangɨt wukngwa vat wutaa solat sɨlɨnɨn. Taitas ngwutnai lɨga kavat yindɨ maa ndɨna maawuk kat kwunakngwuk. Nɨn kat yalaa solat sɨlɨnda vak vɨlaa nɨn nɨmamba ngwuk kat solat sɨlɨnɨn.

2 Korin 7:13 ပူးပေါင်းရင်းမြစ်များ

Pol pɨlɨwutna pas 12:15

Kɨta nyan ndɨ kat apma vat yandeyan ndɨ kat solat asɨ. Kɨta nyan ndɨ kat kavle vat yandeyan ndɨ kat miwa ay.

Pol pɨlɨwutna pas 15:32

Kwiweya nda klanjeyan nolin ngwandɨga ngwutna ngepma yaigowun. God wandɨ, yaigowun. Yawun maa awat sowat maawut kwunkiyanɨn.

1 Korin 12:26

Nɨna mbangɨ kɨta nda kangɨt yindeyan mbangɨ aywaa kangɨt yigiyandɨ. Mbangɨna kɨta nda apma vat tɨndɨ vɨneya mbangɨ aywaa wiyo waavi taagagiyandɨ.

1 Korin 16:13

Ngwuk yigumba vɨgiyangwuk kavle vak kat. God waa nyaangɨt maawupmba yelavɨka kwutaa lɨngwa vak ke kwagalaga. Nat nɨmba kat ke vaaka. Tagula maawut yelavɨka alɨ ngwula.

1 Korin 16:18

Wuna maawut kwunatɨgandi. Tak ngwutna maawut kwunatɨndi. Ngi kat tɨga ndina sɨ kwusogiyangwuk wundɨgi nɨmba kat.

2 Korin 2:13

Wan ngepma wuleilaa nɨna kɨta mbaapma nyan Taitas kat kwaka vɨlevilaa lɨwun. Ngi kat tɨga nɨma vak yelavɨka lɨwun. Wan ngepma nɨmba kat alɨ ngwula waa kwagalalaa Masedonia walɨnja nɨma kɨpmat yiwun.

2 Korin 7:14

Tak Taitas kat wowun. Korinmba lɨga nɨmba ndi apma vat yetɨlɨgandi waa wowun. Ngwuk kat vɨlaa wawa vat vɨndɨ. Ngi kat tɨga wawa vak wuna mbangɨ ana wup yindɨ. Ndɨ kat ana woseka wowun. Ngwutnagwi ngwuk kat ana woseka walɨgowun.

2 Korin 7:15

Taitas ngwuk kat yilaa kavle vak kat kai wangwa vak kat vɨga ndɨ kat vaaka lɨga yagwa wangwa vak kat wutaa ngwuk kat ndɨna maawut woviyaguga lɨgandɨ. Wunai waa nyaangɨt wutaa yetɨngwa vak kat vɨlaa woviyaguga lɨgandɨ ngwuk kat.

2 Korin 7:6

Wan njɨmbla God nɨna maawut kwunaka kwondu kwilɨndɨ. Kan Godna vatna. Taitas kat God wandɨ maa nɨnai la kava yandɨ. Yalaa nɨna maawut kwunatndɨ.

Filipai 2:28

Ndɨ laatndɨ mala kwonduo wogwuga tɨgowun ngwula lak kwivat. Ndɨ kat vɨlaa solat sɨgiyangwuk. Solat sɨngweya vak wutaa wuno solat sɨvat tɨgowun.

Filimon 1:20

Mɨn njambwi nyana kɨta mbaapma nyanmɨn. Awat wun kat apma vat yigiyamɨn. Apma vat yimɨn maa wuna maawut apma vat tɨgiyandɨ.

Filimon 1:7

Godna mbaapmamba lɨga nɨmba kat woviyaguga lɨga ndi kat kwunatɨgamɨn. Wutwun. Wutaa mɨn kat solat sɨga yelavɨka lɨwun.

1 Pita 3:8

Ngɨni ngwuk kat pɨlɨwututuwa nyaangɨt kɨngiyan ndɨ. Kɨta maawupmba yelavɨka yetɨ ngwula. Ngwuk kɨta mbaapma nɨmba ngwuk. Ngi kat tɨga awat sowat nɨma maawupmba yelavɨka alɨ ngwula. Awat sowat apma vat ay ngwula. Nat nyana sɨ viyesandaalaa avla ngwutna sɨ ke katsoga ngambungwa.