Zefania 3:13 - Iaai Bible 1901 (New Caledonia)

¹³ Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Zefania 3:13 ပူးပေါင်းရင်းမြစ်များ

II. Man Ûlabainy Je Than. 20:30

Ke ame laba wia dokhu Jehosafata: anyin a Khongon ame omenâ e ehele.

Jobu 11:19

U me he minya ka mokut, me ba at ame he ka ooti u; Eke, ame he ka weny gam tavat ae se hia.

Salamo 119:3

Eke, adre me ca hnyi ânyâ hwakecin ae hwali; Kʼ adre me vheno deny ta je gethen.

Salamo 120:2

Iehova lö, omelo thö hanuk ûnyi ge li esongot ae thoi, Me ûnyi hnyi bohmen ae thoi.

Salamo 120:3

Bohmen ae iyawö lö, Ieû adre me he ka ham köu, ke ie ke ûnyi minya adre me he ka ânyâ köu?

Salamo 23:2

E ame omokuli nya hnyi hna önying ae hat: E ame su nya thö ka hnyu je wagewe ame omise.

Isaia 17:2

Adre me he ka hna degecâ but je tauniny Aroera: ke hnân bi hobi kâu je hnahat mamoe, kʼ adre me he ka mokut eling ke ba at ame he ka ootödra.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 54:14

Adre me he ka otethmö u hnyi hwakecin ae wisa: me u me he ka laba sâkâu ge seda, anyin u me ca he ka ot; me laba sâkâû me öbubuny, anyin a e ame ca he bi ka o köu.

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Jeremia 23:4

Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Ezekiela 39:26

Ke adre me he ka vheno anyidra hmehma, ke hwakecidra ae kong waleji adre me ânyâ könya, ödra ka he ka Aba hnahic hnyi idra hnyei, ke ba at ame he ka ootʼ ödra;

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Joela 3:21

Ke oge me he ka haisoâ drödra waleji oge me tiga ca haisoâ: anyin a Iehova ame laba hnyi Ziona.

Levitiko 26:6

Ke oge me he ka ham ûsoköu köbun hnyi hnyei, ke öbun e he ka mokut, ke ba at ame he ka oti öbun: ke oge me he ka, ohia je menoiny hnyot ae kong hnyi hnyei, kʼ ame ca he hele vat ka vheno ibun hnyei.

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Zefania 2:7

Ke haba hobat köiö, me ame he ka hnân hobi kâu je kolon lap anyi Juda; kʼ adre me he ka han haledrin ta je hnahat mamoe eling: kʼ adre me he lû mokulec je uma umo Asekelona hnyi sahac; anyin ame he Iehova Khongudrin ka senʼ ödrin, me ohmetu ödrin ûhedrin hnyi hna bâ.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Zakaria 8:12

Anyin ame he ka hu hatonginy ûsoköu; ame he vine ka wa, ke kânâ ame he ka oâ jeûiny, ke ame he drany ka ham dân hau; ke oge me he ka kunâ je kolon tavat ang ka hu ta je ûnyi hia eling.

Zakaria 8:16

Walang ûnyi öbun e he ka ânyâ. Ûhaköuâ thö hnathu; owisa hnatho thö me hnahic hnyi je homa-göulebun:

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

Kolose 3:9

ca uthoiköu bi, anyin a öbun e hia but uny degecâ at adrem me ta je hwakecin,

I. Peteru 3:14

Ke öbun e ne vec can hwakecin ae wisa, hnobun hnahic: ke ca ot bi ge hnödra hna ootâ, ke ca hlohlo bi;

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

Hna Omanenâ 14:5

Ke ba thoi adre me wâ hnyi je hnyimödra, anyin ae ba hnyikongudrin.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.