1 Jon 4:3 - Iatmul: God Waa Nyaangɨt

³ Kɨta nyan yandan wan nyaangɨt ana mbutndɨ Godna nyaangɨt ana ndɨ. Ndɨna nyaangɨt Jisas Kraist kat kaiwalɨnda nyaangɨtna. Jisas Kraist kat kai walɨnja vak ngɨni yaigandɨ waa wowun gwuk kat. Wan vak mbambala samat tamba yandɨ.

1 Jon 4:3 ပူးပေါင်းရင်းမြစ်များ

Matyu 24:5

Ngɨni nɨma sakwat nɨmba wuna sɨmba waga ngwuk kat yaigandi. Wun Kraist wun waga waigandi. Wan nɨmbana woseka wanjeya nyaangɨt wutaa nɨma sakwat nɨmbana maawut kavle yigiyandɨ.

1 Jon 2:18

Wuna nyangu, kɨpmana vat ngɨlɨgiya njɨmbla tamba ngwaya. Kraist kat kai waiga nyana yaiga njɨmbla tamba ngwaya. Wupma wukngwuk. Mbamala nɨma sakwat nɨmba Kraist kat kai walɨgandi. Ndina vak vɨlaa kɨpmana vat ngɨlɨgiya njɨmbla tamba ngwaya waa yelavɨtɨgangwuk.

1 Jon 2:22

Jisas God waa nyan ana ndɨ Kraist ana ndɨ waa walɨga nyan ndɨ woseka walɨga nyana. Ndɨ Kraist kat kai walɨga nyana. Godnogwi ndɨna nyan kat kai walɨga nyana.

2 Jon 1:7

Woseka waa kavle savle nyaangɨt ngambulɨga nɨma sakwat nɨmba nɨn kat kwagalalaa ngepma ngepmat yilandi. Jisas Kraist ndɨ ndu nyan vla lɨvat ana yandɨ waa woseka walɨgandi. Wan nɨmba woseka wa namwiya nɨmba ndi. Ndi Jisas Kraist kat kai walɨga nɨmba ndi.