Zefania 3:19 - Iaai Bible 1901 (New Caledonia)

¹⁹ Wâ bi, hnyi ûen eling oge me he ka mâdrʼ ödra hia tavat adre me oveci u: ke oge me he ka omelö at ame he ci, ke hlo at adre me obâ; ke oge me he ka wiʼ ödra hnân ogânâ me lung bi, wale adre me hmehma gadra hnyi hmeledrany hia.

Zefania 3:19 ပူးပေါင်းရင်းမြစ်များ

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 60:18

Adre me ca he hmetu ka long ûökonguny hnyi em hnyei, ke ame ca he bi ka ba wan me hna ûhangö hnyi je hnyigöulâm; ke u me he ka hwenyi ien ânyâm je hna up haginy, ka habe, Ûhomeli, me je homagöulem, ka habe, Ogânâ.

Isaia 61:7

Ame he ka lo li hwaban köbun, hwaban anyibun hmehma; ke hwaban imonumonuny adre me he ka senyinâ jekhöûdra; anyin a wale adre me he ka olo hu hnyi idra hnyei: kʼ adre me he bi ka senyin nyiele balua.

Isaia 62:7

ke ca hna but kâu he ka menâ, ke ne o but e ame otilâ, me ke ne o but e ame wia Jerusalema hnân ogânâ hnyi hmeledrany.

Jeremia 30:16

Anyin a wale, adre me he ka ohiʼ ödra tavat adre me ohiö u; ke adre me he ka hwenbâ ta je iwahnaihmiony mou; ke adre me he ka söh tavat adre me sei u, ke oge me he ka hna he ka hûgûnâ hia ta je ûnyi anyin tavat adre me hûgûnâ ânyâm ta je ûnyi.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Jeremia 31:8

Wâ bi, oge me he ka hum ödra ûnyi hnyi hnyei hnyi hwadro, me ûkhacaköu ödra ûnyi hnyi je can hmeledrany, tha e mödra je wadröu, me tavat ae kong cadra, me erkin, me momo ame he ka hnokoâ: adre me he ka hmetu kââng, a bunyen ae gan.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Ezekiela 16:27

Anyin a wale wâ bi, oge hia but hai hnyamok hom, me oûnyûkongoâ âm jeû, me hnö u ka hnyi weny tavat adre me hûkötiö u, je wahluiny Filisiti tavat adre me hmehma ge je hwakecâm ae ikiki.

Ezekiela 16:57

ödra ka tiga ca omanenâ ânyâm hulo, helâ me ûen hna haikongo hnen wahlu laku Suria, mʼ ödra hia thithö igigilo e, wahlu lakon at Filisiti, hnyat adre me hûkotiâ u igigilo.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 39:13

Eke, ame he tavat hia thithö hnyi hnyei ka hnyi konim ödra; ke ame he ka hnân olungi ödra hnyi bong adre me oganö nya hnyin, haingen Than Iehova.

Ezekiela 39:26

Ke adre me he ka vheno anyidra hmehma, ke hwakecidra ae kong waleji adre me ânyâ könya, ödra ka he ka Aba hnahic hnyi idra hnyei, ke ba at ame he ka ootʼ ödra;

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Heberu 12:13

me owisa but ta je gethen hobi kâu je cabun, me me ca he ka khikhin can ae mat, ke so bi he ka hwege hmetu bi.

Hna Omanenâ 20:9

Ke adre me ölö thö me dedo hmeledrany, me igigilo hunuma anyin wakap, me taun ae oûnykûminy: ke ame o but meic ûnyi hnyi drany me thong degeci ödra.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.