1 Timoti 3:6 - Iatmul: God Waa Nyaangɨt

⁶ Mbambala glei Jisasna yelangɨ wuleia nyan vɨga lɨgiyaa nyan ana lɨgiyanɨ. Mbambala glei wuleia nyan vɨga lɨndeyan ndɨ yelavɨkiyandɨ. Wan apma nambuo lɨga nyan wun waa yelavɨka lɨgiyandɨ. Wungi vapmba tala Seten yelavɨka la kavle vak vla yelavɨtɨgandɨ.

1 Timoti 3:6 ပူးပေါင်းရင်းမြစ်များ

Luk pɨlɨwutna 10:18

Seten kat kwulatɨngwa vat vɨga lɨgowun. Ndɨ mbambala nyinangwupmba lɨga njambwi nyan ana ndɨ. Ndɨ tamba ndaiga kavle kavamba lɨgandɨ, vɨwun.

1 Korin 3:1

Kɨta mbaapma nɨmba, ngwutnogwinala lɨwa njɨmbal Godna waagan maawupmba tɨndɨ, ta nɨmba kat kbutɨwa nyaangɨt ngwuk kat ana mbutɨwun. Tamba la maawupmba yetɨla nɨmba kaat mbutɨwa nyaangɨt ngwuk kat mbutɨwun. Ngwuk God waa nyaangɨk kat kwutambɨlaa lɨgangwuk.

1 Korin 8:1

Mbambala ngwuk kat waagan kat kwinja mbatna nyaangɨt wun kat wagalangwa nyaangɨt awat ngwuk kat mbupmat yigowun. Wan waagan kat kwinja vak kat tamba yelavɨka lɨganɨn waa wun kat pɨlɨwukngwuk. Wuno yelavɨka lɨgowun. Lamba wuka lɨganɨn waa yelavɨka yetɨneyan nat nɨmba kat kai waiganɨn. Nat nɨmba kat yelavɨka woviyaguga lɨneyan ndi kat kwunakiyanɨn. Wan apma vatna.

2 Korin 12:7

Nyinangwupmba wokelaa vɨwa vak apma vatna. Wun apma nyan wun waa waweya vak kat njambwi nyan wun kat kai wandɨ. Ngi kat tɨga wun kat yelogwen kɨta God wandɨ maa Seten wun kat kwindɨ. Wan yelogwen wun kat vɨtɨndɨ, apma nyan wun waa ana walɨgowun.

1 Timoti 3:7

Kwo lɨga nɨmba vɨga lɨgiyaa nyan kat waigandi. Ndɨ kan nyan apma nyana waa waigandi. Wan nyaangɨt mbutapman yindeyan ndi Setena mbaapma nɨmba ndɨ kat kavle vat njɨka waigandi. Wungi vapmba Seten ndɨ kat kavle yigiyandɨ.

1 Timoti 6:4

Ndi wundi nɨmba yelavɨtɨgandi. Wun apma vat mɨna yetɨlɨgowun waa yelavɨtɨgandi. Wupma waa nɨmba ndina maawut apma vat yelavɨtɨgandi. Ndi ngambulɨnjeyan nɨma sakwat kavle vat mɨna lɨgiyandɨ. Tɨpmigwula yiga yetɨlɨnja vat tɨgiyandɨ. Wan waleavat yetɨlɨnja vatno ngilɨga. Nat nɨmbana sɨ viyesanda walɨnja vatno ngilɨga.

2 Timoti 3:4

Ndi kwundi kamwin kwi namwiya nɨmba ndi. Nat nɨmba kat yelavɨtapman ndi ndina mbangɨ mɨna yelavɨka yetɨlɨgiyandi. Nɨn apma nɨmba nɨn waa ndi yelavɨtɨgiyandi. Ndi God kat ana yelavɨka woviyaguga lɨgiyandi. Ndi ndina mbangɨ kat mɨna yelavɨka yetɨlɨgiyandi.

1 Pita 2:2

Mat nyangu mwunya ngu kɨvak yelavɨka tɨgandi. yelavɨka tɨnja vla God waa nyaangɨt wupmat ngwutno wupma yelavɨka alɨ ngwula. Wan nyaangɨt wuka apma maawut yelavɨka apma vat tɨgiyangwuk.

1 Pita 5:5

Ngwuk kwandɨ nyangu njambwi nɨmbana nyaangɨt awuk ngwula. Ngwuk aywaa awat sowat nat nɨmbana nyaangɨt wuka ndina njɨvwa akwuk ngwula. Tamba la nyan lavu nyingamba Godna nyaangɨt kapma pɨlɨwutndɨ. Nɨn apma nɨmba nɨn waa kwundimba kwo walɨga nɨmba kat God ndi kat kaiwalɨgandɨ. Nat nɨmbana nyaangɨt wutɨga nɨmba kat God ndi kat awagapma apma vat kwilɨgandɨ. waa tamba pɨlɨwutndɨ. lavu nyingamba.

2 Pita 2:4

Tamba la ensel kavle vat yindi maa God ndi kat sɨga viyandɨ. Ndi kat kwutaa ya vɨtɨga kavamba sandandɨ. Mbambala ndi kat man taamba sangindi, kulun wala lɨga kavamba tɨgandi. Ngɨni yaiga nandinya kat God ndi kat sɨga nagundeya nandinya kat kawiga lɨgandi.

Jut pɨlɨwuta pas 1:6

Tamba lan ensel God kat wandi. Mɨna nyaangɨt ngɨni ana wuka lɨgiyanɨn. Nɨna maawupmba lɨga vapmba yelavɨka yetɨgiyanɨn waa wandi maa God ndi kat kwutaa man taamba sangilaa kulun wala lɨga kavamba yiga taagandɨ ndi kat. Ngɨni yaiga nandinya kat God ndi kat sɨgiyaa nandinya kat yelavka tɨgandi. Njsmbla njɨmbla kavle vat tɨgaiyandi. Kan ensel ya vak kat ngwula maawut ke sɨlɨwoka tɨngwa.