Zefania 3:8 - Iaai Bible 1901 (New Caledonia)

⁸ Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Zefania 3:8 ပူးပေါင်းရင်းမြစ်များ

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 123:2

Wâ bi, je li emakan ta je athnyaba ame hngele ka hnyi hnyamen ta je tuhödra, Ke li emakan in ame hngele ka hnyi hnyamen tuhan a momo; Helâe minya je li emaköta kö Iehova a Khonguta, Ke ne o but e ame he ka betenge gata.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Salamo 37:34

Halubahing Iehova ju, ke vheno deny gethen, Me e ame he ka ogöranyi u mʼ u me he ka hu hnyei: Ödra ka subâ degecâ tavat ae kong, me u me he ka wâ.

Salamo 37:7

Laba wia ju unyi Iehova, ke halubahingen ju: Ca he ka hmak ge at ae sot hnyi deny gethen, Wale at ame bibihwakeoin he ka okongoâ.

Salamo 62:1

AME laba hnyibû hanuk ka Khong thibi: Ûnyi gan anyik möt.

Salamo 62:5

Hanuk lö, e so u me he ka laba hnyibû ka Khong thibi; Anyin a ûnyi gan hnok hna gejon.

Salamo 79:5

Iehova lö, ke ne o but kehö, u me he bala ka hmönyin? Ame he ânyâm ciâ ka ubâhlâ helâ me meic?

Salamo 79:6

Hingâlâ but ânyâm wathethot ka tavat ae ca khanʼ ödra u, Me ka ta je dokhu waleji adre me ca hawâ iâm.

Ta je Vejec 20:22

Ca ha, ka habe, Oge me he ka bi hwaban monu: Halubahing Iehova ju, ke e ame he ka omeli u.

Khumöng Hwanyi Solomona. 8:6

Ip nya ju eû hnyi hnyekom helâ me hna ohmâ haten, helâ me hna ohmâ haten hnyi benyâm: Anyin ae hmâ ibetengiö helâ me mok; Ke haba ciâ, e ame bevecâ helâ me: erkemok: Haba bâhlân, me helâ me bâhlân meic, A bâhlân bi anyi Ja.

Isaia 14:26

Wale hna ûnykûme adre me ûnykûme hnyi hmeledrany hia: ke wale hnyam adre me hai hon ta je hnyei hia.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 34:2

Anyin a e but hmonyin anyi Iehova hon ta je hnyei hia, me anyin wathethot hon anyidra ta je utbavat hia: e a hia but ohiʼ ödra, e a hia but hnʼ ödra, inʼ adre me he ka hlingʼ ödra.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Jeremia 10:25

Hingâlâ but ânyâm hmonyin hon je hnyei ae ca khanʼ ödra u, me hon je lap adre me ca hawâ bi iâm: anyin adre hia but öaûö Jekob, eke, adre hia but utâ e, me ohia e, me öba wan hnyaban.

Hosea 12:6

Anyin a wale hmetu ju ka Khongom: tuö ju ibetengiö me hna owisa, ke halubahingen bala Khongom.

Joela 3:2

me oge me he bi ka ûkhacaköuâ je hnyei hia, me hum ödra ka hnyi hnyigöulen bucen anyi Jehosafata; ke oge me he ka ûhnei mʼ ödra eling can lakeik me jekhöûk a Isaraela, wale adre oveseâ ka hnyi je hnyei, me khenâ ik hnyei.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Hagai 2:22

ke oge me he ka ohnyimenâ hnyikânâi je theroniny je dökhu, me ohia tang hwegien je dökhuiny je hnyei; ke oge me he ka ohnyimenâ hnyikânâi je kariota me tavat adre me tabâ, ke ame he ka ta je hors me tavat adre me tabâ, ge hele vat anyin je liamekeiny mödra.

Mataio 25:32

ke ame he ka ûkhacaköu ta je hnyei hia thithö hnyi hnyimakan: ke e ame he ka khenâ luʼ ödra but, helâ me at tuö mamoe ame khenâ luâ ta je mamoe me ta je got:

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

Hna Omanenâ 16:1

KE oge me löng ifucin ae gan hnyin uma kap ame ha ka je angela a seven, ka habe, He thʼ öbun ka hingâlâ je kaiainy tang hmönyin anyin Khong ka hnyi hmeledrany.

Hna Omanenâ 16:14

anyin a ödrin je hanu anyin je demoni, ödrin a ânyâ je haten; wale ödrin e he ka ta je than hia hyin hmeledrany he ka ûkhacaköu ödra ka hnyi vat hnyi bong ae gan bonginy Khong Ataekhanahia.