1 Jon 2:11 - Iatmul: God Waa Nyaangɨt

¹¹ Kɨta nyan ndɨna kɨta mbaapma nyan kat kai walɨndeyan ndɨ kavle maawut yelavɨka yetɨlɨga nyana. Apma vat yindeya yambɨ kai. Mɨni kiya la yetɨlɨga nyan vla lɨgandɨ. Apma vat yiga yetɨndeya yambɨ kat ana vɨlɨgandɨ.

1 Jon 2:11 ပူးပေါင်းရင်းမြစ်များ

Jon pɨlɨwutna 12:35

Wagalandi maa Jisas ndi kat wandɨ. Mbambala ngwutnogwinala lɨwan kemba lɨga ya vla lɨgowun. Mbambala wun kat vɨlɨɨ Godna apma vat vɨsɨmogwi lɨga nyana waa yelavɨk ngwula. Samat tɨga ngwuk kat kwagalalaa yigiyowun. Yiwun maa ngwuk ngan vla lɨgiyangwuk. Wuna apma vat ana vɨga lɨgiyangwuk. Wun kat vɨlapma Godna apma vat vɨsɨmogwi lɨga nyana waa ana yelavɨkiyangwuk.

Jon pɨlɨwutna 12:40

Ndɨ tamba pɨlɨwutndɨ. God wandɨ maa ndina mɨni ana vɨlɨndi. Ndina maawut ana yelavɨtɨndi. Ngi kat tɨga God ndi kat yilɨnda vat ndina mɨni ana vɨga lɨndi. Ndina maawut ana yelavɨka lɨndi. Ngi kat tɨga God ndi kat ana kwunakiyandɨ waa pɨlɨwutndɨ Aisaia.

2 Korin 3:14

Lona nyaangɨt wuka yigumba maawut ana sɨka lɨndi. mbambala ndɨno wupma. Kraist ndi kat maawut kwigendan wan lona nyaangɨt wuka ndɨna angwa vak kat yelavɨka lɨgendi.

2 Korin 4:4

Wan kɨpmana njambwi nyan Seten ndi kat kavle maawut kwindɨ maa ana yelavɨka lɨgandi. Wan kɨpmana njambwi nyan Kraist yeta vakvɨvak kat ndi kat kai wandɨ. Krasitna apma nyaangɨt mbutɨna nyaangɨt wupmak kat ndi kat kai wandɨ. Kraist God ta vak vla tɨgandɨ.

Taitas 3:3

Nɨnagwi nɨno tak kavle maawupmba yelavɨka yetɨnɨn. Nɨn God kat kaiwaa nat nɨmba kat kaiwaa yetɨla nɨmba nɨn. Nɨna mbangɨ waiga vat mɨna wuka yetɨnɨn. Nat nɨmba kat njɨka waga ndi kat tɨpmwigwula yiga yetɨlɨnɨn. Nat nɨmba nɨn kat kai walɨndi. Nɨn awat sowat kai walɨnɨn.

2 Pita 1:9

Wawa apma vapmba yetɨlapman nɨmba ndi mɨni mbaw viyandɨ, yetɨga nɨmba vla yetɨgandi. God ndina tambana kavle vak kat sɨlɨmbwinda vak kat sɨlɨwoka kwagala la nɨmba vla lɨgandi.

1 Jon 1:6

Kɨta nyan kavle vapmba yetɨga lɨga Godnonala kɨta vat yetɨlɨgowun waa wandeyan woseka waigandɨ. Woseka waga kavle vat yiga yetɨgiyandɨ.

1 Jon 2:10

Kɨta nyan ndɨna kɨta mbaapma nyan kat kwunaka woviyaguga lɨndeyan ndɨ wan nyan kemba lɨga kavamba yetɨlɨga nyan vla lɨgandɨ. Ndɨ kavle vak ana yetɨlɨga nyana. Ndɨnai yetɨlɨga vak wan nat nɨmbana maawut ana kavle yigiyandɨ.

1 Jon 2:9

Kɨta nyan ndɨna kɨta mbaapma nyan kat kai walɨndeyan ndɨ kulun waa kavamba yetɨlɨga nyan vla lɨgandɨ. Wun apma vapmba yetɨlɨgowun waa wandeyan ndɨ woseka waigandɨ.

1 Jon 3:15

Kɨta nyan ndɨna kɨta mbaapma nɨmba kat kai wandeyan wan nyan ndu nyan vatnya lɨga nyan vla lɨgandɨ. ndɨ njɨmbla njɨmbla ama vat yetnɨjeya vak ndɨna maawupmba ana kwutaa lɨgandɨ.

1 Jon 4:20

Kɨta nyan God kat wun woviyaguga lɨgowun waa walaa ndɨna wakwa nyan kat kai wandeyan wan nyan woseka walɨgandɨ. Ndɨna yakwa nyan kat ndɨna mɨndama kat viɨga lɨgandɨ. Ndɨ kat kai walɨgandɨ. Mɨndama vɨlapman yindeya nyan God wan nyan anda vapmba ndɨ kat woviyaguga lɨgandɨ. Ana alɨpsɨga woviyaguga lɨgiyandɨ.

Revelesen 3:17

Ngwuk kupma walɨgangwuk. Nɨn apma vat tɨganɨn. Nɨna kwanda kwanda apma vat tɨgandɨ. Kɨta nda kat ana kwaka lɨganɨn waa walɨgangwuk. Ngwula nyaangɨt ana nglaatɨgandɨ. yilɨngwa kavle vak kat ana vɨga lɨgangwuk. Ngwuk kwanda kwanda lapman tɨgangwuk. Ngwuk waavwi lapman nɨmba bla lɨgangwuk. Ngwuk mɨni kiya nɨmba vbla lɨgangwuk.