1 Pita 4:15 - Iatmul: God Waa Nyaangɨt

¹⁵ Nat nɨmba kat sɨga viyaga, nat nɨmbana nda sikwuka, kavle vat yiga, mandɨp mandɨp kavle nyaangɨt ngambungwuk maa ngwuk kat sɨga viyanjeyan apma vat ana ndɨ. Kavle vatna yingwa.

1 Pita 4:15 ပူးပေါင်းရင်းမြစ်များ

Matyu 5:11

Jisas ndi kat nat nyaangɨt ngambundɨ. Ngambuga wandɨ. Wuna kwupmba yalɨngwa vak kat vɨlaa ngwuk kat kavle vat yiga njɨka waga woseka walɨnjeyan ngwuk nɨma vak ke yelavɨkngwa. Ngwuk apma maawuk sɨka solat sɨga yetɨ ngwula. Ngwuk kat yilɨnja kavle vak vla tamba la profet kat wupma yilɨndi.

1 Tesalonaika 4:11

Yigumba alɨngwula. Ngwutna nda mɨna vɨga alɨ ngwula. Nat nɨmbanala ke vɨga njatndangwa. Ngwutna njɨvwa mɨna yigumba kwuka alɨ ngwula. Wan nyaangɨt tat ngwuk kat mbutna nyaangɨtna.

2 Tesalonaika 3:11

Ngwutno nat nɨmba ndina njɨvwa kwagalalaa nat nɨmbana njɨvwa kat ndi njangumba wuka yiga vɨndi. Yinja vak wuka lɨnɨn.

1 Timoti 5:13

Mat nyan tolagwa njɨvwa kwutapman kwo tɨnjeyan ana nglaatndɨ. Ndi ngay ngay yilaa mandɨp mandɨp nyaangɨt ngambugiyandi. Nɨma sakwat nyaangɨt ngambugiyandi. Nat nyan tolagwa nat ndu klaigandi wowun ndi kat. Ndu klalaa nyan kwutaa nyan kat vɨga lɨgiyandi. Wupma yilɨnjeyan nat nɨmba ndi kat vɨlaa Godna mbaapmamba la nɨmba kavle vat yetɨlɨgandi waa ana ndi kat waigandi.

2 Timoti 2:9

Wuno wun kat nɨma sakwat kavle vat wun kat yalɨndɨ. Wan apma nyaangɨt mbutɨwangat wun kat kwutaa man taamba ngilaa kalabusmba taagandi. Kavle nɨmba kat nginja vak vla wun kat ngilaa kalbusmba taagandi. God waa nyaangɨt mbutɨwa nyaangɨk kat kai wandi maa ana ngɨlɨndɨ.

1 Pita 3:14

Apma vat yetɨngwuk, kɨta nyan ngwuk kat sɨga viyandeyan ke yelavɨkngwa. Apma vatna. Nat nɨmba kat ke vaaka lɨngwa. Nɨn kat sɨga viyaigandi waa ke yelavɨkngwa.

1 Pita 3:17

God nɨmba vɨlaa ngwuk kat sɨga viyanjeyan apma vatna. Kavle vat yiga yetɨngwa vak kat vɨlaa ngwuk kat sɨga viyanjeyan wan kavle vatna.