1 Tesalonaika 4:9 - Iatmul: God Waa Nyaangɨt

⁹ Ngwulagwi kɨta mbaapma nɨmba kat woviyaguga alɨ waa ana ngwuk kat pɨlɨwukiyanɨn. Wan vak tamba God ngwuk kat sɨmogwindɨ. Awat sowat woviyaguga alɨ ngwula waa God ngwuk kat sɨmogwindɨ.

1 Tesalonaika 4:9 ပူးပေါင်းရင်းမြစ်များ

Matyu 22:39

Ndɨna kwupmba lɨga nyaangɨtno kɨta vatna. Kwupmba lɨga nyaangɨt kɨngiyan. Mɨna mbangɨ kat kwunapmak vla nat nyana mbangɨ kat vɨlaa wupma kwunak waa wandɨ Moses.

Jon pɨlɨwutna 14:26

Ngɨni wuna nyaek ndɨna waagan ndi kat ay waigandɨ. Wuna wugɨn tɨvak yaigandɨ. Ngwula lak kwaigandɨ. Ngwuk kat apma vak aywaa vɨsɨmogwi kiyandɨ. Ngwutna maawut kwunatndɨ maa ngwuk kat wawa nyaangɨt kat ngwutna maawut ana tɨvɨgiyandɨ.

Aposel 4:32

Wan apma nyaangɨt wutaa kwutaa la nɨmba kɨta maawupmba yelavɨka yetɨndi. Ndina nɨmba nat nɨmba wan nda wuna nda ke kwuka waa ana walɨndi. Ndina kwanda kwanda kɨtamba aywaa kwutaa lɨndi.

Pol pɨlɨwutna pas 12:10

Nat nyan kat ngwutna yakwa nyan vla lɨndangat ndɨ kat woviyaguga alɨ. Ndɨna sɨ kwuselakiyangwuk.

2 Korin 9:1

Godna mbaapma nɨmba kat kwunatɨnja vak ngwuk kat nɨma sakwat nyaangɨt ana pɨlɨwukiyowun.

Filipai 3:15

God tɨga maawupmba tɨga nɨmba wunai kwuka njɨvwa vla yelavɨka kwutɨgandi. Ngwula kɨta nyan kwutuwa njivwa kat kai wandeyan God ndɨ kat mandɨp maawut kwindɨ, yelavɨkiyandɨ yigumba.

1 Tesalonaika 5:1

Kɨta mbaapma nɨmba, manda kat njambwi nyan yaiga njɨmbla kat ngwuk kat pɨlɨwukiyanɨn.

Hibru 10:16

Wan ngɨni yaiga njɨmbla yandɨ maa nat mandɨt kupi nyaangɨt ndi kat mbukiyowun. wunai yila vak kat ndia maawupmba yelavɨka yetɨgiyandi. Ana kwagalagiyandi. Ndinai yelavɨkiya vak wuna yelavɨk vapmba yetigiyandi.

Hibru 13:1

Awat sowat maawut yelavɨka kwunatɨngwa vak ke kwagalaga.

1 Pita 3:8

Ngɨni ngwuk kat pɨlɨwututuwa nyaangɨt kɨngiyan ndɨ. Kɨta maawupmba yelavɨka yetɨ ngwula. Ngwuk kɨta mbaapma nɨmba ngwuk. Ngi kat tɨga awat sowat nɨma maawupmba yelavɨka alɨ ngwula. Awat sowat apma vat ay ngwula. Nat nyana sɨ viyesandaalaa avla ngwutna sɨ ke katsoga ngambungwa.

1 Pita 4:8

Yiga yetɨngweya kɨta vat nɨma vatna. Kan vat kɨngwiyan. Nat nɨmba kat nɨma maawupmba yelavɨka yetɨ ngwula. Ndi kat nɨma maawupmba yelavɨka yetɨngweyan kavle vat yiga yetɨnjeya vak kat ana yelavɨkiyangwuk.

2 Pita 1:7

Yetɨga lɨga ngwula mbaapma nɨmba kat nɨma maawut yelavɨka alɨ ngwula. Nat nɨmba ndino ndi kat nɨma maawut yelavɨka alɨ ngwula.

1 Jon 2:10

Kɨta nyan ndɨna kɨta mbaapma nyan kat kwunaka woviyaguga lɨndeyan ndɨ wan nyan kemba lɨga kavamba yetɨlɨga nyan vla lɨgandɨ. Ndɨ kavle vak ana yetɨlɨga nyana. Ndɨnai yetɨlɨga vak wan nat nɨmbana maawut ana kavle yigiyandɨ.

1 Jon 3:11

Awat sowat kwunaka woviyaguga lɨneyan apma vala. Wan nyaangɨt tak wutɨngwa nyaangɨtna.

1 Jon 3:23

Ndɨnai waa nyaangɨt kɨngiyan. Godna nyan Jisas Kraist kat gwutna mbangɨ wiyo waavi taakandeyan wovuna. Awat sowat kwunaka woviyaguga alɨ ngwula waa wandɨ God.

1 Jon 4:21

Wawa nyaangɨt kwo ana walɨgowun. God wandɨ, walɨgowun. God wandɨ. Kɨta nyan wun kat mɨna ana woviyaguga lɨgiyandɨ. Ndɨ ndɨna wakwa nɨmba kat ndino aywaa woviyaguga lɨgandɨ. waa wandɨ God.