1 Korin 9:5 - Iatmul: God Waa Nyaangɨt

⁵ Wun nat aposel kwuta vapmba kwukweyan wovuna. Nat aposel, njambwi nyana yakwa nɨmba, Pita, ndi Kraistna mbaapma la taagwa klalaa wundi taagwa ndinogwinala yindi. Taagwa klalaa kalinja vapmba ana kalilɨgowun.

1 Korin 9:5 ပူးပေါင်းရင်းမြစ်များ

Matyu 13:55

Ndɨna nyaek ngay kwuta nyana. Ndɨ Mariana nyana. Jems, Josis, Saimon, Judas ndina nyamwun ndɨ.

Matyu 8:14

Jisas Pitana ngay wuleilaa ndɨna tangwana nyɨme yelogwen kat tɨlɨ, vɨndɨ. Lɨla mbangɨ kangan walɨndɨ, njambɨmba kwalɨ.

Mak pɨlɨwutna 1:30

Saimona nasakwat kangan yelogwengat njambamba kwalɨlangat ndɨ kat mbutndɨ.

Mak pɨlɨwutna 6:3

Ndɨna nyaek ngay kwuta nyana. ndɨ mariana nyana. Jems, Josis, Judas, Saimon ndina nyamwun ndɨ. Ndɨna nyange nɨnanala yetɨndi. jisas kat ndina maawupmba kavle vat yelavɨtndi.

Luk pɨlɨwutna 6:15

Nat nyan Matyu. Nat nyan Tomas. Nat nyan nat kɨta Jems. Ndɨ Alfiasna nyan. Nat nyan nat kita Saimon. Ndɨ ngepma ngepma yiga nat nɨmba nɨna kɨpma kat yalaa vɨga lɨnjangat kai waa ngambundɨ.

Luk pɨlɨwutna 8:20

Ngi kat tɨga Jisasna ngwaymba lɨga nɨmba ndɨ kat mbutndi. Mɨna nyɨmeagwi yakwa nɨmbo alagumba lɨgandi. Mɨn kat vɨvat wandi waa mbutndi.

Jon pɨlɨwutna 1:42

Ndɨ kat Jisas ta kavat kwutaa kalindɨ. Yambɨt maa Jisas Saimon kat ndɨna maawut tɨga vak vɨlaa wandɨ. Mɨn Saimon. Jon nyan mɨn. Mɨn kat mandɨt kupi sɨ waigowun. Ngɨni mɨn kat Sifas waa Pita waigandi mɨn kat. Wan sɨ angwa ngilɨga. Kambat tɨga vla lɨgamɨn.

Jon pɨlɨwutna 2:12

Tɨga lɨga Kapaneam walɨnja ngepmat ndaindɨ. Ndɨna nyime, ndɨna yakwa nɨmba, ndɨna mbaapma nɨmba, ndi aywaa ndaindi. Ndailaa wan ngepmamba samat nandinya kuvuk yetɨndi.

Aposel 1:14

Wundi nɨmba God kat kɨtamba ngambulɨndi kɨta vapmba. Nat taagwa ndinagwinala lɨndi. Jisasna nyɨme Maria ndɨna yakwa ndu wupma lɨndi wan ngaymba.

Pol pɨlɨwutna pas 16:1

Senkriamba lɨga tagwa Fibi ngwutna ngepmat yigiyalɨ. Nɨma njɨvwa lotumba kwutɨ. Lɨ kat yagwa awa. Ngwutna yakwa lagwat lɨ. Nɨma sakwat nɨmba kat kwunaka wuno wun kat yagwa awa. Ngwutna yakwa lagwat lɨ. Nɨma sakwat nɨmba kat kwunaka wuno wun kat kwunatɨgalɨ. Wungi kat tɨga lɨ kat kwunak.

1 Korin 1:12

Wupma wandi ngwuk wangwa vak. Nat nɨmba kupma walɨgandi. Nɨn polna mbaapmamba lɨganɨn waa walɨgandi. Nat Polna mbaapmamba lɨnganɨn waa walɨgandi. Nat nɨmba kupma walɨgandi. Nɨn Apolosna mbaapmamba lɨnganɨn waa walɨgandi. Nat nɨmba kupma walɨgandi. Nɨn Pitana mbaapmamba lɨganɨn waa walɨgandi. Nat nɨmba kupma walɨgandi. Nɨn Kraistna mbaapmamba lɨganɨn waa walɨgandi. Kapma kapma nyaangɨt waligandi.

