1 Korin 8:9 - Iatmul: God Waa Nyaangɨt

⁹ Ngwuk vɨga lɨgiyangwuk. Wan kɨgɨnda nyaangɨtno ana lɨgandɨ. Kɨmeya vak kat nat nyan vɨlaa ndɨna maawut kavle yindeya vak ana nglaatndɨ.

1 Korin 8:9 ပူးပေါင်းရင်းမြစ်များ

Matyu 18:10

Ngwuk mat nyangu kat vɨlaa ndi kwo nda ndi waa ke yelavɨkngwa. Ndi kat vɨga lɨga ensel ngilɨga. Ndina ensel nyinangwupmba lɨga wuna nyaekagwi lɨgandi.

Pol pɨlɨwutna pas 15:1

Ngwuk wimbu kɨlɨga nɨmba kɨlapman nɨmba yetɨlɨga vapmba yetɨngweyan wovuna. Ngwutna yelavɨk vapmba ke yetɨga.

1 Korin 10:24

Ngwuk ngwutna maawupmba mɨna ke yelavɨka yetɨngwa. Ngwutna maawupmba yetɨngweya vapma yetɨngweyan nat nɨmbana maawui kat mbaa kavle yilangwuk. Wan nɨmba kat apma vapmba yelavɨka yetɨ ngwula.

1 Korin 10:28

Kɨta nyan waagan kat kwilɨnja wimbu kɨgɨnda kan ngwuk kat kwiga ngwuk Kraistna nɨmba wan wɨmbu kɨndɨga kɨlɨgangwuk? Waa wandeyan ngwuk ke kɨngwa. Kɨngwuk mala ngwuk kat waigandɨ. Ngwuk kavle nɨmba ngwuk waa waigandɨ. Kavle nɨmba ngwuk waa ngwuk kat mbaa yelavɨtnadɨ wan nyan.

1 Korin 8:10

Ngwuk wan vak kavle ana ndɨ waa ngwut vɨga lɨgangwuk. Kat nɨmba wan vak kavle vatna waa yelavɨtɨga nɨmba waagan kaitna ngay wuleilaa kɨngweya vak vɨlaa yelavɨkiyandi. Ndi kavle vat yilɨgandi. Nɨno wupma anaganɨn yigiyaa waa yelavɨkiyandi.

1 Korin 8:12

Ngwuk wupma yingwan Kraist kat kavle vatna yilɨngwa. Ngwula kɨta mbaapma nɨmba kat kavle vatna yilɨngwa. Yingwuk mala ndina maawut kavle yindɨ.

1 Korin 9:22

Tamba Kraistna mbaapmamba la nɨmba, nɨma sakwat njambiya taagalɨga nɨmba, ndina ngepmana lɨwan taagalɨnja yetɨwun. Wun nɨma sakwat kapma kapma vapmba yetɨlɨga nɨmbonala yetɨlɨwun. Ndi kat kwutaa Kraistna mbaapmamba taagavat ndina kwupmba yetɨwun.

2 Korin 11:21

Tak ngwulogwinala tɨwa njɨmbla yilɨnja vak vla ana yilɨwun. yilapman yiwa vat an kavle vatna? E? Apma vatna? Angamak yelavɨtɨgangwuk. Tungwengwan yiga ndina sɨ kwutaa kwusovak wanjan wuno wupma wuna sɨ kwutaa kwusogiyowun.

2 Korin 11:29

Godna mbaapma nɨmba kat kavle vat yandɨ maa nɨmamba yelavɨka lɨwun. Godna mbaapmamba lɨga nɨmba kavle vat yivat wanjeyan ndi kat kwunapmak nɨma vat yelavɨka lɨgowun.

2 Korin 6:3

Nɨn kat yetɨlɨna vak kat vɨlaa ndi kavle nɨmba ndi waa mbaa walandi waa yelavɨtɨganɨn. Wupma wanjeyan Godna mbaapma wuleivak kat kai waigandi.

Galesia 5:13

Kɨta mbaapma nɨmba, lo ngwuk kat yɨga lɨvak kat God kai wandɨ. kwo lɨnangat wandɨ. Wupma wana yelavɨkngweya. Nɨn kwo lɨga tamba maawupmba yetɨgiyanɨn waa wana yelavɨkngweya. Mandɨp vapmba yetɨ ngwula. Nat nɨmba kat yelavɨka ndi kat kwunaka woviyaguga alɨ ngwula.

Kolosi 2:8

Kɨta nyan ngwuk kat yalaa wun apma maawutno lɨgowun waa walandɨ. Ngwuk kat woseka nyaangɨt walandɨ. Wan kavle nyaangɨt ndinyangu kat mbutseli mbutsela mbutɨnja nyaangɨtna. Wan Kɨpmana nyaangɨtna. Kraist wa nyaangɨt ana ndi. Ngwuk avɨmba ngwuk wan kavle vat yalandɨ.

1 Pita 2:16

Njaambiya ngwuk kat ana vɨga lɨgandɨ. Njambiya lapman tɨga kavle vat yiga yetɨgiyanɨn waa ke yelavɨkngwa. Nat vak wagalalaa Godna njɨvwa mɨna akwuk ngwula.

2 Pita 2:19

Ngwutna mbangɨ waiga vapmba yetɨngweya njaambiya ngwuk kat ana vɨga lɨgiyandɨ. kwo lɨgiyangwuk waa woseka walɨgandi. Ndi ana kwo lɨlɨgandi. Ndina kavle vat ndi kat vɨga lɨgandɨ. Ndinai yetɨga kavle vak kat ana alɨsɨga kwulatɨgandi. Ngi kat tɨga ndi kat vɨga tɨgandɨ.

Revelesen 2:14

Yiga yetɨngwa vak apma vak mɨna ana tɨgandɨ. Ngwutna nat vak kavle vatna. Ngwula nat nɨmba tamba yeta nyan Belam yetɨnda vla yetɨlɨgandi. Tamba Belam Isrel walɨnja nɨmba kat kavle yinjeya vak kat Belek kat sɨmogwindɨ. Kavle waagan kat kelonja kɨgɨnda Belek klalaa Isrel walɨnja nɨmba kat kwindɨ maa kɨndi. Yambɨsɨk yinjeya vak Belek ndi kat sɨmogwindɨ, dni yambɨsɨk yindi.