1 Korin 5:12 - Iatmul: God Waa Nyaangɨt

^12-13 Kraistna mbaapmamba lɨga nɨmba yetɨlɨnja vak mɨna vɨga sɨga nagugiyowun. Ndɨna mbaapmamba la nɨmba ana ndi nat nɨmba yetɨlɨnja vak vɨlaa ana sɨga nagugiyowun. Wuna njɨvwa ana ndɨ. Wan Godna njɨvwa. Ngwutno kɨta mbaapmamba yetɨga nɨmba kat vɨga sɨga ngugiyangwuk. Tamba God waa nyaangɨt kupma pɨlɨwutndi. Ngwulogwinala kɨta mbaapmamba lɨga kavle vat yiga yetɨlɨga nyan kat vɨllaa kai waa kɨkli ngwula waa tamba pɨlɨwutndi.

1 Korin 5:12 ပူးပေါင်းရင်းမြစ်များ

Mak pɨlɨwutna 4:11

Ndi kat wandɨ. God vɨga lɨga vatna aytesɨgɨt ngwuk kat tamba sɨmogwiwun waa wandɨ. Nat nɨmba kai walɨga nɨmba pagwuga la wupuseput mɨna wukiyandi waa wandɨ.

Luk pɨlɨwutna 12:14

Wuna njɨvwa ana ndɨ. Mbɨtna nyaek kwiya nda kansaga kwilɨga nyan ana wun waa ndɨ kat walaa

Jon pɨlɨwutna 18:36

Vɨga luwa kava kan kɨpma ana ndɨ. Vɨga luwa kava kan kɨpma lɨgendan wuna mbaapma nɨmba kao yiga waleagendi. Kao yiga waleandi maa Juda wun kat ana kwukendi. Vɨga luwa kava kan kɨpma ana ndɨ waa wandɨ Jisas.

Kolosi 4:5

Nat nɨmba Kraistna mbaapma nɨmba naa ndi. Ndinogwinala yetɨngweya njɨmbla yigumba yetɨmbangwuk. Ndinogwinala yetɨngweya njɨmbla ndi kat wan apma nyaangɨt ambupmba ngwuk. Kwo wana yetɨlɨngweya.

1 Tesalonaika 4:12

Wungi vapmba yetɨngweya kwo lɨga nɨmba ngwuk kat vɨlaa kan nɨmba apma vatmba yetɨga nɨmba ndi waa waigandi. Wungi vapmba yetɨngweyan kwanda kwanda kat kwaka ana lɨgiyangwuk.

1 Timoti 3:7

Kwo lɨga nɨmba vɨga lɨgiyaa nyan kat waigandi. Ndɨ kan nyan apma nyana waa waigandi. Wan nyaangɨt mbutapman yindeyan ndi Setena mbaapma nɨmba ndɨ kat kavle vat njɨka waigandi. Wungi vapmba Seten ndɨ kat kavle yigiyandɨ.