1 Tesalonaika 4:16 - Iatmul: God Waa Nyaangɨt

¹⁶ Njambwi nyan nyɨnangwutmba lɨga ngaga yaigandɨ. Ngaga yaga nɨma kwundimba wandɨ, ndɨna njambwi ensel nɨma kwundimba waigandɨ. Godna kwuk klalaa vɨlɨtnja vak kwukiyandi. Wan kak wutaa Kraistna yelangɨmba lɨga kiya nɨmba tata laataa wokegiyandi.

1 Tesalonaika 4:16 ပူးပေါင်းရင်းမြစ်များ

Matyu 16:27

Wun Godna vak sɨmogwi lɨga nyan samat tɨga enselonala yaigowun. Wuna nyaek wun kat ndɨna kwondu kwindɨ maa yaigowun. Yalaa ndinyangu aywaa kwutɨnja njɨvwa kat wenga kwigiyowun.

Matyu 16:28

Ngwuk wutaa yelavɨk ngwula. Ngwutna nat nɨmba kwo lɨga njambwi nyanat tɨga yaweya vat vɨgiyangwuk. Wun Godna vak sɨmogwi lɨga nyan wun yaweya vak vɨgiyangwuk waa wandɨ Jisas.

Matyu 25:31

Jisas ndi kat wandɨ. Wun ndinyangu kat Godna nyaangɨt mbutɨganyan wun. Ngɨni njambwi kingat tɨwun, Godna ensel wuna sɨ kwutaa katsolɨndi, yaigowun. Enselonala yalaa kingna tɨgɨtmba ndaa lɨgiyowun.

Matyu 26:64

Jisas ndɨ kat wandɨ. Mɨn ngiyambak wupma wama wun kat. Wun Godna vat sɨmogwi lɨga nyan wun. Ngɨni kan kɨpmamba lɨga yiwun maa wun kat ana vɨgiyangwuk. Nyinangwut wokelaa Godna yaagindan naangɨmba ndaa lɨga njambwi nyanat tɨwun maa vɨgiyangwuk. Ngɨni nyinangwupmba lɨga ngaga yaweya vak vɨgiyangwuk waa wandɨ Jisas.

Aposel 1:11

Ndina ngwaymba lɨga ndi kat walɨmbɨt. Ngwut Galilina nɨmba ngwuk, nyɨnangwut manda kat vɨlɨgangwuk. Jisas ngwutnanala lɨga God wandɨ, nyɨnangwut wokendɨ, vɨlɨngwa vla ngɨni ngwuk kat ngaga yaigandɨ waa wambɨt.

1 Korin 15:20

Tal kwiwa nyaangɨt apma nyaangɨt ana ndɨ. Kwo nyaangɨtna. Apma nyangɨt kɨngiyan. Kraist kiyalaa laatndɨ. Kiyalaa laatnda vak vla tamba kiyaa nɨmba aywaa laapgiyandi.

1 Korin 15:23

Kraist nɨna njambwi nyana. Ndɨ tat kiyalaa laatndɨ. Nɨn ndɨna kwupmba lɨganɨn. Nɨno wupma kiyalaa laatnda vla laakiyanɨn. Ndɨnai yaiga nandinyamba nɨn ndɨna nɨmba laakiyanɨn.

1 Tesalonaika 1:10

Godna nyan nyɨnangwupmba lɨga nganga yaiga njɨmbal kat kawiga lɨngwa vak nɨn kat mbutndi. God wandɨ, ndɨna nyan kiyalaa laatndɨ. Kavle vak yetɨnja vak kat God ndinyangu kat sɨvat tɨgiyaa vak kat Jisas lamba nɨn kat tɨga sɨlɨmbwindɨ.

1 Tesalonaika 3:11

Nɨna nyaek Godnogwi nɨna njambwi nyan Jisaso mbɨk vɨlɨlɨk palɨ nɨn kat ngwulai lɨga kavat kaligiyambɨt wanɨn.

2 Tesalonaika 1:7

Njambwi nyan Jisas yaiga njɨmblamba ndɨna njambwi enselonala yaigandɨ. Ya vla vɨka yaigandɨ. God kat kai walɨga nɨmba kat yandeya njɨmbla awat ndi kat kai waga sɨgiyandɨ. Nɨna njambwi nyan Jisas kat wanja apma nyaangɨk kat kai walɨga nɨmba kat yandeya njɨmbla awat ndi kat kai waga sɨgiyandɨ. Mbambala ngwuk kat nɨma vapmba yilɨgandi. yandeya njɨmbla ngwuk kat yat njawiya ngwula waa waigandɨ. Nɨno nɨn kat wupma waigandɨ.

