1 Jon 3:24 - Iatmul: God Waa Nyaangɨt

²⁴ Wan nyaangɨtmba yetɨneyan Godnogwinala kɨta vat yetɨgiyanɨn. Wan nyaangɨtmba yetɨneyan nɨn kat kwinda waagan nɨna maawupmba lɨgiyandɨ. Godna waagan nɨna maawupmba lɨndeyan Godnogwinala kɨta vat yetɨna vak vɨlɨganɨn.

1 Jon 3:24 ပူးပေါင်းရင်းမြစ်များ

Jon pɨlɨwutna 10:38

God kwinda njɨvwa kwutɨgowun. Walɨwa kwundi wupmak kat kai wangweyan kwutɨwa njɨvwa vɨlaa ndɨ God kwiya nyana waa wun kat yelavɨkiyangwuk. Ndɨ Godna kwondumba njɨvwa kwutɨgandɨ maa wun kat yelavɨkiyangwuk. Ndɨnogwi Godno kɨta lulu lɨgambɨt waa yelavɨkɨiyangwuk. Waa wandɨ Jisas.

Jon pɨlɨwutna 14:17

Wan nyan Godna waagana. Ndɨ apma maawut kwilɨga nyana. Ndɨnamba klalaa apma vak yelavɨka lɨgiyangwuk. Kan kɨpmamba lɨga kwo nɨmba kat ana yaigandɨ. Kwo nɨmba ndɨ kat ana vɨgiyandi. Ndɨna sɨ wuka ndɨna mɨndama vɨga ana lɨgandi. Ngwuk vɨga lɨgangwuk. Ngwutnogwinala tɨgandɨ. Ngɨni ngwutna maawupmba tɨgiyandɨ.

Jon pɨlɨwutna 17:21

Ndi aywaa kɨta mbaapmamba tɨmbandi walaa mɨn kat wagalalɨgowun. Nyaek mɨnagwi wunogwi kɨta lulu tɨlia vla ndino wupma anogwi kɨta lulu tɨmbandi walaa mɨn kat wagalalɨgowun. Wupma kɨta lulu lɨnjeyan kwo lɨga nɨmba tɨnja vak kat vɨlaa yelavɨkiyandi. Jisas God wandɨ, yaa nyana waa yelavɨkiyangi.

1 Korin 3:16

Kan vak kat ngwula maawut ke sɨlawoka kwagalaga. Ngwut Godna ngay vla lɨgangwuk. Ndɨna waagan ngwutnogwinala lɨlɨgandɨ.

1 Korin 6:19

Ngwula mbangɨ Godna waagana tɨlɨga ngaya. Wupma ana yelavɨka lɨgangwuk? God ngwuk kat ndɨna waagan kwindɨ mala ngwula mbangɨmba tɨlɨgandɨ. Ngwutna yelavɨk vapmba ana yetɨgiyangwuk. Ngwutna mbangɨ Godna nda. Ndɨnai waigaa vapmba yetɨgiyangwuk.

2 Korin 6:16

Godna nɨmba mimba kwutnja waagan kaik kat ana kwunakiyandi. Ana nglaatndɨ. Nɨn Godna mbaapmamba lɨga nɨmba God vla lɨganɨn. Nɨna maawupmba yetɨlɨgandɨ. Tak God wandɨ maa wanda nyaangɨt pɨlɨwutndi. Ndi wuna ngay vla lɨgiyandi. Ndina maawupmba yetɨgiyowun. Wun ndina njambwi nyanat tɨgiyowun. Ndi wuna nyanguat tɨgiyandi waa wandɨ God waa tamba pɨlɨwutndi.

1 Tesalonaika 4:8

Kɨta nyan wan mbutɨna nyaangɨk kat kai wandeya nɨn kat ana kai waigandɨ. Ndɨ God kat kai waigandɨ. God ndɨna waagan nɨn kat apma vat sɨmogwivak kat kwilɨgandɨ.

2 Timoti 1:14

Godna waagan mɨna maawupmba lɨgandɨ. Ndɨ mɨna maawupmba lɨga wan apma nyaangɨt mɨn kat vɨsɨmogwilɨgandɨ. Wan nyaangɨk kat mɨna maawut ke sɨlawoka. Mɨn yelavɨtsɨmbla yetɨgiyamɨn.

1 Jon 2:24

Tak wukngwa apma nyaangɨt ngwutna maawupmba taaga. Wan apma nyaangɨt ngwula maawupmba lɨndeyan Godnogwi ndɨna nyanonala kɨta vat yetɨgiyangwuk.

1 Jon 2:3

Kɨta nyan Godna sɨ wuka ndɨna mɨndama vɨga tɨnda vak anda vapmba vɨgiyadɨ. Wupma vɨgiyandɨ. God waa nyaangɨtmba yetɨgiyaa nyan ndɨ Godna sɨ wuka ndɨna mɨndama vɨga lɨga nyana.

1 Jon 2:5

Kɨta nyan God waa vapmba yetɨndeya ndɨ God kat apma vapmba woviyaguga lɨndɨ. God waa vapmba yetɨndeyan ndɨ Godnonala kɨta vat tɨndangat vɨgiyandɨ.

1 Jon 2:6

Kɨta nya Godnonala kɨta vapmba yetɨgowun waa walaa Jisas yeta vap vla yetɨndeyan nglaatndɨ.

1 Jon 3:22

Godnanamba wagalaneya da klaiganɨn. Ndɨnai waa nyaangɨtmba yetɨga ndɨnai yelavɨka lɨga vapmba yetɨneyan wagalaneya nda klaiganɨn.

1 Jon 4:7

Wuna nyangu, ngwuk awat sowat woviyaguga alɨ ngwula. Awat sowat woviyaguga lɨneya vat God kwiya vatna. Kɨta nyan nat nɨmba kat woviyaguga lɨndeyan wan nyan Godna nyana.