1 Tesalonaika 4:6 - Iatmul: God Waa Nyaangɨt

⁶ Wan kavle vapmba yiga yetɨlɨgweyan njwula mbaapma nɨmba kat kavle vat yigiyangwuk. Wan kavle vak kat yiga yetɨlɨngweyan njambwi nyan ngwuk kat wan nɨma vapmba yigiyandɨ. Wan vak ngwuk kat tamba nɨmamba wowun.

1 Tesalonaika 4:6 ပူးပေါင်းရင်းမြစ်များ

Mak pɨlɨwutna 10:19

God tamba waa nyaangɨt tamba wupmɨn waa wandɨ Jisas. Ndinyangu kat ke vatnyaga, nat nyana taagwa kat ke wangɨlɨga, ke sɨkwuka, woseka ke waga, woseka waga ke klaga, nyaek nyɨme kat yigumba kwunaka yetɨ. Aywaa wupmɨn waa wandɨ Jisas.

Luk pɨlɨwutna 12:5

Vakngweya nyan waigowun. Ndu nyan kat vatnyalaa ya vɨtɨga kavamba taagalɨga nyan kat vaaka alɨ ngwula.

Luk pɨlɨwutna 16:28

Kan ngaymba wuna yakwa ndu tambanat tɨgandi. Ndi kat mbutndɨ maa wutaa tuwa kavle kava ana yaigandi waa wandɨ maa Ebraham ndɨ kat wandɨ.

Pol pɨlɨwutna pas 1:18

God kat kai walɨga nɨmba, kavle vat yetɨlɨga nɨmba, God waa nyaangɨt kat kai walɨga nɨmba, ndi kat Godna maawut kimbut yilɨngandɨ. God nyɨnangwupmba lɨga wupmak kat kai wanjangat sɨlɨgandɨ. Vɨlɨganɨn. Tamba la nɨmba aywaa God waa nyaangɨt wuka lɨndi. Wan nyaangɨt God ndina maawupmba taagandɨ.

Pol pɨlɨwutna pas 12:19

Wuna ava nɨmba, ngwuk kat yinjeya vat ndi kat ke yiga. Ngwutna kimbuk maawut kwagalalaa lɨgiyangwuk. God ndi kat awat yigiyandɨ.

Pol pɨlɨwutna pas 13:4

Vɨga la nɨmba Godna njɨvwa kwutɨgandi. Apma vapmba yetɨngweyan ngwula mbangɨ ndɨ kat wɨngweyan vak vak yigiyandɨ. Kavle vapmba yetɨngweyan nɨn kat ana nɨma yigandɨ waa wata yetɨlɨngweya. Nɨma vak ngwuk kat yigiyandɨ. Kavle vat yiga yetɨlɨga nɨmba kat Godna kimbut maawutmba nɨma vat yigiyandɨ.

2 Korin 7:11

Ngwutno wungivat. God ngwuk kat nɨma vak kwindɨ maa ngwuk nɨma maawut yelavɨka lɨga kavle vak kwagalalaa apma vat yetɨngwuk. Wan kavle vat kwiyatapman kwagalangwuk. Nɨn kavle vat yilɨnɨn waa walɨngwuk. Wan kavle vak kat kai wangwuk. God kavle vak yilɨna vak kat sɨlandɨ waa vaka lɨngwuk. Nɨma njɨvwa kwuka wan vak yaagingwuk. Kavle vat yila nɨmba ndi kat kai wangwuk. Wan kavle vat yingwa vat aywaa kwunakngwuk, ngɨlɨndɨ.

Galesia 5:21

Nat nɨmbana nda klavat walɨnja vat. Nat nɨmba kat vatnyalɨnja vat. Nɨma sakwat nɨma ngu kɨlaa tungwengwan yiga kavle vat yilɨnja vat. Ngi vat vapmba tamba maawutmba yetɨlɨga nɨmba yetɨlɨgandi. Tak ngwuk kat wan vak wana yiga yetɨlɨngweya wowun ngwukkat. mbambala nat njamba waigowun. Ngwuk kat. Wan vak ke yiga. Ngi vat kavle vapmba yetɨlɨga nɨmba God vɨga lɨga kavat ana wuleigiyandi.

Efesas 4:17

Njambwi nyan waa vak ngwuk kat wowun. Awuk ngwula. Godna nyaangɨt wutapman nɨmba yetɨnja vla ke yetɨngwa. Ndi kavle savle maawut yelavɨka yetɨgandi.

Efesas 4:28

Tamba lamba nat nɨmbana nda sɨkwutɨga nɨmba wan vak kwagala ngwula. Wan vak kwagalalaa njɨvwa kwutaa wenga klalaa sanya lapman nɨmba kat agwi ngwula.

Efesas 5:6

Wan kavle vat yingweyan God ngwuk kat ana sɨgiyandɨ waa walɨga nɨmbana nyaangɨt ke wukngwa. Ngwuk kat woseka walɨgandi. Ndɨna nyaangɨt wupmak kat kai walɨga nɨmba ndɨna nyingi maawupmba tɨga ndi kat sɨgiyandɨ.

1 Tesalonaika 2:11

Kɨta nyan ndɨna nyan kat kwunatɨnda vak vla ngwuk kat kwunatɨnɨn. Ngwuk kat kɨta kɨta apma nyaangɨt mbutɨnɨn. Ngwutna maawut kwunatɨnɨn. Wan vapmba yetɨ ngwula waa ngwuk kat mbutɨnɨn.

Hibru 13:4

Taagwa klalɨngwa vat apma vatna. Wan taagwa klalɨngwa vat apma vatna. Wan taagwa klalɨngwa vat sɨmblan ke yiga. Yambɨsɨk yiga yetɨlɨga nɨmba God ndi kat sɨgiyandɨ.

Hibru 2:6

Tamba la nyan God waa nyaangɨt pɨlɨwutndɨ. Nɨn ndinyangu nɨma nɨmba ana nɨn. God nɨn manda kat nɨn kat yelavɨka lɨmɨn. Manda kat nɨn kat kwunatɨgamɨn. Enselna kwupmba nɨn kat taagamɨn, tɨganɨn. Nɨna sɨ kwutaa katsomɨn. Kan kɨpmamba kwupma kwanda kwanda nda kat vɨga lɨnangat kwupmɨn. Wan kwanda kwanda nda aywaa nɨna kwupmba taagamɨn, tɨgandɨ waa tamba la nyan pɨlɨwutndɨ. Kwanda kwanda ndana njambwi nɨmba tɨnangat God nɨn kat wutndɨ. Tamba la nyan pɨlɨwukna nyaangɨt wata ana kak kiyalɨgandɨ. Mbambala ndinyangukwanda kwanda nda kat ana aywaa vɨga lɨgandi.

Jems 2:6

God ndina sɨ kwutaa katsondɨ. Ngwuk ndina sɨ kwutaa manda kat viyesandangwuk. Sanya lɨga nɨmba ndina sɨ kwutaa manda kat katso lɨgangwuk. Ndi ngwuk kat apma vak ana yilɨgandi. Ngwuk kat kotmak kali lɨgandi.

Jems 5:4

Tak ngwula ambukat kwuta nɨmba kat nat sanya mɨna kwingwuk. Ndina nat sanya ana kwingwuk. Sɨkwutaa kwutaa lɨngwa vak God vɨga lɨgandɨ. Ngwutna njɨvwa kwuta nɨmba nɨn kat aywaa ana kwingwuk waa walɨnja kwundi God wuka lɨgandɨ. God ndɨ kwondu mbundɨ lɨga nyana. Ngwuk ana vaaka lɨgangwuk?