Zefania 3:9 - Iaai Bible 1901 (New Caledonia)

⁹ Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Zefania 3:9 ပူးပေါင်းရင်းမြစ်များ

Genese 11:1

KE khaca thibi hwan hmeledrany hia, me khaca thibi hofuc.

Genese 4:26

Ke haba Setha, adre hnokoâ nokon ke da; ke e ame hwenyi ien Enosa: wale ûen ame bi hwân tavat he ka hawâ iö Iehova.

Salamo 113:3

E so adre me ogânâ iö Iehova, Hwân hnyi hna o thö seûno ke ne o but hnyi hna ûdiliny.

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Isaia 19:18

Hnyi bong eling adre me he ka ha hwen Kanana hnyi je tauniny Aigupito a thabûng, me khemanyin kö Iehova tuhan sabaoth; adre me he ka hwenyi ien khaca me taun ae hnaûhango.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Isaia 6:7

me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Ezekiela 37:17

ke ûhûjaköuâju me me khaca thibi utö, mʼ ödra me khaca thibi hnyi hnyamâm.

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Mataio 12:35

Haba at ae so ame hom but ta je ûnyi ae so ûnyi hnyi tang omjehen ae so; ke haba at ae kong ame hom but ta je ûnyi ae kong ûnyi hnyi tang omjehen ae kong.

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.