1 Jon 1:1 - Iatmul: God Waa Nyaangɨt

^1-3 Ngwuk kat Jisas Kraist kat mbupmak yigowun. Tamba nat nɨmba kat mbutnja nyaangɨt ngwuk kat mbupmat yigowun. Tamba wan nyaangɨt tɨndɨ, ndi kat mbutndi. Kwo nyaangɨt ana ndɨ. Jisas Kraist kat nɨna mɨnimba kwuka vɨnɨn. Ndɨ kat vɨga kɨtamba yetɨnɨn. Ndɨ apma vat njɨmbla njɨmbla yineya vak kat mbuka kwilɨnda vak wuka vɨnɨn ndɨ kat. Wan vak mbuka kwilɨnda vak ndɨna nyaeknanamba klanda vatna. Wungi kat tɨga wan vak ngwuk kat mbutɨgowun. Mbutuwa nyaangɨt wutaa ngwutna maawupmba yelavɨka yetɨngweyan kɨta vat yetɨgiyanɨn. Nɨn Godnonala ndɨna nyan Jisas Kraistnonala kɨta vat yetɨlɨganɨn.

1 Jon 1:1 ပူးပေါင်းရင်းမြစ်များ

Luk pɨlɨwutna 1:2

God kwuta njɨvwa va nɨmba wan njɨvwa vɨlaa nat nɨmba kat mbutndi maa pɨlɨwutndi. God kwuta njɨvwa aywaa vɨlaa mbutndi. Va nɨmba Godna njɨvwa kwuta nɨmba ndi.

Luk pɨlɨwutna 24:39

Wun wundumbu ana wun. Wuna man taamba avɨ. Wuna mbangɨ agwuk. Mbangɨ ava tuwa vat wundumbu wupma ana lɨgandi waa walaa

Jon pɨlɨwutna 19:35

Wun wan vak tamba vɨwun. Ana woseka wowun. Vɨlaa wukngwangat kan nyaangɨt pɨlɨwutɨgowun. Jisas God wandɨ, yaa nyana waa yelavɨkngwangat wan nyaangɨt pɨlɨwutɨgowun.

Jon pɨlɨwutna 20:27

Tomas kat wandɨ. Mɨn laataa yagwa mɨla. Wuna taambamba lɨga paw mɨna taamba sɨga avɨ. Kiyalaa lɨga ana laatndɨ waa yelavɨka lɨma vak mɨn kwagala. Kiyalaa laatndɨ waa yelavɨka alɨ mɨla waa wandɨ Jisas.

Jon pɨlɨwutna 5:26

God kavle vat ya nɨmba kat apma vak ndi kat kwindeya vla wuno Godna nyan wupma kwilɨgowun. God wandɨ maa kwilɨgowun.

Jon pɨlɨwutna 8:58

Wagalandi mala Jisas ndi kat wandɨ. ngwuk kat ana woseka wowun. Tamba wunai ta njɨmbla Ebraham wata ana lɨndɨ waa wandɨ Jisas.

Aposel 4:20

Kwo ana walɨga. Vɨlia vat wutiya vak kat mɨna ndinyangu kat walɨgali waa wambɨt.

Hibru 2:3

Mbambala nɨno nɨmbun. Mbamvala nɨn kat kwunapmat ya Godna nyan mbukna nyaangɨt wutapman yineyan God nɨn kat nɨma vak kavle vat yigiyandɨ. Kavle vat yiga yetɨlɨna vak kat aywaa kwunapmat yandɨ. Wan apma nyaangɨt tat Kraist mbutɨnɨ. Ngɨni ndɨnamba nyaangɨt wuta nɨmba wan apma nyaangɨt nɨn kat mbutɨnɨi.

1 Jon 4:14

Kɨpmamba lɨga nɨmba kat kwunapmak kat God ndɨna nyan kat kwindɨ. kwindɨ, yandɨ mala vɨnɨn. Vɨna vak mbutɨganɨn ngwuk kat.

1 Jon 5:7

Jisas God njana nyan tɨndangat Godna waagan ana woseka walɨgandɨ.

Revelesen 1:11

Wan kwuni kupma walɨndɨ. Vɨga wupma vak lavu nyingamba pɨlɨwutaa ngepma sɨla vɨlimba Godna mbaapmamba lɨga nɨmba kat agwi. Kwimɨn, vɨgandi. Wan sɨla vɨli ngepmana sɨ kɨngian. Efesas, Leodisia waa walɨndɨ.

Revelesen 1:8

Njambwi nyan God wun kupma lɨgowun wandɨ. Wun tata lɨga nyan wun. Wun ngɨni la lɨga nyan wun waa wandɨ. Ndɨ ngiyambak wandɨ. Kwondu mbundɨ nyana. Tamba lɨndɨ. Mbambala tɨgandɨ. Ngɨni at tɨgiyandɨ. Njɨmbla njɨmbla tɨgiyandɨ.

Revelesen 19:13

Ndɨna sɨvla waavwi yelogwenmba sɨvugulaa kwusolaa lɨndɨ. Ndɨ kat walɨnja sɨ kɨngiyan. “God Waa Nyaangɨt.”

Revelesen 2:8

Smena walɨnja ngepma nɨmba, Godna mbaapmamba ta nɨmba na ensel kat kan nyaangɨt pɨlɨwutaa agwi ndi kat. Vɨga wukandi.