Zefania 3:14 - Iaai Bible 1901 (New Caledonia)

¹⁴ Hluiny Ziona lö, khumöng dö; Isaraela lö, kuku thö; hluiny Jerusalema lö, senyin dö ke hobâ ge hnyekom ae bekhöt.

Zefania 3:14 ပူးပေါင်းရင်းမြစ်များ

Nehemia 12:43

Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

Salamo 14:7

E na he ju möt kö Isaraela ûheny Ziona! E ka be Iehova ka ohmeto lakeiny ûhedra hnyi hnabâ. Me ame he Jekob ka senyin, kʼ ame he Isaraela ka hobâ.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

Salamo 97:8

A long ut Ziona me senyin, Kʼ adre me hobâ wahlu laku Juda; Can hnâm ta je hna owisa, Iehova.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Isaia 40:1

ÖTUBWELÂ ju öbun, otubwelâ ju öbun lakeik, haingen Khongubun.

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Isaia 54:1

KHUMÖNG dö, u momo toûnyi at ame ca hnokoâ; ke ie khumöng dö goranyai, ke hongot senyin dö momo ame ca vec hnyekom: anyin ae se hia lakon tavat laba baû hon lakon tavat ae hu laöiödra, haingö Iehova.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Joela 2:23

Ke senyin dö, öbun je lakon Ziona me hobâ ga Iehova Khongubun; anyin a e ame ham köbun we a bân ae ûcû, ke e ame kunâ köbun we, wale we a bân me we a biliny, hnyi tehi a bân.

Mika 4:8

Ke haba u tap tue anyin hnahat mamoe, hut anyin hluiny Ziona me ame he ka o köu; eke, ame he ka o musi a bân, wale dokhu dokhon hluiny Jerusalema.

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.