2 Tesalonaika 2:1

Nɨna njambwi nyan Jisas Kraist yaiga njɨmbla ngwuk kat mbupmak yiganɨn. Ndɨnai lɨga kavamba yisolaa lɨneya vak kat ngwuk kat mbupmat yiganɨn. Kɨta mbaapma nɨmba, nat nɨmba ngwuk kat mbutɨndi. Njambwi nyan yaiga njɨmbla tamba yandɨ waa mbutndi. Nat nɨmba kwo waa kwudimba mbutndi. Nat nɨmba Godna waagan wuna maawupmba ngwandɨndɨ mala mbutɨgowun waa wan nyaangɨt mbutndi. Nat nɨmba pas nɨna sɨmba waga pɨlɨwutaa wan nyaangɨt ngwuk kat kwindi. Ndinai waa nyaangɨt ke ngwut nɨmamba yelavɨka. Mandɨt maawut ke yelavɨka.

2 Pita 3:10

Ngayna nda sɨkwutɨga nyan pagwuga wuleinda vla njambwi nyan yaiga nandinya wupma pagwuga yaigandɨ. Wan nandinya nɨma kak yandɨ maa nyinangwut ngɨlɨgiyandɨ. Nyinangwupmba lɨga singwut ya vɨtndɨ, aywaa ngɨlɨgiyandi. Kɨpma, kɨpmambalɨga nda aywaa ndɨno ngɨlɨgiyandɨ.

Jut pɨlɨwuta pas 1:9

Ndɨ wuma kwusɨsɨlɨga kaselɨnja vak ana nglaatndɨ. Kavle vatna. Tamba enselna njambwi nyan Maikel Setenonana kwundimba walea lɨmbɨt. Moses kiyandɨ maa ndɨna sɨm kalivat kwundimba walea lɨmbɨt. Maikel Seten kat ana kwusɨsɨlɨga kaselɨndɨ. Njambwi nyan mɨn kat kaiwandɨ waa Seten kat wandɨ. Ndi wan nɨmba manda kat kwusɨlɨga kaselɨgandi.

Revelesen 1:10

Sande kɨta Godna waagan yaa wuna mbangɨmba tavindɨ maa wuna kwupmba lɨga kwundi yalɨndɨ, wutwun. Wan wukwa kwundi nɨma kwundia. Kwuk sɨlɨnja vak vla yalɨndɨ. Wukwun.

Revelesen 1:7

Ngwuk vɨga awuk ngwula. Ndɨ nyinangwupmba lɨga ngaga mɨna lɨgandɨ. Yandɨ maa kɨpmamba tɨga nɨmba aywaa vɨgiyandi ndɨ kat. Ndɨ kat sa nɨmbagwi ndino laataa ndɨ kat vɨgiyandi. Ngepma ngepma kava kavamba lɨga nɨmba ndɨ kat vɨlaa vaaka nglaigandi. Kan ngwuk kat wawa vat ngɨni tɨgiyandɨ luwa.

Revelesen 14:13

Nyinangwupmba lɨga nat kwundi ngaga yandɨ, wutwun. Wan kwundi wun kat wandɨ. Kupma pɨlɨwuk mɨla wandɨ. Godna mbaapmaba lɨga nɨmba kiyanjeyan apma vatna. Yiga apma vat tɨgiyandi waa pɨlɨwuk mɨla waa wun kat wandɨ. Wan kwundi wandɨ maa Godna waagan wun kat wandɨ. Ngiyambak wanda. Apma vat tɨ kiyandi. Kiyanjeya nɨjɨmba yilaa nɨma njɨvwa ana kwuk kiyandi. Yat njawiaga apma vat tɨgiyandi. Kwutɨnja apma njɨvwa wandɨ Godna waagan.

Revelesen 8:13

Nɨma ngawi nyinangwupmba wiyaka yilɨndɨ, vɨwun. Ndɨ nɨma kwundimba walɨndɨ, wutwun. Kɨpmamba lɨga nɨmba ngwuk kat nɨma vat miwa yiga lɨgowun. Nat ensel kuvuk kwuk vɨlɨtndi maa nɨma kavle vat ngwuk kat yaigandɨ waa walɨndɨ, wutwun.

Revelesen 8:2

Kɨndɨngɨn tapman tɨnja njɨmbla ngɨlɨndɨ maa Godna mɨndama sambɨmba ensel sɨla vɨli laataa lɨndi maa vɨwun. Vɨlɨtɨnja kwuk kwutaa lɨndi. Kɨta kɨta ensel kwutaa lɨndi. Laataa lɨndi maa nat ensel yalaa nɨma njambɨna mɨndama sambɨmba laataa lɨndɨ. Ndɨ golmba kwutnja aw kwutaa lɨndɨ. Wan awmba ya vɨtɨndɨ, apma njangu veilɨga yagɨmbi woke lɨndɨ. Ndɨ kat nɨma sakwat apma njangu veila mbaw kwindi maa kwutaa yamba taagandɨ. Godna apma nɨmba ndɨ kat wagalanja apma nyaangɨt wungi nɨma njambɨmba lɨga yagɨmbi vla wokendɨ, God wutndɨ.