Zefania 3:4 - Iaai Bible 1901 (New Caledonia)

⁴ Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.

Zefania 3:4 ပူးပေါင်းရင်းမြစ်များ

Isaia 9:15

Haba hingat ae lung so, me wale ban; ke haba obiny, me wale perofeta ame ûne thoi.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 34:19

je than Juda, me je thaniny Jerusalema, je eunuka, me tavat bihut, me tavat hia hnyi hnyei, a tavat adre me he hnyi wanben li ke keihen nokon kau;

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 22:26

Haba anyin tavat bi hut adre me hia but hanyâûâ anyik hnanyibu, me okongoâ hnok je hna okabâ: adre ca hia but ve bongon ûnyi ae kap me ûnyi ae monu, ke adre me ca hia but ve okhana tavat ge ûnyi ae bo kong me ûnyi ae bo so, me mûko je emaködra ge anyik je sabath, ke inya at adre okongoâ hnyi wan-bödra.

Ezekiela 22:6

Wâ bi, a hia but mwi unyâm je taben Isaraela ödrin hia hoton je ve hwegiödrin, he ka hingâlâ dra.

Ezekiela 44:23

Ke adre me he ka nâ lakeik ge bongon ûnyi ae kap, me ûnyi ae ca kap, me owâhmakhmeto ödra ge ûnyi ae bo kong, me ûnyi ae bo so.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Malaki 2:8

Ke öbun e saû but ûnyi hnyi gethen; öbun e hia but ohavâ tavat ae se hia hnyi hnanyibu; öbun e hia but okongoâ ûhihinyköu anyi Levi, haingö Iehova tuhan sabaoth.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

II. Korinito 11:13

Haba hnyat eling, me je aposetolo thoi, a hnyat huliwa iyawo, a ka hamödrin wiʼ ödrin me hnân ta je aposetolo anyin Keriso.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Owisa 9:4

Ke ödrin e ham kâu je mone a sevente ûnyi hnyi uma umo Baala-berith, me Abimelek ame ûco je hnyat ae monu me hop, kʼ ödrin e hnu hoton.

I. Samuela 2:22

Ke haba Eli, me, ti hingat ut; ke e ame long ta je ûnyi hia a ânyâ li lakon ka at Isaraela hia, me hnödru hna tha mokut me je momo adre hnyi huliwa hnyi hwanumen uma ûkhacaköu.