Zefania 3:12 - Iaai Bible 1901 (New Caledonia)

¹² Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Zefania 3:12 ပူးပေါင်းရင်းမြစ်များ

Ezera 9:8

Ke walang ang e okhulit thibi ûen ae hu gahmun betenge ûnyi ga Iehova Khonguhmun, he ka bi kolon kohmun möhmun e möt, me ham kohmun ke fao hnyi anyin dok ae kap, me me he Khonguhmun ka omelamâ je emaköhmun, me ham kohmun ûhomeli ae ûhnyûkong kohmun a je bâ.

Salamo 37:40

Ke Iehova ame hadruʼ ödra, me hûgûnʼ ödra: E ame hûgûnʼ ödra ûnyi ge tavat ae kong, me omeli ödra, Anyin adre me lubaduöng unyin.

Isaia 14:30

Ke ame he nokon a bân at ae theduoc ka han, kʼ ame he tavat ae ba ta ûnyi ka mokut khötkic: ke oge me he ka hlingâ ânyâm wân ge mekihnânem, ke adre me he ka hlingâ ânyâm je kolon.

Isaia 14:32

Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Jeremia 17:7

Hnahic hnen at ame labageju kö Iehova, at ame ip Iehova hnân jekhon.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Mika 5:6

Ke adre me he ka öba waniny hnyei Asuria ge hele vat, ke hnyei i Nimeroda hnyi je homagouleny; ke e ame he ka omeli öta ge at Asuria, e ka o ka hnyi ita hnyei me uto je ita.

Nahuma 1:7

E so Iehova, e hnabâ hnyi bong vec; ke e ame wâhmakhmeto tavat adre me labageju kâu.

Zakaria 11:11

Ke ame hmetru thö hnyi bong eling: ke e khana but hnahat mamoe ae vec ut, tavat adre me tevehlöng könya a wale hofuc ho Iehova.

Zakaria 11:7

Waleling me oge me han hnahat mamoe hnân hlingâ, a ta je mamoe ae ti kong hnyi hnahat. Ke oge me hom li uci; haba khaca oge me hwenyi ien, me Hmanenang, ke oge me hwenyi ien khaca, me Je wen; ke oge me han hnahat mamoe.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 12:21

Ke ame he Aten ta je Hnyei ka ge ju ka hnyi ien.

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Roma 15:12

Ke wale hmetu ang, haingö Isaia, ka habe, Ame he ka hu iwân ûnyi ga Jese, Ke at ame tot he ka muso Aten ta je hnyei; Ame he ka labageju kâu hnen Aten ta je hnyei.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.