1 Korin 7:15

Kɨta nyan Kraistna mbaapmamba la nyan ana ndɨ. Ndɨna taagwa Kraistna mbaapmamba la nyan nat nyan kat wun kat ke kwagalaga waa ana waigandɨ. God mbɨk kat kai wandɨ sɨva sɨva walea lɨmbangat. Apma maawutno lɨmbangat mbɨk kat wandɨ.

1 Korin 7:39

Ndu klaiga taagwa lɨla lan kat kwagalalaa ana yigiyalɨ. Kiyandɨ maa nat ndu yiga klaigalɨ. Kraisna maapmamba la nyan ana ndɨ nat nyan kat ana klaigalɨ.

1 Korin 7:7

Wunai taagwa lapman tɨga vak vla tɨngwangat ngwuk kat wowun. Nɨma sakwat nɨmba wunai lɨga vla ana lɨgandi. God ndi kat kapma kapma yetɨneya vat ndi kat kwindɨ.

1 Korin 7:8

Mbambala ndu klalapman yetɨgat taagwa kat wowun. Taagwa klalapman yetɨga ndu kat wowun. Ndu kiyandɨ kwo yetɨkat taagwa kat wowun. Yetɨwa vak vla kapma yetɨngweya vak wovuna.

Galesia 1:19

Nat nɨma sakwat aposel kat ana vɨwun. Aposel vɨlɨlɨk mbɨk kat mɨna vɨwun. Pitogwi Jems kat mɨna vɨwun. Jems Jisasna yakwa nyana.

1 Timoti 3:2

Nat nɨmba kat vɨga lɨgiyaa nyan kat ndɨ kavle nyana waa wanjeyan ndɨ njambwi nyan ana lɨgiyandɨ. Taagwa kɨta klalɨgiya nyan mɨna wan njɨvwa kwukiyandɨ. Njɨmbla njɨmbla nɨma ngu kɨga tungwengwan yiga yetɨligiyaa nɨmba kan njɨvwamba ana lɨgiyandi. Apma maawutno lɨga nyan mɨna kɨngi njɨvwamba lɨgiyandɨ. Nat nɨmba kat yagwa walaa kwunaka kɨgɨnda kwilɨga nyan mɨna kɨngi njɨvwamba lɨgiyandɨ. Nat nɨmba kat alɨpsɨga nyaangɨt vɨsɨmogwilɨga nyan mɨna kɨngi njɨvwamba lɨgiyandɨ. Nyingi lapman maawutno lɨga apma nyan kɨngi njɨvwamba lɨgiyandɨ. Sanyo klavat woviyaguga lɨga nyan kɨngi njɨvwamba ana lɨgiyandɨ.

1 Timoti 4:3

Ngwuk taagwa ke kla waa walɨgandi. Nat kɨgɨnda ke kɨngweya walɨgandi. Kɨgɨnda aywaa kɨnangat God kwutndɨ. God kat maawupmba yelavɨka God waa nyaangɨt kwutaa lɨga nɨmba God kat wagalaga sɨvu kɨlaa kɨgɨnda aywaa kɨlɨgandi.

1 Timoti 5:2

Avɨt taagwa wuna nyɨme vla lɨgandi waa yelavɨp mɨla. Mwunyawia nyangu wuna nyange vla lɨgandi waa ytelavɨp mɨla. Ndi kat kavle vak ke yelavɨka yetɨga.

Taitas 1:6

Mɨn kat waigowun angamat tɨga nyamba vɨlaa njambwi nyanat tɨndangat taagagiyamɨn. Kavle vat yiga yetɨlɨga nyan kat ke taagaga. Taagameya nyan taagwa kɨta klaa lɨgiyaa nyamba vɨlaa taagamba. Ndɨno wan nyana nyangu Jisasna mbaapmamba lɨnjeyan ndɨ kat taagagiyamɨn. Nat nɨmba ndi kat ngepmana vat kai waa kwagalalaa ndɨ sɨkwuka yambɨsɨk kwuka yetɨlɨga nyana waa wanjeyan waa nyan kat ke taagaga.

Hibru 13:4

Taagwa klalɨngwa vat apma vatna. Wan taagwa klalɨngwa vat apma vatna. Wan taagwa klalɨngwa vat sɨmblan ke yiga. Yambɨsɨk yiga yetɨlɨga nɨmba God ndi kat sɨgiyandɨ.