1 Timoti 3:11 - Iatmul: God Waa Nyaangɨt

¹¹ Wundi nɨmbana taagwa ndinagwi apma maawut sɨka yelavɨka lɨgiyandi. Ndi ke yi yaga kavle nyaangɨt ngambuga sɨmblan yetɨlɨnjeya. Ndi nɨmamba nɨma ngu ke kɨga. Ndi mandɨp mandɨp ke yiga yetɨnjeya.

1 Timoti 3:11 ပူးပေါင်းရင်းမြစ်များ

Matyu 4:1

Godna waagan wandɨ maa Jisas ndinyangu lapman kavat yindɨ. Seten ndɨ kat kavle vat ay mɨla wavat yindɨ.

Jon pɨlɨwutna 6:70

Wandɨ maa Jisas ndi kat wandɨ. Ngwuk tamba vɨli kiyeli vɨlɨlk palɨ ngwuk kat wowun maa wuna kwupmba yangwuk. Ngwut aywaa apma maawut tɨga nɨmba mɨna ana lɨgangwuk. Ngwutna kɨta nyan Seten kwiya maawupmba yelavɨka lɨga nyana waa wandɨ Jisas.

1 Timoti 1:12

Nɨna njambwi nyan Kraist Jisas wan apma nyaangɨt mbukwangat wun kat kwondu kwindɨ. Jisasna mbangɨ ana vali yindɨ wan njɨvwa wun kat kwivat tɨndangat. Wuna njɨvwa kwutɨga nyanat tɨgiyamɨn waa wun kat wandɨ. Ngi kat tɨga ndɨ kat sɨvu kɨlɨgowun.

1 Timoti 3:2

Nat nɨmba kat vɨga lɨgiyaa nyan kat ndɨ kavle nyana waa wanjeyan ndɨ njambwi nyan ana lɨgiyandɨ. Taagwa kɨta klalɨgiya nyan mɨna wan njɨvwa kwukiyandɨ. Njɨmbla njɨmbla nɨma ngu kɨga tungwengwan yiga yetɨligiyaa nɨmba kan njɨvwamba ana lɨgiyandi. Apma maawutno lɨga nyan mɨna kɨngi njɨvwamba lɨgiyandɨ. Nat nɨmba kat yagwa walaa kwunaka kɨgɨnda kwilɨga nyan mɨna kɨngi njɨvwamba lɨgiyandɨ. Nat nɨmba kat alɨpsɨga nyaangɨt vɨsɨmogwilɨga nyan mɨna kɨngi njɨvwamba lɨgiyandɨ. Nyingi lapman maawutno lɨga apma nyan kɨngi njɨvwamba lɨgiyandɨ. Sanyo klavat woviyaguga lɨga nyan kɨngi njɨvwamba ana lɨgiyandɨ.

1 Timoti 6:2

Sanya klalapman njɨvwa kwutɨga Jisasna mbaapmamba lɨga nɨmba ndina njambwi nyan Jisasna mbaapmamba lɨga nɨmba ndina njambwi nyan Jisasna mbaapmamba kɨta vat tɨndeyan nca kat wupma ana yelavɨkiyandi. Ndɨ nɨna kɨta mbaapma nyan. Ndɨnai waigaa nyaangɨt ana wukiyanɨn waa ana yelavɨkiyandi. Kapma vak yelavɨk ngwula. Ndina njambwi nyan Jisasna mbaapmamba kɨta vat tɨndeyan ndɨnai waigaa njɨvwa apma vat kwukiyandi. Ndɨ nɨna kɨta mbaapma nyana. Ngi kat tɨga ndɨ kat kwunaka woviyaguga lɨganɨn waa yelavɨtaa ndɨna njɨvwa apma vat kwukiyandi. Mɨn ndi kat ambup mɨla wan vak.

2 Timoti 3:3

Nɨn mbak waala kat yilɨna kavle vak vla ndi nat nɨmba kat wupma yigiyandi. Nat nyan ndina kavle maawut kwunapmat wandeyan ndi kai waigandi. Ndi nat nɨmba kat watsoga waigandi. Ndi namwiya nɨmba ndi. Apma vak yetɨvak kat ndi kai waigandi.

2 Timoti 4:5

Mɨn wan apma nyaangɨt mɨcn kwutaa yetɨ mɨla. Nat nɨmba mɨn kat nɨma vat yivat tɨnjeyan ke nɨmamba yelavɨka. Wan apma nyaangɨt nat nɨmba kat yiga ambup mɨla. God mɨn kat kwiya njɨvwa mɨn nɨmamba kwuka yetɨ mɨla.

Taitas 2:3

Avɨt taagwa kat ndino ndi kat wupma ambup mɨla. God kat yelavɨka waga ambut ndi kat. Nɨma ngu nɨmamba ke kɨga waga awa ndi kat. Nat nɨmba kat wan apma vat ndi kat yiga ɨsɨmogwi ngwula waga awa ndi kat.

Taitas 3:2

Nat nɨmba kat ndi kat kavle nyaangɨt ke ngambungweya waga ndi kat awamba mɨn. Kwundimba ke nɨmamba walea kwundimba walinja waga awamba mɨn ndi kat. Apma maawut sɨka nat nɨmba kat aywaa kwunapmba ngwuk waga ndi kat awamba.

1 Pita 5:8

Ngwuk yigumba vɨga yetɨ ngwula. Ngwuk kat kao yilɨga maama nyan Seten ngwuk kat kao yivat yiya lɨgandɨ. Ndɨ kwapɨmba yetɨga “laion” vla tɨgandɨ. Yi yaga nɨma kwundi waga kɨta nyan kat valɨlaa kɨvat yi ya lɨgandɨ.