1 Jon 2:7 - Iatmul: God Waa Nyaangɨt

⁷ Wuna apma nɨmbangwuk kat kapma vat tɨga nyaangɨt ana pɨlɨwutɨgowun. Tamba la nyaangɨtna pɨlɨwutɨwa. Tak wan nyaangɨt wukngwuk.

1 Jon 2:7 ပူးပေါင်းရင်းမြစ်များ

Matyu 5:43

Tamba la nɨmba tamba mbutɨnja nyaangɨt tamba wutɨngwuk. Ngwutna alɨ nɨmba kat woviyaguga lɨga ndi kat kwunak ngwula. Ngwutna maama nɨmba kat ndi kat kai awa waa tamba mbutɨndi.

Jon pɨlɨwutna 13:34

Ngwuk kat mandɨp kupi vat yiga yetɨngweya vat mbukiyowun. Awat sowat ngwuk ngwula maawupmba nɨma vak yelavɨk ngwula. Ngwuk kat nɨma vak yelavɨka luwa vak vla awat sowat nɨma vak yelavɨka alɨ ngwula.

Aposel 17:19

Wungi kat tɨga Pol kat kwutaa njambwi nɨmbat kalindi. Ariopagas walɨnja nduwiat kalindi. Ndɨ kat kalilaa wandi. Wama kupi nyaangɨt nɨn kat ambuk. Wupmat tɨganɨn.

Hibru 6:9

Ngwuk kɨta mbaapma nɨmba kavle vat ana yigiyangwuk. Vɨlɨganɨn. God waa nyaangɨt kat kai walɨga nɨmba kavle yigyandi waa wawa nyaangɨt ngwuk kat ana wowun. Ngwuk kavle vat ana yigiyangwuk. God ngwuk kat tamba kwunatndɨ.

1 Jon 2:24

Tak wukngwa apma nyaangɨt ngwutna maawupmba taaga. Wan apma nyaangɨt ngwula maawupmba lɨndeyan Godnogwi ndɨna nyanonala kɨta vat yetɨgiyangwuk.

1 Jon 3:11

Awat sowat kwunaka woviyaguga lɨneyan apma vala. Wan nyaangɨt tak wutɨngwa nyaangɨtna.

1 Jon 3:2

Kɨta mbaapma nɨmba, mbambala nɨn Godna nyangu nɨn. Ngɨni tɨneya vak ana vɨga lɨganɨn. Kɨta nda mɨna vɨga lɨganɨn. Kraist yaiga njɨmbla Kraist tɨga vla tɨgiyanɨn. Wan njɨmbla Kraist yilɨnda vat vɨga lɨgiyanɨn.

1 Jon 3:21

Nɨna maawupmba lɨga kavle nyaagɨt mɨn kavle nyan mɨn waa walapma yindeyan wovuna. Ngi kat tɨga God kat ana vakiyanɨn.

1 Jon 3:23

Ndɨnai waa nyaangɨt kɨngiyan. Godna nyan Jisas Kraist kat gwutna mbangɨ wiyo waavi taakandeyan wovuna. Awat sowat kwunaka woviyaguga alɨ ngwula waa wandɨ God.

1 Jon 4:1

Wuna nyangu, wukngwa nyaangɨt aywaa ke maawupmba kwutaa yetɨga. Wan nyaangɨt Godna nyaangɨtna? E? Godna nyaangɨt ana ndɨ? Waa maawupmba yelavɨk ngwula. Nɨma sakwat nɨmba kɨpmamba lɨgandi. Wun God waa nyaangɨt kiyalɨga nyan wun waa woseka walɨgandi.

1 Jon 4:11

Wuna nyangu, God nɨn kat nɨmamba woviyaguga lɨneya vat nglaatndɨ.

1 Jon 4:21

Wawa nyaangɨt kwo ana walɨgowun. God wandɨ, walɨgowun. God wandɨ. Kɨta nyan wun kat mɨna ana woviyaguga lɨgiyandɨ. Ndɨ ndɨna wakwa nɨmba kat ndino aywaa woviyaguga lɨgandɨ. waa wandɨ God.

1 Jon 4:7

Wuna nyangu, ngwuk awat sowat woviyaguga alɨ ngwula. Awat sowat woviyaguga lɨneya vat God kwiya vatna. Kɨta nyan nat nɨmba kat woviyaguga lɨndeyan wan nyan Godna nyana.