2 Korin 11:31 - Iatmul: God Waa Nyaangɨt

³¹ God nɨna njambwi nyan Jisas Kraistna nyaek woseka walapman tɨwa vak vɨga lɨgandɨ. Ndɨna sɨ njɨmbla njɨmbla kwusogiyowun.

2 Korin 11:31 ပူးပေါင်းရင်းမြစ်များ

Jon pɨlɨwutna 10:30

Wuna nyaeknonala an kɨta lulu tɨgali. An kɨta vat tɨgali waa wandɨ Jisas.

Jon pɨlɨwutna 20:17

Walɨ maa Jisas lɨ kat wandɨ. Wun kat ke kwuka. Wuna nyaek kat vɨvak wata ana wokewun. Wuna mbaapmamba lɨga nɨmba kat yiga ambuk. Wun nyaek vɨvak wokevat tɨgowun. Ndɨ ngwutna nyaek nɨmbun. Wuna njambwi nyan kat vɨvak wokevat tɨgowun. Ndɨ ngwutna njambwi nyan nɨmbun waa ndi kat abuk nyɨla waa wandɨ Jisas.

Pol pɨlɨwutna pas 1:25

God waa nyaangɨik kat kai walaa woseka wanja nyaangɨt wupmak kat walɨndi. God kat kwagalalaa God kwutna nda kat mɨna kwunatndi. God wan nda aywaa kwutndangat ndɨ nɨma nyana waa walɨngaɨn. Apma vatna.

Pol pɨlɨwutna pas 1:9

Ngwuk kat tɨga nandinya nandinya ngan ngan God kat ngambulɨgowun. Ngambulɨwa vat God vɨga lɨgandɨ. Godna njɨvwa nɨmamba kwutɨgowun. Godna nyan njɨvwa kwutnda vat yiga mbutɨgowun.

Pol pɨlɨwutna pas 15:6

Wan vapmba yetɨneyan kɨta nyaangɨtmba yetɨga waiganɨn. God mɨn nɨma nyan mɨn, njambwi nyan Jisas Kraist mɨn nɨma nyan mɨn kɨta nyaangɨpmba waiganɨn.

Pol pɨlɨwutna pas 9:1

Wuna yelangɨ nɨmba kat Juda walɨnja nɨmba kat yelavɨkweyan yelogwen kat tɨna maawut yelogwenga tɨvla lɨgowun. Ndi kat yelavɨka tɨvla lɨgowun. Ndi kat yelavɨka tɨwa maawut ndi kat maawut viyalɨndɨ, tɨgowun. Woseka ana wowun. Kraist vɨga lɨga woseka ana wowun. Godna waagan wuna maawupmba lɨga vɨga lɨgandɨ. Kraistna yelangɨ wuleinjangat walɨgowun. Wuna yelangɨ nɨmba Godna yelangɨ weleiga wun kat savɨlɨndi maa God wun kat sɨndeyan wovuna waigowun.

Pol pɨlɨwutna pas 9:5

Ndina ngwat ndu God waa nyaangɨt wuka lɨga nɨmba ndi. Ndina yelangɨ nayan vla tɨvat Kraist yandɨ. Kwanda kwanda nda kat aywaa Kraist vɨga lɨgandɨ. Ndɨ nɨma nyana waa walɨndɨ God. Apma vatna.

2 Korin 1:23

Nɨma sakwat kavle vat ngwulamba lɨgandɨ. Korin yivak kat kai wowun. Ngwuk kat ana woseka walɨgowun. God wuna maawut vɨga lɨgandɨ.

2 Korin 1:3

Nɨna njambwi nyan Jisas Kraistna nyaek God kat ndi kat sɨvu kɨgiyanɨn. Ndɨ nɨn kat kwo apma vat yilɨgandfɨ. Nɨn kat njɨmbla njɨmbla kwunatɨgandɨ.

2 Korin 11:11

Ngwutnamba manda kat kalvak kat kai walɨwun. Ngwuk kat kai walaa klavak kat kai walɨwun? E? Kai luwa. Ngwuk kat ana kai wowun. Nɨma maawut yelavɨka lɨwun ngwuk kat. Yelavɨka lɨwa vak God vɨga lɨgandɨ.

Galesia 1:20

Ngwuk kat pɨlɨwukwa nyaangɨt woseka ana wowun. Apma nyaangɨtna. God wun kat vɨga lɨgandɨ. Woseka ana wowun ndɨ vɨga lɨgandɨ.

Efesas 1:3

Kraistna mbaapma wuleinɨn maa God nɨn kat apma vat yindɨ. Nyinangwutna apma nda nɨn kat aywaa kwindɨ. Ngi kat tɨga nɨna njambwi nyan Jisas Kraistna nyaek God ndɨ kat nɨma sɨvu kɨga tɨgiyanɨn.

Efesas 3:14

Nɨna nyaek God wan njɨvwa wun kat kwindɨ maa kwali kwali sɨlaa ndɨ kat sɨvu lɨlɨgowun.

Kolosi 1:3

Nɨna njambwi nyan Jisas Kraistna nyaek God kat ngambuliya njɨmbla ndɨ kat walɨli. Kolosimba lɨga nɨmba kat apma vat yimɨn waa walɨli. Ndɨ kat sɨvu kɨlɨli. Kan yilɨngwa vak kat wutaa sɨvu kɨlɨli.

1 Tesalonaika 2:5

Ngwuk kat yalaa woseka waga kwusɨlɨga ana mbutɨnɨn. Ngwutna kwanda kwanda nda klavat ana woseka waa mbutɨnɨn. Vɨga lɨgangwuk. God ndɨno yilɨna vak vɨga lɨgandɨ.

1 Timoti 1:11

Wan apma nyaangɨt wuna nyaangɨt ana ndɨ. Apma nyan God wun kat wan apma nyaangɨt yiga ambuk wandɨ mala mbutɨgowun ngwuk kat.

1 Timoti 1:17

Wun Godna sɨ katsoga waigowun. God nat nyana kwupmba ana lɨgandɨ. Ndɨ njambwi nglei lɨgandɨ. njɨmbla njɨmbla apma vapmba lɨgiyandɨ. Njɨmbla njɨmbla nɨna kingat tɨgiyandɨ. Ndɨ ana wundumba yigiyandɨ. Nat nɨmba mɨnimba ndɨ kat ana vlɨlgandi. Apma vatna.

1 Timoti 6:16

Ndi wan nɨmba aywaa wundumbu yigyandi. Ndɨ God kwo lɨgiyandɨ. Ndɨ nɨma ngleimba kemba lɨga kavamba yetɨlɨgandɨ. Ndinyangu wan kava ana wuleiga ndɨ kat vɨgiyandi. Kɨta nyan God kat ana vɨlɨgandɨ. Kɨta nyan ana alɨpsɨga God kat vɨgiyandɨ ndɨna mɨnimba. Godna sɨ kwutaa kwusovak kat waiganɨn. Njɨmbla njɨmbla ndɨ vɨga lɨgiyandɨ. Apma vatna.

1 Pita 1:3

Nɨna njambwi nyan Jisas Kraistna nyaek God ndɨ kat sɨvu kɨgiyanɨn. Nɨn kat miwa yilaa wandɨ maa Jisas Kraist ngega yandɨ. Kiyalaa lɨndɨ maa God ndɨ kat wandɨ, wasagla laatndɨ. Laatnda vak vla nɨno kiyalaa ngɨni wupma laakiyanɨn waa yelavɨtɨganɨn. Apma vatna. Ngɨni laatneya apma vak kat yelavɨka apma vat yetɨgiyanɨn.